إستطلآع هام: ماهي درجتك في إختبار التوفل / الآيلتس !!

الى الحين ماختبرت

السلام عليكم ورحمة الله وبركاته

في البداية أشكر صاحب الموضوع على هالفكرة ، وأتمنى من الجميع طرح مايفيد من نصائح للتحضير للإختبار .

التوفل ليس فقط إختبار ممكن أي شخص يسويه أكثر من مرة وفي النهاية يشفع له الحظ ويحصل على الدرجة ، التوفل في وجهة نظري يحتاج التالي :

1- أساس فوق المتوسط في اللغة الإنجليزية ( قواعد + مفردات ، القدرة على التفكير في اللغة الإنجليزية أخير الممارسة {قراءة + إستماع + الحديث مع أهل اللغة بشكل يومي } ) .

مثال : يعني شخص يريد أن يختبر توفل وفي الأصل لغته أقل من المتوسطة ، في هذه الحالة أقوله يالحبيب إرجع وإشتغل على نفسك باللغة أكثر إلين تكون القاعدة عندك صلبة بعده قدم على الإختبار .

ملاحظة : في شباب قدموا على الإختبار ولغتهم ضعيفة ، وفي الأخير جتهم صدمة قوية من النتيجة وأثرت على مستوى دراستهم .

2- فهم إستراتيجية الإختبار بشكل كامل لإنها نصف المشوار (طريقة الإختبار + نوع الأسئلة في كل مهارة + الممارسة حتى يكون الواحد أكثر أريحية مع الإختبار خصوصا الوقت ).

مثال : في شباب خريجين لغة إنجليزية مع ذلك لم يستطيعوا الحصول على الدرجة في أول أو ثاني أختبار ، والسبب إنه لما تقوله إفهم إستراتيجيات الإمتحان قبل تختبر وتتدرب عليه يقعد يضحك عليك وكأنه يقول بنفسه ( وش عرفه هذا ، أنا خريج لغة إنجليزية).


عامل الوقت في الحصول على الدرجة في التوفل يختلف من شخص لأخر حسب التالي :

1- جدية الطالب في دراسة اللغة .

2-( الفوراق الفردية) ، البشر مختلفين في قدراتهم وإمكانياتهم.

3- هل الشخص درس اللغة قبل يصل بلد الإبتعاث ( وهذاي بوجهة نظري تفرق كثير ، حتى لو درس 3 شهور في السعودية قبل يجي بلد الإبتعاث راح تفيده بقوة ) .

4- جودة المعهد اللي يدرس فيه الطالب.

في الختام ، هالمشاركة راح تكون بداية لموضوع راح أقدمه متخصص في التحضير لإختبار التوفل قاعد أشتغل عليه في هالوقت ، وأتمنى من العلي القدير أن يرى النور في القريب العاجل ...........................

تحياتي للجميع ....

الحمدلله اختبرت يوم 17 / 12 قبل اسبوعين واليوم طلعت درجتي على الاون لاين وكانت كويسه
مع العلم ان لي 4 شهور فقط وخلصت سمستر واحد بس
والحين باقدم ع الجامعه

اخوي علاء,

مدة دراسة اللغة تختلف من طالب لآخر وتعتمد على عدة نقاط مهمة:
1- مستوى الطالب في اللغة قبل الوصول إلى بلد الدراسة.

2- إجتهاد وجدية الطالب في تعلم اللغة داخل المعهد وخارج المعهد, لأن المعهد (من وجهة نظري) يعطيك الأساسيات, وأنت عليك الممارسة وتطوير مهاراتك الأربعة.
غالباً مهارة الكتابة يتم تطويرها بشكل كبير في المعهد, لكن القراءة, والإستماع والتحدث, تحتاج إلى ممارسة خارج المعهد أيضاً حتى يتطور مستوى الطالب بشكل أكبر.

3- تعلم كلمات جديدة يومياً, هذا يعتمد على الطالب, تعلم الكلمات ممكن يكون بعدة طرق وطبعاً أفضلها القراءة سواءاً كتب أو صحف وغيرها, وفي مواقع كثيرة عالنت يمكن تفيدك في زيادة كميات الكلمات.

4- بالنسبة للأختبار مثل ما ذكر أخوي فيصل, لازم الواحد يفهم إستراتيجية الإختبار وطريقة الإختبار وكيفية وماهية الأسئلة وطريقتها حتى لا يتفاجأ في الإختبار ولا يضيع وقتاً في فهم السؤال بدلاً من حله.
مثال: الكتابة عن رسم بياني, الرسوم البيانية لها إستراتيجية معينة في الكتابة : مقدمة, الشرح, خاتمة, وفي الشرح هنالك كلمات يجب تعلمها: مثل هبوط مفاجئ, أو صعود بشكل خفيف .. وغيرها من الكلمات المهمة :
slight increase or decrease, dramatically increasing .... etc


وبالتوفيق يا أخوي ..

الله يعافيك أخوي, وبالتوفيق

بالتوفيق يا أخوي وشد حيلك, وأقرأ مشاركات الاخوان ما قصرو ..

وعليكم السلام ورحمة الله وبركاته أخوي فيصل ..

ماشاء الله عليك, كفيت ووفيت, وفي إنتظار موضوعك وأتمنى أنك ما تطول علينا فيه حتى نستفيد ويستفيد الجميع ...

يعطيك ألف عافية وبالتوفيق يارب ..

عالبركة أخوي عبدالله,

وأتمنى إنك شاركت بالإستطلاع ...

وبالتووفيق يارب والله يكتبلك اللي فيه الخير ...

انا صوتت لـ 89-98 ،، لكن درجتي كانت اكثر الحمدلله ،،

درست ٦ شهور في معهد تجاري و ما كانت الاستفاده كبيره .
و بعدها اخذت دوره للتوفل لمده ٦ اسابيع ،،

الدوره ساعدت اني افهم طريقه الاختبار
و كل اسبوعين كنا ناخذ اختبار تجريبي و عاده هالاختبار يكون اصعب من التوفل الحقيقي
هالشي كان عامل مساعد لأنه خلاني اعرف طريقة الاسئلة و اطبق الاستراتيجية اللي يعطينا اياها التيتشر ..

أهم نصيحة أقدمها للي ناوين يختبرون التوفل قريب انهم يفهمون طريقة الاسئلة اولا
و بعدها يتدربون عليها ..

ثاني شي كان فيه واحد رهيييييب اتابع الفيديوهات حقته في اليوتيوب ،، و ساعدتني كثييييييييييييير لاني طبقت كلامه في قسم السبيكنق و الرايتنق..
هذا السبيكنق و شوفو باقي الفيدوهات
هذا للرايتنق

بس اللي بقوله اني قبل ما ابدا بشي اسمه توفل كنت مرررررره مستصعبته ،، لكن بعد ما عرفتله اكتشفت انه سهل جدا بس يبغاله شويه شغل ..

و ادعولي بليز اجيب درجه حلوه في الجيمات ،، بادخل معمعتها قريب