مساعدة بطلع امريكا وخايف !!

صح ونسيت ، كم المكافئه ف امريكا ؟؟

الله يكون بعونك اخوي لكن اللي اعرفه انه ماتحتاج تمر على واشنطن خلاص ترفع اوراقك من ولايتك ومقر دراستك عن طريق

البوايه اتمنى الاخوان يفيدوك اكثر

بالتوفيق ,,,

نصيحه اخويه .. لاتجي الا وانت متعلم اللغه لو شوي اوو يكون معاك احد عنده لغه .. الوضع مو سهل مره ..

الله يستر وان شاء الله يفيدونا باقي الاخوان

أنصحك بالدراسة في أمريكا وخصوصا اللغه.

الشعب ممتاز ووطيب ويساعدك في اكتساب اللغه في اقرب وقت وكذلك المعاهد حدث ولا حرج لا تعد ولا تحصى والغالب فيها ممتاز وعليك اختيار الولايه التي ترغب الدراسه فيها ومن ثم تستطيع تحديد المعهد وبكل تأكيد الشباب راح يفيدونك اكثر واكثر من ناحية المعهد.

هناك بعض الولايات ممتازه للشباب ولكنها قد لا تصلح للمتزوجين من ناحية غلائها والتنقل فيها بسهوله الخ

انا متأكد اذا بديت بقوه مع معهد ممتاز راح تتكلم وتفهم اللغه بشكل ممتاز خلال 6 أشهر,

نصيحتي لك لا تذهب للملحقيه ولن تستفيد شيئا حتى لو ذهبت وهذا من واقع تجربتي وراح تخسر الكثير خصوصا أنك عل حسابك الخاص. التعاملات أصبحت الكترونيه وعن طريق البوابه الالكترونيه وتقدر تسويها وأنت في بيتك إذا جيت إن شاء الله.

المكافأه للمبتعث تقريبا 1900 دولار مع البدلات وكل شي وللزوجه تقريبا 900 دولار والاطفال 270 دولار لكل طفل. إذا كانت ايضا الزوجه مبتعثه تأخذ نفس مكافأتك 1900 دولار لكن اعتقد أنك عزابي وربي يرزقك الزوجه الصالحه.

الأمور بشكل عام ممتازه في أمريكا ولا تقلق ولا تخاف واعقلها وتوكل عل الله..

الأمن ممتاز في غالب الولايات والمدن والمعيشه معقوله في بعض الاماكن والولايات المشهوره تعتبر اكثر غلاء من الاخرى. القانون فوق الوصف والخيال ويحترم من يحترمه.

بكل أمانه ما فيه شيء يستحق أن أحذرك منه إلا اني أوصيك بتقوى الله والمثابره والابتعاد عن اماكن الشبهاب وكذلك يجب عليك احترام القانون الامريكي لانه في حمايتك وبعدها سوف نراك بإذن الله ناجحا متميزا في حياتك العلميه والعمليه.

وفقك الله

الله يعطيك العافيه ي اخ نحن : صراحتن طمنتني كثير مع اني كنت متخوف قليلا ..
لاكن سمعة من بعض الاخوان ان نظام الالتحاق تغير .. يعني اول من شهر الا شهرين او ٣ او اربع تلتحق على حساب الحكومه ، اما الان لازم تخلص الغه او ٣٠ ساعه تخصص : هل هذا صحيح ؟؟

الكلام يطوووول في هالموضوع يا أخ رياض لكن ما أعتقد أنه صحيح. أنا اعرف شباب شخصيا كانوا عل حسابهم الخاص وأنضموا عل البعثه في مدة لا تتجاوز الشهرين بل البعض منهم خلال شهر.

اللي يجب عليك فعله عند قدومك لامريكا فتح ملف مباشرة وارفاق جميع الاورق المطلوبه ومن ثم سوف تاخذ رقم طالب عل حسابه الخاص وبعدها بفترة قصيره ترفع لهم تقارير دراسيه عن حالة مستواك الدراسي وذلك بالمتابعه مع مشرفك حتى يتم رفع اوراقك للوزارة وبعدها سوف تنضم للبعثه بإذن الله.

يجب عليك التركيز والنقاش مع مشرفك الدراسي بخصوص هذا الموضوع بشكل مستمر وبإذن الله سوف ترى خيرا ومن ناحية لازم تصبر حتى تخلص لغه بصراحه من زمان ونحن نسمع هذا الكلام لكن لانراه عل الواقع وإن شاء الله ما نراه ونسمع بإنضمام إخواننا وأخواتنا الدارسين عل حسابهم الخاص للبعثات قريبا وخصوصا اننا مع عام جديد وميزانيه جديده. تفائلوا بالخير تجدوه

الله يعطيك الف عافيه ويجعل مثواك الجنه .. حقيقه ريحتني كثير

واسف للخطآ المطبعي مني : هي بكالريوس وليس ماجستير

الله يوفق الجميع الى ماهو خير ...
أميييييين يارب ... انشاء الله ننظم للبعثه ونرتآح من هم الفلوووس ..