هذي ملحقيتنا الحقيقية (( لمن ينكر عمل الملحقية))

:"(

الله المستعان مو متحمسه اجي بسبب الملحقيه

مافهمت السالفة؟

والشغلة مالها دخل اسلام ولا مو اسلام .. هذولا في السعودية قالوا مسلمين وشوف وش صار في جدة وغيرها ..
والايميلات انت وحضك وكيف ترسل ولمين وايش هي الصيغة والسؤال .. لان الحين كل التعاملات الكترونية ما يحتاج ايميل الا لو عندك استفسار

باقي ما شفت شيء.
لو العيسى يترك المقابلات الصحفية ويتابع موظفينه كان أنفع لنا .
المشكلة رغم الشكاوى والضجر عملوا له تمديد ٥ سنوات!!
الظاهر في نظامنا العقيم إن المسؤول اللي ينكد على الشعب يتم تثبيته أو ترقيته ، ووزير العمل خير دليل .

ما يعرف قيمة العيسى الا اللي عاصر الزيد الملحق السابق ,, والله العيسى انه افضل بألف مرة ,,

صحيح ان الملحقية بشكل عام من جنبها ,, بس مقارنة مع الملحقيات الثانية وخصوصا بريطانا فهي تعتبر افضل بمراحل ,,,

عموما نقدر نقول انها افضل السيئين ,,, وامسكوا على قردكم لا يجيكم اقرد منه ,, والله لو لاحقين على الزيد ان تاكلونها هوا مضبووووووووووط ,,,

العيسى والسفير الجبير لهم دور كبير بعد الله في الزيادة الاخيرة ,, ووقت زيارة الملك عبدالله لنيويورك كنت انا هناك ,, ونزلوا موظفين من الديوان الملكي يبشرون الطلاب بزيادة كذا وثلاثين في المية ,,, وبعدين طلب السفير الجبير والملحق العيسى يتكلمون مع الملك وشرحوا له وضع الطلاب وبعد كلامهم امر الملك ان الزيادة تكون 50% ,,,

اللي عاصر الملحقين يعرف الفرق الكبير اللي بينهم ,, على الاقل العيسى تحس انه اشتغل وسوا شي للطلاب ,, اما غيره ماسوى شي

السلام عليكم ورحمة الله وبركاتة

مشكلة البعض باقي يعتقد انه اذا سافر لا بد من الذهاب الى الملحقيه ..!!
:
الامر الان عبر البوابة الالكترونيه بعد فتح ملفك تقدر تتواصل وتراسل المشرف على ملفك
ولازم ولا بد من الصبر عدة ايام حتى يصلك الرد
:
تاكد اذا تعاملك الالكتروني صحيح سوف تجد ضالتك في هذه المياه العكره لان لا توجد مياه غيرها
فلافضل ان اي شخص يضبط نفسه وفق النظام حتى تتساهل اموره
:
وجودك في الملحقيه لامر مهم او طارئ غير ذالك الافضل تسافر على ولايتك مباشره
والذهاب الى المعهد لاكمال باقي اجراءات تسجيلك وتجهيز نفسك للدراسـه
:
الاشكاليات مراح تخلص ولا راح تنتهي لان المشاكل كثيره فحاول تبتعد عن المشاكل
باتباعك النظــــــــــــــــــــــــام حرفيــــــــــآ
لانك راح تتعب في أيجاد حل لها
:
الصبر ثم الصبر ثم الصبر حتمآ سوف تجد الفرج أن شاء الله لكل مشكله لها حل
:
الله يسهل على الجميـع

`الاخ اللي فوقي يعني تبفا تقولي انو بالتعاملات الالكتورنيه كلي شي فوقتو يسير يا شييييييييييخ

انصقعت هولد شهر ونص وكل اوراقي كامله وماعليه شي وطلبي قعد شهر في الملحقيه من مشرف لمشرف لمدير قسم للماليه
علا اي اساس يا خذون كل الوقت هذا بس ما اقول حسبي الله ونعم الوكيل وربي ينتقم منهم

والله ما احلل ولا واحد فيهم ليوم القيامه من الفريحي لريم كازام وغيرهم علا الاهانه واللطعه اللي مريت فيها والسلف من العالم عشان اقدر ادفع اجاري وفي النهايه مافي اي سبب للهولد

وعليكم السلام ورحمة الله وبركاته
المبتعثين يحتاجون إلى صبر أيوب عليه السلام .
لكن الجامعات والمعاهد لا تصبر على الطلاب في حالة تأخر الضمان المالي ، وممكن يعرض الطالب لخطر الترحيل!!
لا يوجد نظام واضح للملحقية (والعيسى في آخر تصريح يعترف بأنه يتجاوز النظام) ، ولذلك يعاني الطلاب من ضبابية ومزاجية العمل داخل الملحقية .
أهم شيء يريده المبتعث هو : الكرامة .
انظر إذا تم الرد على الهاتف كيف يكون مستوى الحديث مع موظف الملحقية!!!
إذا كان المبتعث راح يسافر للملحقية من أجل ورقة واحدة (الضمان المالي) ولا تأخذ أكثر من ٥ دقائق ، فما فائدة البوابة الالكترونية إذاً ، ومن يعوض الطالب على خسائر التذاكر والإقامة (وأنت تعلم أن مكافأة الطالب السعودي ما تكفي للمعيشة) .
دائماً الاحتجاج بأعداد المبتعثين حتى أصبح شماعة لتبرير القصور ، وهذا أكبر دليل ع الفشل الإداري ، لأن الأعداد تتضاعف والموظفين ما زالوا على عددهم السابق .
الله يصلح الحال وبس

انا الحمدلله كل اموري حسب النظام
لكن ماذبحني الا هالبوابة الي طلعو لنا بها كل ماتكلم المشرف يقول انتظر لين تتم المعامله اون لاين والمشكله انه هو الي ماسكها اونلاين
يعني الخلل من الموظفين والملحقيه نفسها
يعني ماحد يقدر يشيل اللوم عن الموظفين

والي يقولون الروحة للملحقية مالها اداعي
اول شي انا مارحت هناك وكل معاملاتي اونلاين ولما شفت ان مافيه فايده صرت اكلم مدراء الاقسام وترد علي شاميات ويقولن( هلا مو ع مكتبه) اذا مو ع مكتبه ع قولتهن وش له موظفه ابو متعب ؟؟؟؟؟؟

والله كثرة الشكاوي على الملحقيه تدل على خلل واضح فيها
يعني مستحيل كل هالشكاوي خلل من الطلاب

وياريت يصير فيه احد عاقل ويوقف عن التطبيل لهذه المخنقيه الي خنقتنا

ماتدري تشيل هم اختبارات او هم ملحقيه

حسبنا الله ونعم الوكيل

والله انا ما ادري ايش الموضوع بضبط كل شويه يجي واحد يسب الملحقيه وكل شويه يجي واحد يقول ما علمو اوراقي وكأني عايش في عالم غير عالم المتبعثين انا ابي احول لثلاث جامعات وفي كل مره اتصل على المشرف يغرلي الجامعه يتجاوب معايه ولا مره اخرني لكن التحويل الي انا طالبه بعد ثلاثه اشهر اعطيت لنفسي وقت واعطيت للمشرف وقت ولجامعه وقت وفي معاملتي طلبت ضمان لجماعه نورث بريتج واوقفت المعامله وامس رجعت وطلبت نفس المعامله واليوم جاني الرد بنسبة لطيران حجزت قبل رحلتي بشهر ونص وكانت الامور اسهل وبعد خمسة ايام اتصل عليه مكتب الطيار واخذ كل معلوماتي تم الحجز واخترت اغلا رحلة , صحيح هيه المشكله الاساسيه للي عندهم اطفال نحتاج ضمانات او اي بدل يحل هذي المشكله لكن موضوع ان الملحقيه ما ترد انا بصراحه ما صرات معايه واموري كلها طيبه