أستفسار يــالــيــت تفــيــدونــي بأقرب وقــت !!

اذا على حسابك الخاص يشترطو قبول مشروط لاكمال ملف طالب دارس على الحساب الخاص

بالتوفيق

عليكم السلام أخي الكاتم ...

الملحقية تطلب قبول مشروط ...

لإكمال فتح ملف طالب على حسابه الخاص ...

وإذا أردت بعدها ...

الانضمام للبعثة ...

فاحضر قبول غير مشروط ...

وستنضم مباشرة ...

أما الانضمام على مرحلة اللغة ...

فهذا الأمر بيد الوزارة ...

التي تطلب من فترة لأخرى ...

من الملحقية ...

اسماء طلاب الدراسين على حسابهم الخاص ...

لإدخالهم بالبعثة ...

لكن لا احد يعلم متى يتم ذلك ...

أرجو لك التوفيق ...

خالص التحية ...

أخوكم ..

بــن نيـــــاز

الله يسعدكم يارب



بس اخوي بن نياز انــا عــادي أقدر بأمـكـانــي اجيب قــبـول مشــروط رغــم ضــيق الـوقـت



لـكن الـمشـكلة بـالـقـبول غـير مشــروط لاني راح أباشر بـالدراسـه بعد شهر من الان بالمعهد وانا اعرف ان القبول الغير مشروط هي دراسة لغة وبعدها تدخل الجامعه مباشرة بدون توفل او ايلس



هل اكنسل المعهد اللي انا داخله وابحث عن قبول غير مشروط




او اقدر اجيب قبول غير مشروط على انا يكون القبول بعد سنة وانا ادرس بالمعهد بس اني ارفق هذا القبول بملفي بالملحقة وبعدها اغير الجامعه اذا جبت درجه بالتوفل او الايلس وادخل جامعه ثانية

اخوي كاتم انت لا تسوي شي الحين دام ما بقى على سفرك الا شهر عشان ما تتعطل ,, انت سافر ورح المعهد حقك واطلب من ادارة المعهد تدبر لك قبول في الجامعة اللي يتبعونها ,, واذا كان المعهد ما يتبع لجامعة شوف لك اي جامعة وجيب منها قبول ,, ترا الموضوع بسيط ,, وعادي تقدر تجيب قبول حتى لو باقي قدامك سنة في المعهد ,, الموضوع ماله دخل بالوقت

غير كذا انا ملاحظ ان عندك لبس في القبول الغير مشروط ,, القبول الغير مشروط ماهو مثل ما انت كتبت ,,, اللي تتكلم عنه انت يسمونه ( ويف ) او ( اكسمبشن ) وهو انه بعض الجامعات تعمل لك استثناء من التوفل او الايلتس اذا كنت خريج المعهد حقهم ,, اما القبول المشروط مثلا هو انك تقدم على الجامعة وانت مرسل لهم درجة التوفل واذا يحتاجون جيمات او جي ار اي وتكون مخلص اختباراتك قبل القبول وتكون مستوفي جميع الطلبات ولا تحتاج دراسة لغة او غيرها ,, وقتها يعطونك قبول غير مشروط ,,,

اخوي ماجد وانا اخوك انا قالوا لي لابد علشان تفتح ملف بالملحقيه لازم قبول جامعه


المشكله اذا سافرت اول ماوصل بدور سكن عائلة ولغتي مو مرة علشان اقدر اجيب قبول جامعه واخاف الوقت يطول وانا مافتحت ملف بالملحقية


انا قالوا لي ان البعثه لطلاب الماستر ماتطول وانا حاط ميزانية لمدة ستة اشهر


انا فهمت منك انه صعب احصل قبول مشروط او غير مشروط بدون ماختبر توفل او جيمات او الايلس


يعني مراح اقدر اجيب قبول وافتح ملف الا وانا جايب درجات باحد الاختبار اللي ذكرتها ؟

شوف يا كاتم وانا اخوك ,, انت تقول انك فهمت من كلامي انه صعب تحصل قبول مشروط او غير مشروط بدون ماتختبر توفل او جيمات او غيرها ,, وهذا غير صحيح ,, ويمكن انا ماعرفت اوصل لك الفكرة ,,

اللي انا اقصده ان القبول المشروط سهل جدا جدا جدا ,, خصوصا اذا كان معدلك حلو ,,, اما القبول الغير مشروط فهذا هو اللي صعب ,, وانت قلت ان القبول الغير مشروط يعني انك تدرس في معهد وبعدها تدخل الجامعة بدون توفل ,, وهذا غير صحيح ,, هذا يسمى ( اعفاء ) من شرط التوفل في بعض الجامعات اللي تتخرج من معهد لغة تابع لها ,, يعني مو قاعدة عامة في امريكا ,,,

غير كذا انت دامك رايح على حسابك وحاط لك ميزانية محدودة ,, ليش تروح جامعة دريكسل في فيلادلفيا ,, ترا فيلادلفيا غاااااالية خصوصا في السكن ,, واللي بتدفعة ايجار سكن في فيلادلفيا لمدة ستة شهور بيمشيك في ولاية رخيصة او مدينة رخيصة لمدة سنة وانت مرتاح ,,

اتمنى اني ما لخبطتك مرة ثانية في ردي هههههههههههه ,, واي استفسار انا حاضر

صـح الـسكن غــالـي شــوي بـس وقـتـها مـاكـانت عندي فكرة كاملة عـن الـولايات بـس سـمـعـت أن بنسلفينيا رخيصه نسبيا عدا السكن واخترت فيلادلفيا


بس انا شايل هم القبول الجامعي لاني ماادري الملحقية تطلب قبول مشروط او غير مشروط اكيد لدرجه الماستر



كثيرين قالوا لي جيب قبول مشروط وافتح ملف وانشاء الله تمشي _ بس بموقع الملحقية مكتوب تحت اخر شي بالمستندات المطلوبة قبول غير مشروط لمرحلة الماجستير


بهذا الرابط مرحلة الماجستير



ومادري ياماجد هل اركز بحثي بالقبول المشروط او الغير مشروط قبل اعرف الفرق بينهم



مشكور اخوي الله يسعدك ويوفقك دوم

الملحقية ما تحتاج منك الا قبول مشروط بس ,, وهذا امره بسيط وتقدر تجيبة زي سلام عليكم ,,

انت في الرابط اللي عطيتني حق الشروط طالع لشروط الالحاق بالبعثة ,, بتلاقي الشرط الثاني يقول ان يكون الطالب ملتحق باحدى الجامعات او ( المعاهد ) الموصى بها ,,, وانت في الحالة هذي ينطبق عليك الشرط بحكم انك بتكون تدرس في معهد معترف فيه ,,,

اما الشرط اللي مكتوب اخر شي بالمستندات المطلوبة ,, فهذا ما يخصك انت ,, لأن يخص طلب ترقية البعثة ,,, وانت طلبك طلب الحاق بالبعثة ,,, وفيه فرق بين الاثنين ,,
طلب الالحاق يكون واحد يدرس على حسابه ويبغى يلتحق بالبعثة ,,
طلب ترقية البعثة يكون للطالب اللي اخذ بعثة بكالوريوس او ماجستير وخلص ويبغى بعثة ثانية عشان يكمل المرحلة اللي بعدها ,,, وهذولا يطلب منهم قبول غير مشروط لأنهم ماعاد يحتاجون دراسة لغة بحكم انه خلاص اخذوها وتخرجوا من جامعات امريكية ,,

واي استفسار لا يردك الا كيبوردك

يارب يوفقك دنيا واخره ويارب يحقق لك كل امالك وتطلعاتك وتكوني حياتك سعدية دوم


ويارب يريح بالك مثل ماريحت بالي وربي راح ادعي لك بالسر والعلانية ومادري كيف اشكرك والله العظيم



الله يوفقك دوم يالغالي مشكوووور مرة شكرا اخوي ماجد ماقصرت



بس ماجد في من ضمن شروط الالحاق


4- إرفاق الشهادة الأخيرة ما قبل المرحلة الحالية مع معادلتها إذا كانت من الخارج .
5- إرفاق تقرير دراسي من مسجل الجامعة .



رقم 4 هل يقصدون الشهادة البكالوريوس او شهداة الثانوية ورقم 5 هل يقصدون التوصيات او تقرير خاص من عميد الجامعه



وممكن الله لايهينك اخوي ان تعطيني نبذه بسيطه عن القبول المشروط وكيف طريقتة وهل لازم اجيب درجات بالتوفل او الايلس علشان اخذ قبول مشروط



مع العلم ان ماعندي اي درجة ولا سبق لي اني اختبرت اختبار باللغه



هل هذا معناه اني لابد ادرس بالمعهد وافهم اللغه وادخل اختبار وبالاخير اقدم على قبول مشروط وبعدها افتح ملف بالملحقية لان احس كذا بياخذ مني وقت طويل