مساعدة خلاص زهقت نفوسنا من البعثه

وانا اخوك هذا حال كل مبتعث جديد يصل لامريكا...ستواجه مشاكل في البداية ولكن طبيعية جداً وقليلاً من الصبر سوف تحل ان شاء الله... عليك بالصبر وانا اخوك خاصة انك كما وضحت وصولك منذ اقل من شهر..وتذكر شي مهم جداً اذا واجهتك مشاكل او صعوبات فتذكر ان هناك من هو اسوء منك حال وواجهته صعوبات لايعلم بها الا الله..ختاماً عليك بالاستغفار فهو المفرج والمخلص بحول الله من كل ضائقة...وفقك الله لما يحبه ويرضاه .

نصيحه لاترجع ونط لهم للملحقيه لين يفتحون ملفك والله يسهل امورك يارب

اخوي مالك الا تروح للمحقية ولا يردك الا مكتب العيسى واشرح له السالفه كلها ولا تطلع من عندهم الا وضمانك واصل للمعهد ومتاكد منه


والطفل ترا طبيعي وكثير اطفال كذا و كمان ترا الطفل وانت بكرامه يستفرغ اول الوقت اذا كان في حضانه لعدم تقبله البيئه وكل شي فيها وبعد كذا يتأقلم معهم ويصير طفل كويس الله يخليه لكم

اكثر من الاستغفار وتفرج

كتبت رد طويل وبعد ذلك مسحته ..أكتشفت اني كتبت كلام ليس من حقي ان اكتبه .

لكن تبي رأي انت رب الاسرة وفي يدك القرار ....واعتقد ان حياتك مع اسرتك وطفلك اغلى شئ عندك .مع تحفظي على موضة البعثات هالأيام .

اتمنى لك التوفيق والله يشهد لكن انت من اولها عانيت وصدقني وراح تذكر كلامي معاناتك ما راح تنتهي الا رجعت السعودية سواء بشهادة او بدون .

تعاني لأنك ما تعرف تتكلم ..بعدها تعاني من المصاريف ..بعدها تعاني من عدم حصولك على الدرجة المطلوبة للغة لدراسة الجامعة ..بعدها تعاني مع الجامعات لانك راح تتعب عشان تحصل قبول ..وكل هذا راح تدخل فيه الملحقية وراح تعاني منها كثير كثير ويمكن تصير تحلم فيها في نومك .


حاليا ولاية فلوريدا مقفله لتكدس السعودين فيها وهناك طلاب بعد ما جابوا قبولات من جامعات هناك تفاجءوا ان ليس لهم حق للدراسة هناك وبدأ رحلة البحث عن قبول جديد .


أسف اذا كلامي قاسي وان ما يتناسب من توجهات البعض لكن هذي الحقيقة المره ...وعشان تتوقف مهازل الملحقية لازم يريحون امريكا شوي من المبتعثين ...افتح استراليا وبريطانيا ووجه الطلاب لدول اوروبا ..اضحك على اللي يقول امريكا تستوعب كل السعوديين .

ارسل لي رسالة بالخاص فيها رقمك .. واتمتى ترسل لي مع رقمك رقم الطلبات ورقم الملفات بالملحقية ومن المشرف عليكم ا>ا متوفره هل معلومات معك.. .. انا قريب من الملحقية , ان شاءالله اقدر اخدمك وروح لهم

للي يسافر اول مره يجيه صدمه حضاريه
المبتعث يجيه صدمه ملحقيه ... اطلقت هذي التسميه على مبتعث توه جاي يدرس

ترى عانينا كثير من الملحقيه وخاصة اذا طلبنا منهم شيء

بس اول ما يرسلون لك الضمان المالي والتامين الصحي يوصلك وتنتضم في الدراسة ... صدقني راح تنسى شي اسمه ملحقيه
واول ما تحتاج شغله من الملحقيه منهم يا انه بينفجر مخك منهم

اذا ارسلت ايميل لمشرفك او لاي جهه حط CC للعيسى ولمدير المشرف
وارسل بعد رساله خاصة للعيسى وقوله اسم المشرف وايش صار معاك بالضبط ... يقولون انه يساعد المشرفين بشكل كبير ... بس حط مشكلتك في نقاط وباختصار

يا اخوي مابعد العسر الا اليسر

هي البدايه داااااايماً كذا واذا انت صرفت 10 الاف انا في اول شهر ونص صرفت 37الف وانا لحالي

فنادق ومشاكل مع المعهد ومرمطه وتطلع بشناطك الشارع بدون وجهه

ياخوي من شاف مصيبة غيره هانت مصيبته هونها وتهون

انت وصلت امريكا خلاص اجلس ودور حلول لاتستسلم وترجع

تقول اللغة عندنا زيو يا اخي ما احد مخلوق عارف في اللغة مع التعلم والاجتهاد راح تاصل للي تبيه

اما ما لك الا شهر وتبي ترجع يا اخي الي صبرك شهر يصبرك مثله شد حيلك وقو قلبك وراح تتيسر

لان باختصار ما فيه شي يجي بالساهل لزم تتعب شوي وصدقني راح ترتاح بعدها الشباب الي رد عليك هم اعلم بالابتعاث مني وقدم نصائحهم لك

من كل قلبي اتمنى لك التوفيق والنجاح

واسال الله ان يوفقك وييسر امرك

تحياتي

اللحين هم مو يرسلون الضمان من قبل السفر ولا كيف ؟