ارائكم راح اطبقها فأرجو الصدق (لاتنكبوني )

حبيبي ..

على حسابك الخاص أنصحك لا تتشرط .. شف لك مكان لو هو كئيب شوي .. بما أن لغتك كويسة فأنت إن شـاء الله بتجيب اللغة بسرعة ..

خذ قبول من أحد الجامعات

ليه قلت لك هالكلام .. لأن ترا وراك سكن و اكل و شرب و مواصلات و انت على حسابك الخاص و اضرب كل شي تشتريه في 3.75

تعال في أوهايو كليفلاند . بلد لا بأس بها .. مو مررررة حلوة و لا مرة شينة .. وسط

المعهد تكلفته فقط 10 آلاف ريـــــال ... و إذا تبي أقدم لك فيه قل لي ..
و السكن تقريبا شهريا يكلفك ما بين 500 إلى 800دولار غرفة و صالة.

الأكل و الشرب مع النثريات حط تقريبا شهريا 500 ..

إذا انظميت للبعثة .. انقل للولاية الي تبيها .. بس حدك ع حسابك الخاص اقتصد في الصرف قدر الامكان


ربي يوفقك

الملحقيه ينقلونكم وين ماتبون ؟؟

يس إذا جبتي قبول .. عادي ينقلونك و يعطونك تكاليف نقل من ولاية لولاية ..


ليه مو مبتعثة أنتي ؟!

شكرا اخوي مايو ردك وافي ماقصرت


لكن بسئلك اقدر التحق في البعثه حتى لو انا في معهد تجاري ومعي قبول بشرط التوفل ؟

ثانيا: اذا بتجيبلي قبول كم بياخذ يوم وترا انا معي اثنين من الشباب و نبي نكون سوا

ثالثا: السكن مع العوائل هناك جربته او عندك خلفيه عنه

رابعاً: شكرا لك على كلمت ( واذا تبي اقدم لك فيه قلي ) هذا يدل على كرم اخلاقك وطيب اصلك

الا مبتعثه بس ملحقيتنا فاشله ما تنقلنا وين ما نبي يجي رفض

ايه الي اعرفه و الله اعلم انك تقدر حبيبنا .. اصلا شوف البعثة بتجيك بأحد طريقتين :
1- يجي ضم لجميع الدارسين على حسابهم الخاص.
2- تنهي اللغة و تدخل الجامعة .

الملحقية ما تدخلك البعثة الا لما ترسل لهم جدول اول سمستر لك في الجامعة و ساعتها يوقلون لك مبروك حبيبنا انضميت للبعثة.


و الله يا الحبيب القبول بياخذ مني تقريبا ما بين اسبوعين الى شهر بالكثير.
جهز التالي: 1- ضمان مالي بقيمة 30 ألف دولار. 2- جواز السفر. 3- آخر شهادة معتمدة حصلت عليها.


السكن مع العوايل توافيق يا الغالي .. يعني انا سكنت معهم مرة و الله كانوا طيبين بس ما نقعد سوا كثير هم يجون تعبانين الساعة 6 المغرب و يبون ياكلون وينامون ما فيه وقت يجلسون .. لكن انا سويت طريقة ثانية .. استأجرت شقة غرفتين بصالة .. و اثثت البيت و اشتريت سرير لي و سرير عادي للغرفة الثانية

الأجار كامل قيمته 900 دولار ( غرفتين و صالة )
أجرت غرفة للأمريكي بـ 600 دولار ..
و أنا ادفع 300 دولار ..

و مقابله 24 ساعة .. طبعـًا بقول لك شي .. تحط شروطك لما تعلن عن انك تبي امريكي .. يعني انا حطيت لا يسوي حفلات و لا شراب و لا يرجع لي سكران .. و اخترت واحد كبير في الثلاثينات و كان كويس صراحة و ناضج.



و أحنا بالخدمة

اها .. الله يعينكم بس اختي و يصلح ملحقكم

تسلم يالغالي ماقصرت يالييت تعطيني ايميلك او طريقة تواصل

ومتى ماجهزت المطلوب بكلمك

شوف أخونا الفاضل أنت سعودي و لما يعرفو الناس أنك سعودي سواء كانو عرب و لا أجانب رح تشوف عينهم $$ يعني لازم تختار ولايه أمنه و لا تنسى لازم يكون faculty يعني الأساتذه يكونو فيها زينين لأن مع أساتذه سيئين نفس الي موجودين للاسف بالبلاد العربيه مش رح تقدر تمشي حالك و كمان يعني ياريت تروح جامعه يكون فيها طلاب سعودين و لا عرب على الأقل علشان ما تحس بغربه ومن ناحية الغلى و الله انا ما أدري و لكن أنشاء الله سمستر واحد و لا سمسترين بتدخل البعثه و لكن والله ياريت لو أقدر أقولك جامعات زينه حق تخصصك لكن للحين ما أعرف ولا جامعه فيه fire engineering أسال الله أن يحفظك من كل شر و تلاقي جامعه و تتوفق أنشاء الله