استفسار اخويا عمره 16 سنة هل ينفع يسافر معايا ويكون مرافق ليه للإبتعاث أو الملحقية ترفض؟؟؟؟؟

لا ما ينفع لان أقل عمر للمرافق هو 18 سنه .

اخوي متأكد؟؟؟؟؟الله يجبر بخاطرك ويبشرك بالخير

١٦ سنة في النظام الأمريكي يعتبر طفل وليس بالغ .
المدارس الأمريكية الثانوية غير جيدة إطلاقاً ، وأنصحك ما تغامرين بأخوك المراهق مهما كانت الأسباب .
حتى لو افترضنا أن الملحقية وافقت لكي يكون محرم لك ، أخوك لا يستطيع قيادة السيارة أو استئجار منزل....الخ لأنه أقل من ١٨ سنة .
بل أزيدك من الشعر بيت : لو حصل -لاقدر الله- وأصيب أخوك بأي مرض ، فإنه يتجه مباشرة إلى مستشفى الأطفال للعلاج .
أحد الشباب مرافق لأخته وعمره ١٨ سنة ، تأمين السيارة يأخذ عليه شهرياً قرابة ٤٠٠ دولار لأنه صغير في السن!!
إذا لم يوجد أحد سواه ، اكتبي خطاب لمدير الجامعة واطلبي ابتعاثك داخلياً لعدم وجود المحرم ، وأتمنى أن تبحثي في نظام الجامعات لأن هناك بند يفيد بهذا الشيء ويمكنك أن تستندي عليه في طلبك .
ربنا يوفقك

مثل ماذكر ريان من شروط الأبتعاث ان يكون عمر المحرم لايقل عن 18 سنة:
س24 / ما هو أصغر سن للمحرم؟
ج/ أقل سن للمحرم هو (18) سنة.
وزارة التعليم العالي - الأسئلة الشائعة

مشكور ياأستاذ يصير بعد نصايحك هذي ندور للأخ أكبر منه ونحاول فيه وربنا يسهل ان شاء الله ويقدم الخير.......

مو شرط اخوك فقط النظام يسمح للخال والعم

بالتوفيق ان شاء الله

على وفق الانظمه مافي مجال لمن هو 16 ولكن ممكن حالة شاذة في حالة هو الوحيد
ومعليش اخي رصيف بس اختلف معاك في كلامك بشكل كبير وزي ما في شين في زين ! في مدراس اسلاميه وفي مدارس امريكية بس كلها عرب وفي مدارس امريكية بحته وفي مدارس راقية تعتبر شي قريب للجامعه وهكذا
واما حقت مستشفى الاطفال فهذي شوي ما تنبلع لنا تجارب تثبت عكس كلامك
واما على البيت هي تقدر تستاجر باسمها منت في السعودية لازم محرم ولا عملك ما يمشي ..
والتامين اتفق معاك فيه فهو نار بس على حسب الشركة في شركات اسعارها 200 وحولها للناس الجدد
على العموم انتي حاولي اختي وان شاء الله خير اهم شي خلي صبرك طويل
الله يسهل لك

أتفق معاك أخي الحبيب في مسألة المدارس الإسلامية ، لكنها قليلة ومحدودة.
ما عندي خلفية عن المدارس الأمريكية الممتلئة بالطلاب العرب إطلاقاً .
أما مسألة المستشفى فأنا واثق منها ١٠٠٪ لأن زياراتي لمستشفى الأطفال شبه أسبوعية لأجل معالجة ابني الصغير ، وأرى شباب في عمر ١٦ أو ١٧ سنة . النظام الأمريكي يعتبر من هو دون ١٨ سنة من الأطفال .
استئجار المنزل ممكن وليس فيه إشكالية كما ذكرت حفظك الله .
أما تأمين السيارة فللأسف أقل ما وجدناه لأحد الأخوة (عمره ١٨ سنة) هو مبلغ ٤٥٠ دولار في الشهر ، ومع شركة تأمين أي كلام .
أشكرك على تصحيح المعلومة ، والله يعطيك العافية .

اختي فديتك اانا قريت بالشروط لازم يكوم 18 سنه ... وكاتبين ملاحظه بعض الولايات يشترطون عليك يكون مخلص الثانوي والله مثل ما اقولك قريت هالكلام .... واذا مافي لا خال ولا عم حاولي بمدير الجامعه يحولك بعثه داخليه والله اريح لك سنتين باذن الله وانتي مخلصه .... والله يوفقك