ساعدوني بالنسبة للتوصيات مشكلتي ):

عندك خبرة ؟ بعضهم إذا عندك خبرة يزحلقونك ..

بعدين عاااااااااادي روحي لهم قولي انا كنت ادرس معكم عام الف و اربع مية و حطبة ..

مقدمة على بعثة و الجامعة يبون خطاب توصية .. بيشوفون اسمك في السستم و درجتك و بيقولون لك ابشري
تفضلي هذي خطاب توصية

ترا اجراء روتيني ما عليك يعني لو تقولين بكمل تعليمي و الله يتساعدون معك لو ما يعرفونك و الا يذكرونك


ترا ما فيه جامعة الا تبي خطاب توصية
لا تطولين السالفة و هي قصيرة
اخرتها راجعة تطلبينهم
من الحين ارسلي ايميلات لهم كلهم الي تعرفينهم من دكاترة و قولي لهم السالفة من و الى


و ربنا يوفقك

مري على موضوعي في نفس القسم يمكن عندك رد عليه و الا شي لوول
و الله يوفقنا وياك

يعني ينفع أرسل لهم إيميلات؟؟؟؟
والله أنا لقيت بعضهم لابدين في الفيس بوك تقريباً 3 دكاترة
طيب يعني ينفع يرسلوا لي التوصيات بالإيميل ؟
ولا لازم أروح لهم الجامعة !!! المشكلة ماني عارفة متى نروح السعودية لسه مانستحق تذكرة ..
شكراً على ردك أفادني جداً .. ربي يوفقك

أسمعي .. قصدي شوفي ..

بعض الجامعات يتشرطون عليك تشرط يقولون نبيها مختومة و كلام فاضي و نبي كل شي عليها و نبيها أصلية
بعض الجامعات يبونها لو إيميــل بس أهم شي معلومات الدكتور موجودة عليها و مختومة .. يعني يسوون سكان عليها بس ..

بعدين نصيحتي لك .. أول ما توافق لك دكتورة ما ادري دكتور .. قولي لها - له التالي:

أبي لو تكرمت تسوي 3 نسخ أصلية أقدم بها على الجامعة و بيجي أحد من اهلي و يرسلونها لي بالبريد على أمريكا

لأن فيه فعــلا جامعات يقولون نبيها أصلية و مختومة .. يعني لو سويتي نسخة وحدة بس و ارسلتيها للجامعة ما تقدري تطلبيها من الجامعة ثانية يقولون خلاص ما نعطيك اياها

فهمتي ؟
و الله يوفقك و يرعاك

وش التخصص بالضبط حقك ؟

اعتقد امر التوصيات سهل يعني مسألة يوم في الجامعة تنهي الامر كله مر على كم دكتور واشرح لهم الوضع وكثير منهم متعاونيين حتى لو ما كنت دراسه معهم , واذا راح لهم احد وشرح انك موجودة في امريكا ومن هالكلام وانك مستعجله اتوقع يكون الوضع اسهل والتعاون اكبر

سبحان الله وبحمده.....سبحان الله العظيم

طيب تمام يعني أطلب 3 نسخ أصلية
خلاص أراسلهم وإن شا الله بس يردوا ,
التخصص اللي أبغاه حالياً تجارة إلكترونية
وتخصصي للبكالوريوس إنجليزي (أدب - لغويات) ,
شكراً أخ مايو ماقصرت ..

أكلم أهلي إن شا الله يقدروا, هو تعب بس نحاول
شاكرة لك ردك أخي الكريم ..

العفو .. و أطلبي على الأقل ثلاث خطابات توصية .. لأن بعض الجامعات قبولها سهل بس يبغون خطاب توصية عدد 3 .. و ينكبونك عشان بس هالخطابات التوصية ..

و شدي حيلك في الجيمات و الجي آر أي .. و إن لقيتي جامعة سهلة بلغيني أبي أرقي بعثتي إن كتب لي الله توفيق و لا استقعدوا لي

حتى لو مادرست عندهم ينفع ؟؟؟؟ أكيد هذا الكلام ياأخواني ؟؟؟
لازم دكاترة ؟ ماينفع معيدين - محاضرين ؟؟