هل الملحقية تستقبلنا في واشنطن؟ وتوفر فنادق مخفضة؟ أرجو الإجابة

اذا كنت على الخطوط السعودية تستقبلك تحصل السائق او تدخل على موقع الملحقية الثقافية وتعبي نموذج الاستقبال عشان يجيك السائق

وبالنسبة للفنادق لا مافي فنادق مخفضة

استخدم موقع booking.com للبحث عن فنادق وبتحصل الغالي والرخيص

بالسلامة انشاءلله

أهلا أخوي ..

أنا على الخطوط القطرية وعبيت نموذج "إشعار الوصول" وفيه مكتوب بنفس الصفحة أن الملحقية توفر حجوزات مخفضة. أتمنى تأكد لي إذا تعرف أي شيء بهالخصوص .. مع العلم اني قرأت بالمنتدى من مدة أن فيه طلاب وفرت لهم الملحقية سكن مخفض بواشنطن , ما اعرف إن كان هالأمر لازال قائم.

بنسبة للسكن للفنادق بشكل عام في امريكا تتراوح اسعارها ما بين 100 دولا الي 150 دولا يوجد ارخص من ذالك لكن بما انكم في ولاية واشنطن سوف تكون هذي الاسعار المناسبة وفي شي مهم بلا اون لاين بلا كلام فاضي لا تورط نفسك روح اول ما توصل واشنطن روح الملحقيه وشيل الابتوب معاك واجلس قدام مشرفك واي حاجه يطلبه منك سويها قدامو اي ورقه يطلب ترفعها ارفعها وانتا عندهم عشان لا تورط وتتعب لمن تروح لمدينة الدراسه ولو ما ضبط شي في البوابة القمامه حقتهم تكون عنده باقي ولا تحرك من هناك غير امورك كلها مخلصه ومسجل كل بياناتك في البوابة الاكرتونيه حقتهم

يعطيك العافية حبيبي , ممكن تقول لي الأوراق المطلوبة ؟

والله ما افتكر بضبط كل الاوراق لكن اقولك بعضها والشباب هنا لو نقص شي يا ليت يكملو
الهويه الوطنيه + شهادات الدراسه + رخصة السواقه حقتك + ورخصة دولية + وخلي صور لك معاك تحتاجها + كرت العائلة اذا كنت متزوج + شهادة ميلاد الاطفال + شهادة التطعيم للأطفال + صور كمان للاطفال وخلي من كل الاوراق صور + صور الجوازات والفيز هوه في مكاين تصوير وفي اسكنرات بس انتا لمن تجي لمكان غريب تحس نفسك مشتت وثاني شي انتا على ايولاية رايح وضبط احد يستقبلك

يعطيك العافية عزيزي , والله يوفقك بدراستك .