نصائح غير اعتيادية لاختبار الايلتس

UP
.....
....
...
..
.

الله يجزاك بالخير واي احد عنده نصايح اضافيه لايبخل علينا

Up
.....
....
...
..
.

up up up up up up up up up

To Remain Up
.....
....
...

يعطيك العافيه
ومشكوووووووووووووووور

من رايي ياخي انه كل مااضفت نصيحه اضفها كرد وايضا عدل الموضوع وضفها بحيث انه تكون كلها مجتمعه في رد واحد وايضا تقدر تشوف الاستفسارات على كل نصيحهتقبل مروري..،

يعطيك اااااااالف عافيه عالموضوع

السلام عليكم ورحمة الله وبركاته ...
اولا انا احب ان اشكر صاحب الموضوع على هذه النصائح المفيده .. اللي راح تفيد الكثير من الناس .. والله يجعلها في ميزان حسناتك ..
ثانيا .. انا مالي باختبارات الايليتس ولا التوفل ... ولكن سبق واختبرت اختبار مثل الايليتس او طريقته نفس الطريقه ..
كان احد الكورسات اللي اخذتها كورس انجليش .. فاللي سووته الدكتوره كان الفاينال حقنا خبال ماهو فاينال ..
وكان قبل الفاينال بيوم اختبار SPEECH .. وثاني يوم يكون الفاينال .. والفاينال كان منقسم الى (Reading, Writing, Listening ) ..
طبعا الاختبار ككل ثلاث ساعات .. وكل جزء من الاختبار له وقت معين .. اقرب مثال توضيحي للاختبار هو القدرات (للي سبق واخذ اختبار القياس)..
يعني يقولون لك اقلب على السيكشن اللي بعد تقلب .. اذا ماقلبت سحبوا ورقتك ..
الموهم مالكم بالطويله ..


طريقة اخوي المترجم .. جدا ممتازه وبعضها سبق واستخدمتها ..! والبعض جديد علي ..!
انا جاي اضيف بعض الامور اللي فادتني واللي راح ان شاء الله تفيدكم بكل اختباراتكم وحتى دراستكم بشكل عام ..


بالنسبه لقسم الريدينج ..
فيه طريقه كنت استخدمها حتى استوعب محتوى القطعه .. لان القطع دائم تكون طويله .. وغالبا تاخذ وقت بالقراءه .. خصوصا اذا الشخص مثل وضعي قرايته لك عليها


اول شي كنت اسويه بالريدنج .. اقرأ اول بارجراف من القطعه .. واقرا البراجراف الاخير .. واترك الباقي ..
طبعا الطريقه هذي تختصر علي الوقت بحيث اكون فكره عن الموضوع اللي قدامي .. فالبراجراف الاول يسمونه Introduction .. والبراجراف الاخير Conclusion ..
الانترو ... هذا دائما يجيك فيه جميع النقاط اللي راح يتكلم عنها الموضوع .. اما الكنكلوجن .. فهو دائما يكون ملخص القطعه .. مثل مانسميه Summary ..
وهذي قواعد الكتابه دائما ودوما اي قطعه لابد يكون فيها انترودكشن ويكون فيها كنكلوجن ...


طبعا بعد قرائتي لها .. خلاص اكون مكون فكره سريعه عن القطعه .. فاللي اسويه انط على الاسئله واشوف وش يسأل عنه .. بعض الاساله تكون مثلا اجاباتها يا بالانترو او الكنكلوجن ..
وباقي الاسئله اشوفها واروح ادور على الشيء اللي يسأل عنه .. واذا لقيتها اقرا الجمله اللي قبلها واللي بعدها .. وبكذا اجيب الجواب ..
طبعا البعض ممكن جرب هالطريقه ولا نفعت .. وانا ادري بالسبب .. لان الكل يشوف الكلمه اللي بالسؤال ويبحث عنها بالقطعه ويقرا الجمله حقتها ويجاوب .. وهذا غلط ..
لازم تقرا الجمله اللي قبلها واللي بعدها يعني يكون تقرا ثلاث جمل .. بكذا تعرف الجواب الصحيح .. وهذي طريقه سبق وعلمني عليها دكتور ترجمه مغربي بالسعوديه الله يذكره بالخير.. !
وهي الطريقه اللي استخدمها الى هذا الوقت والحمد لله ماواجهت اي صعوبات او مشاكل بقسم الريدنج .. !


اما بقسم الرايتنج ... فانا اعرف ان الكثير يتعب وهو يكتب ... فافضل طريقه لابد اول شي تكون معود نفسك على الكتابه .. بمعنى انك تحاول تكتب بيدك قد ماتقدر بشكل يومي حتى لو تقعد تتفنن باسمك ..
اخذ قطع واعد كتابتها مره ومرتين وثلاث .. وكل يوم غير القطع .. واقراها واكتبها بنفس الوقت .. لحتى تمرن نفسك على الكتابه ... وبالتالي راح تساعد نفسك على تخطي حاجز السرعه بالكتابه وخصوصا تصحيح السبلينج عندك ..!
واذا ضيعت السبلينج .. انطقها مفصله .. "تهجاها".. وراح تجيب السبلينج الصح باذن الله .. يمكن تخطي بكلمه او كلمتين .. بس اذا عودت نفسك انك تتهجا الكلام وانت تكتب اذنك تتعود على تمييز مخارج الحروف وعينك تتعود على رؤية الكلمات ورسم حروف الكلمات وشكلها في ذهنك .. وبالتالي تصير حتى لو كتبتها غلط انت بنفسك تعرف انها غلط ..! وتصححها ..! (مو احنا بالعربي نقعد نتهجأ الكلمه حتى نكتبها صح ..! الانجليزي نفس الطريقه ..! ) ..


ايضا مهم جدا انك تتقيد في قواعد الراينتج في الـ Paragraph Structure .. مثل الاندينت indentation في بداية كل بارجراف .. وايضا استخدام Transition Words .. وايضا لازم تبتعد عن الـ Informal words ..


هذي بعض المواقع اللي راح تفيدكم بخصوص هالموضوع :
Basic Paragraph Structure


Transition words


Informal Language vs Formal Language


.....


اما بخصوص الليسيننج ...
فلاحظت الكثير يشتكي من سرعة الليسننج .. (على اني ماخذيت الاختبار)..
لكن فيه طريقه راح تساعد في حل هذه المشكله ..


اذا انتقلت الى قسم الليسيننج وقبل لايشغلون المحادثه .. خذ نظره سريعه على اول الاسئله .. وابدأ اقرا الاسئله قبل بدء تشغيل المحادثه ... حاول تعرف الاسئله اللي تقدر عليها في خلال هالوقت ..
وامسك السؤال الاول اذا تكلم عن السؤال الاول .. اكتب نصف الجواب وخل اذنك معه لانه راح يجيك الجواب الثاني وانت باقي تكتب بالسؤال الاول .. ولا تكتب اي جواب كامل كلها اكتب الاجابه اللي بس تساعدك انك تعرف ايش تكتب "رؤوس اقلام".. ..!
مثال "لكتابة الاجابه المبدئيه"..
What's his name ?
Jack


بعد ماتحل السؤال الاخير .. على طول ارجع وعدل اجاباتك الى اجابات كامله ..!
مثال :
What's his name ?
His name is Jack.


فيه ناس يفضلون انهم يستمعون ويكتبون Notes بالامور المهمه وبعدها يحلون الاسئله .. وانا اقول كل واحد والطريقه اللي يرتاح لها ويشوف انها اسرع له ..!
....




نجي للمحادثه Speech or Oral or Speaking ...


هنالك نقاط إن اتخذتها سوف تتغلب على الصعوبات بهذه المسألة ..


اول نقطه .. الثقه بالنفس والراحه النفسيه ..
الكثير يآخذ المسأله بتوتر ... وهذا الامر راح يصعب عليه الكلام .. لانه متوتر ...
فالامر اللي لازم يسويه أنه يآخذ راحته على الاخر ويثق بنفسه .. ويشيل عن باله انه في اختبار ..
ويحط بباله أنه جاي يسولف ويستانس .. < فكره جنونه لكن فعاله جدا !
وثق بنفسك تماما ... فالامر ليس بهذه الصعوبه .. فالشخص الذي امامك سوف فقط يقيمك على مخارج الحروف وانتقائك للكلمات والاسلوب ..!


ثاني نقطه .. التركيز على القرامر وانتقاء الكلمات المناسبه ..
طبعا هذه النقطه هي "الاساسية" لأنها احد معيقات الكلام .. لان الشخص يرتب الجمل في عقله ومن ثم يقولها وهو خائف ان تكون خطأ ..! وهذا الخطأ .. !
فلا تعيق "لسانك" بالتفكير الدائم بترتيب الجمله بالشكل الصحيح ..! لان هذا الامر سوف يجعلك "تأتأ" بالكلام بشكل كبير .. !
اطلق العنان لنفسك وتكلم بحريه بدون تكلف ودائما اختر اسهل الجمل واسهل الكلام ..
( إذا كنت تريد أن تتحدث بطلاقه .. فعود نفسك على القرائه والكلام بفصاحه وبالقواعد .. واترك الـSlang )


ثالث نقطه .. الإبتعاد عن الـ Informal Language (Slang langauge))...
حاول بقدر الامكان الابتعاد عن المصطلحات العامه .. واستبدلها بمصطلحات علميه وفصيحه ..
فمثلا لا تقل :
I'm gonna ...
قل :
I am going to ....


فهذه محسوبة عليك .. كون التقييم يشمل ذلك ..!


( يعني مثلا .. انت داخل لغه عربية فصحى .. ولما جا الاختبار .. تقول للدكتور "جيت هنا "... او " جئت هنا" ؟. )




رابع نقطه .... لا تلوي لسانك .. الله يلوي رقبة ابليس ..!
كثير من الناس شفتهم يلوون لسانهم علشان يمسكون الاكسنت .. وغالبا يمسكون كلمه صح ويخطون بعشره .. لان من الغلط ان الواحد يكتسب الاكسنت قبل اللغه .!. فأول شي اكتسب اللغه ومن ثم اذا تمكنت منها .. حاول تجاري الاكسنت ..! وبتشوف أنك تمسك على الاكسنت بالشكل الصحيح .!


فمن هالناس اللي راحوا واختبروا بالايلتس .. وجابوا 3 بسبب لوية هاللسان ..!
فلما نصحتهم انهم يمرونون نفسهم يفصحون الستنهم ويخرجون الحروف حتى اذا جا الاختبار مايجيبون العيد ..
راحوا واختبروا مره ثانيه .. وارتفعت من 3 الى 4.5 !
فالمقصد أن الواحد ينتبهه على هذي الامور خصوصا بالامور الاكاديميه .. لو اسس نفسه صح لقا الامور بسيطه بالنسبه له ..!




خامس نقطه ... ابتسسسسسسسم وتحرك .. !
من يوم تشوف الرجال استقبله ببأبتسامه .. وتكلم وانت مبتسم في وجهه ..
ولا تنسى وانت تتكلم .. تحرك يديك .. يعني بالعربي تخليه يتفاعل معك ..
لاتقعد وتحط يديك على صدرك وتقعد تتكلم كأنك مغصوب على الكلام ..! لاتنسى انت اللي جايه مو هو اللي جايك ؟!
ترا هالامور البسيطه تعطي انطباع جميل للشخص .. !








هذي النقاط انا سبق ونصحت شباب فيها بالايلتس .. واستخدموها .. والحمدلله جابوا درجات ماكانوا يتوقوعها ..
وايضا هالاشياء ممكن البعض يشوفها عاديه .. لكن ترا هالامور راح تفيد بشكل عام سواء ايتلس او غيرها ..
حتى الشركات تنفعك فيها >> اسألني انا :d


ايه صح ..
لا احد يروح الاختبار بالبجامه !؟ .. او تروح لهم بشورت ؟! !! < والله واحد مسويها خخخخخ






انا ملاحظ كثير يدورون على القواعد الاساسيه في الانجليزي يعني مثل اللي فوق ..
فلو تبوني اكتب الاسس اللازمه مثلا في الرايتنج واخصص كل شي في موضوع مختلف .. ترا ماعندي مشكله .!
بس خبروني وانا ان شاء الله راح احط كل خبرتي فيها باذن الله وماراح اقصر معكم .. !


اتمنى أن مشاركتي لها فايده .. ولو انها طويله ..
بس يقولك "التفاصيل افضل من رؤوس الاقلام"..
هذا والله الموفق ...,


اخوكم محمد فهد

يا صاحب الموضوع ,,

نصايحك حلوه , بس يا اخي تعبتني وانا احوس بالموضوع .

واحسك بتكثر مشاركاتك ...!

اطرح فكرتك كامله وخلنا نعلق عليها , لكن انك تحطها كذا والله تعب .