يا طلاب المحاسبة

السلام عليكم والله من باب الفضول وشهو تخصص التمويل يعني ايش وبعد تجارة الكترونية
شكرا.

ما اعرف

هو يعني بعملية حصول المنشاة على الموارد المالية بأقل تكلفة وباأكفى طريقة والتخطيط ورسم السياسات المالية للمنشأة .

اتمنى من اللي عنده خبره يرد على الموضوع لانه راح يفيدنا جميعا ..

والله يعطيكم الف عافيه ..

أولا أخوي عبدالرحمن أنا إنسان ملقوف وأبي اعرف ليش بتغير من تخصص محاسبة لتمويل لأني بصراحة محاسبة وأشوف الكثير يحول من محاسبة لتمويل ؟؟؟ ليش طيب والله بصيح ههههههههههه..
عموما يا عزيزي ما أتوقع تقدر تغير إلا وعندك ظرف شرعي يعني تدلع مافيه يعني نفترض انك رحت وسافرت والمدينة ما تناسبك لأن فيك حساسية في الصدر (( لا قدر الله )) والمدينة هذي باردة جدا والنتائج الطبية توضح انك مستحيل تكمل في المدينة هذي عشان صحتك يمديك تحول من هذي المدينة الى مدينة اخرى بس هاا خلك ذكي تروح لمدينة ماتدرس تخصص محاسبة تدرس تمويل فهمت طبعا عشان يصير كل هذا يبيلك خمس شهور وراح تكون قطعت شوط كبير في الدراسة وراح يقولون لك إنثبر في محلك
وربي أتمنالك التوفيق لكن بالنسبة للتخصصات والتحويل ماعاد فيه فايدة وهذا ما سمعته من الموسى رئيس برنامج خادم الحرمين الشريفين بملتقى الرياض .

إيه نسيت الجامعات من كثر ما هذرت نسيت والله الزبدة الجامعات الأمريكية عموما جدا ممتازة ولكن الجامعات اللي فيها تخصص محاسبة ما ادري راح يفيدك موقع الوزارة بالنسبة للجامعات المعتمدة وسهولة البحث بالتخصص في جميع الجامعات المعتمدة وبس وبالتوفيق مقدما ...

اولاً سبب التغيير ان الي عندة بكالوريوس محاسبة انا اعتقد انه ما راح يستفيد من الماجستير في المحاسبة لانه يوجد شهادات اخرى للمحاسبة اقوى من الماجستير مهنياً زي (socpa/cpa/cia/cma/cfa/ctp/cisa/phr/sphr) وهي زمالات محاسبية ولكن معظمها تشترط خبرة لا تقل عن سنتين وهي اقوى من الماجستير .
وممكن يكون اقوى مسار في ماجستير المحاسبة هو accounting information systems وهو متعب شوي وفية صعوبة ولكنة تخصص ممتاز جداً اما بالنسبة لباقي المسارات اعتقد ان الزمالات افضل واقوى بكثير لانها مهنية .
والتمويل تخصص سهل وممتع وقوي واكثر طلاب مبدعين فية طلاب المحاسبة حتى على طلاب الادارة المالية وهذة شهادة من احد اساتذة الادارة المالية في الجامعة .
وهذا هو سبب رغبتي في تغيير التخصص.