استفسار مساعدة حول تمديد اللغة

اخوي اول شيء انت خلصت سنة اللغة قبل لاتحول الى امريكا اذا نعم
فهذا يعني انك حولت بقبول جامعة نهائي الى امريكا كيف الجامعة تسويلك اختبار وانت معك قبول نهائي مسبقا
ماني فاهم بالضبط ياليت توضح اكثر عشان اقدر اساعدك.

ايوا اخوي
انا خلصت سنة اللغة قبل احول الى امريكا
وعندي شهادة اللغة .. القبول النهائي جاني اعتمادا على الشهادة
اما الدراسة في الجامعة يعتمد على درجتي اللي رح احصل عليها من الاختبار اللي بتقدمه لي الجامعة
عرفت طال عمرك
فانا الان خايف اني ماجيب الدرجة المطلوبة اللي تبيها الجامعة عشان ابدا دراستي
وتحولني للمعهد .. وقتها اقدر اني اطلب تمديد لغة من الملحقية ولا مايحق لي؟
مع العلم ان دراسة اللغة سنة ونص وانا درست بس سنة
ان شاء الله الان وضحت السالفة

اخوي حصولك على القبول بناء على ايش ؟؟ انت تقول شهادة لغة .. ؟ طيب ايش هي شهادة اللغه ( معهد . توفل . ايلتس. ) لو تحدد نقدر نساعدك ,,

اذ الجامعه اعطتك قبول نهائي ( فل أدمشن) وضع بالسليم .. (مايقدرون يردونك) الاختبار بس يحدد مستواك باللغه من وين تبدأ الكورس ( 1010 او 1020 او d او e1

نص الجامعات الامريكية تطلب الاختبار هذا على فكرة يختبرونك في الانجليزي + math يحددون مستواك شي طبيعي ,,

اخوي شهادة اللغة ايلتس ولاتوفل لأنه غريبة اذا معك شهادة من هالثنتين يعملون لك اختبار لغة الا اذا كانت شهادة معهد يمكن
عالعموم اذا بتدرس لغة ماراح يمددون لك هذا على حسب تجربتي لأني حولت الى امريكا بعد سنة من اللغة وكنت ناوي ادرس فيها ثلاثة اشهر بعد مو ستة لكن الوزارة رفضت وقالت مانحولك على امريكا الا بقبول جامعي نهائي لأنك درست لغة في دولتك مايصير تدرس للغة في الدولة المحول لها يعني كأنهم يقولون لك مشكلتك مااحد قالك ماتدرس فترة لغتك كاملة في دولتك قبل لاتحول
عالعموم انا هذا حصلي هنا في السعودية لكن انت بتسافر هناك وبعدها اذا ماقبلتك لاسمح الله الجامعة الا بدخول معهدها حاول انت مناك بالملحقية يمكن يوافقون لأني انا انرفضت من الوزارة وبعدي ماسافرت لكن انت راح تكون هناك واتصالك راح يكون مباشرة بالملحقية والموافقة تعتمد عليهم يعني الوزارة مالها شغل عشان كيذا اقولك احتمال يوافقون وتمشي امورك
وايظا اعتقد ان الجامعة راح تقيم لغتك وعليه تقرر هل انت تحتاج للغة او لا واذا احتجت الظاهر والله اعلم انك تقدر تدرس بالجامعة والمعهد بنفس الوقت يعني يسمحون لك تنزل كذا مادة
هذا والله اعلم
بالتوفيق.

عندي شهادة لغة ( ايلتس ) .. وجبت الدرجة المطلوبة لقبولي في الجامعة
لكن بالقبول مكتوب نصا انو راح اختبر انجليزي عندهم اول ما اوصل
ان جبت الدرجة المطلوبة اللي تأهلني لبدء الدراسة راح اكمل .. واذا ماجبت راح ادخل معهد لغة على حسابي لمن احقق المستوى اللي يأهلني للدراسة في الجامعة
فاذا كان الاختبار مجرد تحديد مستوى .. ليه تقول اذا ماعديت بتدرس بمعهد على نفقتك الخاصة؟
طبعا شي غريب وانا راسلت الجامعة استفسر منها عن سبب الاختبار .. قالت هذي سياسة الجامعة كذا لكل الطلاب

طيب اخوي سؤال
عندك انت شهادة لغة ؟
وهل عندك قبول جامعي نهائي؟
والجامعة قالو لك بتختبر انجليزي مثل نظام جامعتي ؟ ولا اول ماتوصل تدخل الجامعة مباشرة وتبدا الدراسة ؟
واخر شي على اي اساس انت تبي تكمل لغة 3 شهور ؟ هل لان لغتك ضعيفة او لانك ماحصلت على شهادة لغة او كذا حبيت انك تكمل بدون اي سبب او ايش بالضبط؟

تحياتي

انا معي شهادة التوفل وجبت الدرجة الي تأهلني لدخول الجامعة ولله الحمد والجامعة عطتني قبول نهائي بدون اختبار اعتقد لأني حاصل على شهادة التوفل والتوفل اختبار امريكي وهو الأختبار الأول والأساسي الي تعتمد عليه كل جامعات امريكا بينما الايلتس اختبار بريطاني ويمكن لهذا سبب حبوا يسوون لك اختبار ويمكن انها سياسة الجامعة من الأساس الله اعلم
لكن وقتها ماحبيت اقدم على جامعة والسلام قلت بقدم على معهد وبدرس لمدة ثلاثة اشهر منها براكتس لأني متوقف عن استخدام اللغة لمدة طويلة
ومنها اكون على أرض الواقع وقريب من الجامعات هناك واسأل واستفسر وشوف بعيني الجامعات الزينة من الشينة يعني فترة بحث عن جامعة أكثر من انها براكتس للغة وايظا الحصول على قبول من هناك أسهل من هنا
لكن الشكوى لله الوزارة خربت خطتي والتحقت بجامعة بعتمادي على البحث في الانترنت وبعض الأقارب هناك
بس هذه الحكاية.

اخوي انور اذا ما عندك علم عن امريكا

فيه تخصصين يعاملونهم غير عن كل التخصصات الطب و القانون .

الطب له اختبار لغه و معادله اذا كنت درست قبل طب , او اختبار لغه فقط و ممكن ما يختبرونك وتدخل على طول حسب الجامعه.

القانون فيه اختبار خاص في القانون اذا ما تجتازه ما تدخل و طالبين درجه عاليه جدا في اللغه .

الله يوفقك ياخوي
سؤال اخير وعذرا عالازعاج
انت طلبت تمديد اللغة بعد حصولك على القبول الجامعي او قبل؟
بمعنى اخر انت لمن طلبت التمديد كنت مقدم قبله القبول الجامعي ولا لسه ماقدمته لهم؟