المرحله الثالثه -امريكا- اي استفسار لا يردك الا كيبوردك ,, حياكم

ولابد ان تكون الجامعه من الجامعات الغير مغلقه حيث انه تم اغلاق بعض الجامعات بسبب كثافه عدد الطلاب السعوديين بها

حياكم

النظام لا يجيز الجمع بين برنامجين

اتركي البعثه واذهبي للوظيفه فالكثير من زملائنا هنا معيدين بالجامعات فظفروا بالاثنين

موفقه

سمعت عن الطب شي زي كذا لكن مو متاكد خلني اسالك

اي استفسار لا يردك الا كيبوردك ,, حياك

اخوي ابو رعودي انا توه طلع اسمي بالجريده ومدري وش اسوي مادورت جامعه ولا ولايه انتظر الملتقى بعدين ادور والا وش اسوي؟
وياترى الوظيفه مضمونه بعد ما اخلص دراستي والا لا لانه فيه كثير يقولون مافيه وظايف صح الكلام والا لا؟
واقدر اغير امريكا لا اخت زوجي في استراليا اقدر اغير لاستراليا او امريكا احسن ياريت تفيدني وانا قررت ادخل معهد لغه عشان احسن لغتي
وانا مقدمه ماجستير تسويق وش احسن جامعه ادرس فيها اذا عندك علم
ومشكوووووووور على جهودك واتمنى ترد علي لاني متوهقه

السلام عليكم جميعا ...
انا عندي عدة أستفسارات :
1- انا اسمع عن انواع الفيزا بس مش قادره استوعب لأي شخص تكون .. فهل ممكن تزودنا عن معلومات عن نوع الفيزا؟

2-قرأت عن نماذج تخص المرافقين مثل 156 وغيره ... برضوا ودي في معلومات عنهم ؟

3-في الأبليكشن الي سلمناه في مرحلة الترشيح المبدئي كانت في خيارات لوقت الذهاب لبدء الدراسه ... هل من الضروري الألتزام فيه ؟؟

4-سمعت من الاخوه في المنتدى انهم يُسئلوا عن (( السفر لبعض البلدان )) هل السؤال يكون مشمول للسفرات السابقه القديمه الي بالجواز القديم ؟؟ يعني لو انا مثلا سافرت سوريا بس كان قبل مااجدد جوازي هل اجاوبهم بنعم ؟؟

5- هل في اشكال لو انه محرمي اساسا موجود ببلد الابتعاث ؟؟ يعني ماراح يرافقني بالرحله ؟؟

وووووووو اتوقع خلاص لو في استفسارات اخرى ماراح يردني الا ماي كيبورد

وشكرا جزيلا وبالتوفيق للجميع

اهلين فيك رعودي
اسألتي
1- كم اجيب وياي كاش اقصد فلوس كم احمل وياي
2- متى الوزارة بتسلمنا المكافأة
3\ هل تكفي المكافأ في امريكا
4- قبول الجامعه انا اللي اجيبة ولا الوزارة
وشكرا

انا عندي كم سؤال::

1: انت اول ما وصلت لامريكا وش لون دبرت لك سكن,,, هل سكنت بفندق الى ما دبرت لك شقه ؟؟ ولا وش سويت؟؟؟

2: الحين بالنسبه لتفتيش الاجهزه بالمطار,,, انا سمعت ان التشديد في واشنطن ونيويورك وانه ما يفتشون الجهاز بس يقولون لك شغله بدون ما يفتشون البرامج,,,واذا كان معي هارديسك خارجي,, يعني فيه افلام ومسلسلات تتوقع يفتشونه؟؟؟

نفس اللي في بالي ... اتمنى اي واحد عنده علم بالشي هذا يفيدنا
استفساراتي:
1- متى بيكون الملتقى .. وهل بيكون صباح او مساء وكم يوم بالضبط .. وهل الزامي الحضور .. عشان أقدر آخذ اجازة من الدوام ؟
2- بالنسبة للجامعه ومعهد اللغة .. الوزارة تحددلي والا انا لازم اخاطبهم (كيف نخاطبهم اذا المخاطبة علينا) ؟
3 - انا اخترت في الابليكيشن ان دراستي تكون شهر 1 /2008 صحيح بيتقيدون فيه والا كلام فاضي؟
4 - انا موظف .. في نظرك .. متى اقدم على الاستقاله (تعرف فيه شهر انذار .. حاسب الشي هذا اخوي ابورعودي)
5 - حضور الملتقى --> حصول على ضمان مالي --> حصول على قبول في الجامعه --> طلب تأشيرة --> بعد كذا يجي امر اركاب من الوزارة ؟؟؟
6 - انا في بالي جامعه في فلوريدا في اورلاندو ... طبعا موصى بها في الموقع ... أقدر اطلبهاوالا بيجي الشي جاهز من الوزارة الجامعه والمعهد ولا لنا احقيه باختيار اللي نبي؟
7 - طلبت السكن مع عائلة .. تتوقع اسكن مع عائلة والا بيرفضون .. ومين اللي يدفع تكاليف السكن انا والا هما ؟؟
8 - انت اول ما وصلت لامريكا وش لون دبرت لك سكن,,, هل سكنت بفندق الى ما دبرت لك شقه ؟؟ ولا وش سويت؟؟؟ والا استقبلوك الملحقيه ودبرو امورك بخصوص انك اول مرة تطب هالديرة ولانتيب عارف وش تزين .. في احد هناك يدري انك طالب وراح يسلك وضعك الين تمشي امورك وتبدا دراسة .. لأنوو تعرف واحد مايدري وش السالفة وش تتوقع يصير له؟؟؟
* اتمنى من اللي عنده خبر يرقم الاجابات عشان اعرف اجابة كل سؤال .. وانا ادري والله اني ممل بأسئلتي ... لكن الشكوى لله .. عليمي .. ومشكورين على كل اللي تسووونه لنا في هالمنتدى من خدمة
تحياتي لك ابو رعودي

تغيير الدوله راح نعرف مع الملتقى ..

الوظيفه .. اول ما جينا وقعنا تعهد اننا تشتغل في الحكومه مدة البعثه ولكن هذا ما يضمن للعدد الكبير ولكن الارزاق على الله

احسن جامعه سؤال ماله اجابه في امريكا الاف الجامعات وكل وحده لها ميزاتها وسلبياتها
اذا قررتي على امريكا ممكن تبدأي بحثك عن جامعه من الان الماستر قبولاتهم معقد نوعا ما

حياكي