إستطلآع هام: ماهي درجتك في إختبار التوفل / الآيلتس !!

ماشاء الله تبارك الله ,

يعطيك العافية اخوي عالمشاركة بدرجتك, والله يسهل أمرك وييسر دربك .. وبالتوفيق

هناك جامعات يطالبون ب 100 توفل للبكالوريوس!
التوفل كل الناس تحسبه عائق وشي صعب والسبب انهم ما يعرفون يحضرون له او يدخلونه وهم ما عندهم لغة وبعدين يقولون صعب ! غير في فئات تحب تضخيم الامور وما عندهم سالفة

انا اشوف التوفل مقياس افضل من غيره والسبب ان يقيس مهاراتك في 4 نواحي تحتاجها في كل كلاس في الجامعه
الاستعداد للتوفل يخليك تستعد للجامعه لانه يجمع بين مهاراتك كلها وتطلعها في الاختبار وتماما نفس الحركة في الكلاس !
واذا احد عنده سؤال للتوفل يشوف توقيعي وان شاء الله يفيده

يعطيك العافية أخوي ,

دخلت على موضوعك اللي في التوقيع, وبالمصادفة وجدته موجود عندي في المفضلة منذ فترة ...
http://www.mbt3th.us/vb/forum52/thread211653.html

موضوع جداً رائع تشكر عليه وجزاك الله ألف خير على إضافتك

الله يعافيك .. فخر لي ان اشوف موضوعي له صوت وصدى
وياك يارب
طبعا اعتذر على الرد السريع بس شميت ريحة اكل وصار شي غريب بالدماغ ونطيت ههههههههههههه حالة الاختبارات النهائية وما تسوي
المهم اخي حبيت اوضح نقطة تكلمت عنها بس ما وضحتها

الحين التوفل يختبر 4 حاجات وهي القراءة , الكتابة , التحدث, الاستماع
القراءة: لما تدخل الجامعه شي ضروري جدا جدا جدا انك تعرف ! كتب الجامعه والمواد وخاصة اللي داخلين مواد علميه يحتاجونها بشكل اقوى

الكتابه: ما اتوقع في احد ممكن يدخل الجامعه ويطلع بدون ما ينطلب منه ايسيز على كل كورس هو ماخذة

التحدث: معروف ليش مطلوبه

الاستماع: ايضا معروفه

بعدين نجي للفكرة وهو ليش انا اشوف التوفل افضل وان الواحد يدرس له ولو كان اصعب

مثال 1 : محاضرة كيمياء وانا طالب اول سنه يعني ابسط كورس كيمياء

ادخل الكلاس اكون قد حضرت للكلاس من البيت وكتبت ايسي عنه بحكم ان الدكتور طلب مننا ( طبعا كل دكتور له طريقته ) فيكون عشان سويت الشي هذا لازم قراءتي تكون جيدة ويضا كتابتي !
دخلنا الكلاس .. يبدا الدكتور يشرح وانا اسمع له واسجل ملاحظاتي والنقاط المهم وفي نفس الوقت ممكن ارجع للايسي حقتي اذا ما طلبها واشوف هل انا فهمت الفكرة صح او لا ! وفي اللحظة اللي اتاكد انا فيها هل كتبتها ولا لا .. لسا سمعي يكون مع الدكتور .... وتستمر المحاضرة بنفس الطريقة .. فهنا تحتاج 3 مهارات في كلاس واحد.

مثال 2 : محاضرة كلاس بعنوان feed the world وهو كلاس يهتم في كيف الناس تاكل وكيف نقضي على المجاعه

تدخل الكلاس ويكون قد طلب منك ان تقرا تشابتر معين وايضا تشوف ممكن فيديو عنه وتكتب عنه ايسي وتدخل الكلاس ويطلب منك الدكتور تلقي رائيك في الموضوع وطبعا كلام علمي ورسمي مو سوالف ! فانت لما تخلص الدكتور يقول لطالب رد عليه! ولو انت كنت متفق معاه! طلع عيوب لكلامه ! فيبدا يكلمك الطالب ويرد عليك وبعدين الدكتور يقولك نجح مشروعك ورد عليه طبعا اذا فشلت تقعد ويقوم غيرك وهكذا .. والفكرة هنا انك تطور اجاباتك بسرعة وايضا يكون كلامك منطقي وسلس !

مثال 3 : كلاس الدكتور يقول فيه للطلاب تفضلوا اقروا الموضوع هذا في ربع ساعة وبعدين نبدا نقاش ! وهذي بداية الكلاس

الخلاصة

طبعا هذي امثلة سريعه كتبتهم فقط لاوضح ميزه التوفل في الوقت واللي هو ممكن الناس تشوفه اكبر عيب ولكنه يعتبر مهم في الجامعه
هذا ليش انا اؤمن ان التوفل يهيئ الناس للاحسن .. لان كما تعرفون ان الاختبار في السبيكنج عبارة يعطون موضوع ويقولك حضر رد في 20 ثانية او هكذا
اتمنى اني توفقت في وضع وجهه نظري وبتالوفيق للجميع

هلا والله يا آر-20 .. (بما إنك تدرس كيميا, هذا العنصر ما قد شفته في الجدول الدوري, لكنه معروف عندنا أهل الميكانيكا أنه يعود للفريون اللي يبرد الجو لنا ويحليه) :P

يعطيك ألف عافية والله, وما قصرت والأمثلة اللي اعطيتني هيا جداً ممتازة غير إنها اعطتني اهمية التوفل, أعطتني نظرة عن نمط الدراسة هناك ..

مشكوووور مرررة ثانية, والله يجزآآآآك ألف خير وموفق يا سيدي ...

أهنيك على فكرة الموضوع، فعلاً نحتاج إلى أن نعرف مثل هذه الإحصائيات.. ولكن للأسف فطريقة الإستطلاع غير دقيقة

كان من الواجب العمل على وزن الدرجات ومعادلة التوفل بالأيلتس،، مثلاً 6.5 في الآيلتس يعادلها 79 في التوفل وهكذا.. لكي نعرف العدد الإجمالي الذين إجتازوا متطلبات اللغة سواء كان توفل أو ايلتس..

وفقنا الله وإياك

هلا أخوي ..

بصراحة أنا كنت أبغى أعمل نفس الفكرة اللي ذكرتها, لكن حسيت إنها ما راح تزبط لأني لما بحثت في النت وجدت إنه الدرجات الموازية للتوفل في الآيلتس تختلف ومافي تقييم ثابت لها ,, ومن خبرتي البسيطة, أغلب الجامعات تطلب 6.5 آيلتس و79 في التوفل كما ذكرت, لكن البعض الآخر يطلب 7 في الآيلتس و 79 في التوفل .. فما حبيت أخلط بينهم ...

شكراً على تعليقك والله يوفق الجميع يارب ..

نسيت أقول لك إني صوتت، بس ما حبيت أذكر الدرجة في الرد هنا.

تحياتي،،،

يعطيك العافية يا أبن آل هليلة ..

وإلى الآن صوتو 44 شخص .. وهذي النتيجة :
إستطلآع هام: ماهي درجتك في إختبار التوفل / الآيلتس !! - مشاهدة نتائج الإستطلاع

أبشرك شاركت في الاستطلاع و صوت و يا إنها درجة ما تطيب الخاطر و لكن ترفع المعنويات لأنها أول اختبار توفل
دعواتكم نتجاوزه و ندخل جامعات حلوة في مدن و ولايات حلوة تعطينا دفعة معنوية للاجتهاد في الدراسة
بالتوفيق للجميع