ارجو المساعده..الى ملك المشاعر

مرحبا ...
بالنسبة لقبول الماجستير ... توجد الكثير من الجامعات تعطيك القبول المشروط اذا انت درست في المعهد الخاص بها ...
مثلا جامعة ديلاوير ... لكن المدينة صغيرة جدا ..
او ممكن تراسل الجامعة و تطلب منهم قبول مشروط على اساس انك راح تختبر التوفل بعدين وشوف ايش راح يردوا عليك
وبالتوفيق :gr_876:

وش رايكم في الاكاديمية تبع جامعة كالقاري هل هي معترف بها ام لا .. عموما ياشباب انا اتمناها في كندا وحتى لو عندكم معلومات عن الجامعات الامريكية مافيه مانع

اخي اول شي اختار الجامعات يلي معترف فيها لتخصصك من قبل الوزارة .. وبعدها ابحث عن الجامعة يلي ترغب فيها لو يكون بعد في نفس الجامعة معهد اللغة يكون احسن ... و يلي اعرفه بخصوص طلاب الماستر يحتاجون قبول معهد فقط .. انت اول شي خليك على اتصال مع الجامعة يلي ترغب فيها عن طريق الأيميل او الهاتف ارسل ايميل واسأل هذي الأسئلة (هل عندكم معهد لغة وهل عندكم قبول مشروط للطلاب الدوليين و ماهي السيمسترات المتوفره عندكم بالنسبة للمعهد وهل يجب علي مراسلة المعهد من جهة والجامعة من جهة وارسال اوراقي الا كلا المعهد والجامعة ام يجب علي فقط ارسال اوراقي الى الجامعة وانتم سوف تتكفلون بتسجيلي في معهدكم ) السؤال الأخير لازم تسأله اذا كان المعهد تبع الجامعة ... اما اذا كان المعهد منفصل عن الجامعة .. عليك ترسل اوراقك الى كل الجهتين .. هناك تسجيل عن طريق الموقع ( اون لاين ) وهناك تسجيل عن طريق الأوراق Pdf ... موفق اخي .. واي خدمة اني في خدمتك

اولا اخي اشكرك على طرحك وانشالله اقدر افيدك

بالنسبه للقبول الماجستير مايحتاج قبول جامعه الأهم هو قبول معهد لغه والوزاره تطلب قبول معهد لغه بس اما الجامعه اذا رحت لامريكا تختارها انت وتراسل وانت مرروووق وتشوف جامعه تعجبك يعني الاهم قبول معهد اللغه واتوقع معهد اللغه مش بذيك الصعوبه تجيب قبوله

اما ذاا انت رجال بتجيب قبول جامعه بس كذا من الان فانصحك يكون المعهد داخل الجامعه او على الاقل بنفس المدينه ولو جبته بمكان والجامعه بمكان عادي بس زي ماقلت بالنسبه للماجستير فما فوق مايطلب عليهم الا قبول اللغه فقط

وهذا رابط الوزاره

http://www.mohe.gov.sa

تدخل عليه تلقى من ظمن الخيارات الجامعات الموصى بها على اليمين تظغط عليها وبعدها بتطلعلك الدول تختار امريكا وبعدها تختار يابحث بالتخصص او الجامعه وانا افضل تسوي بحث بالجامعه لانه بيطلع لك كل التخصصات والجامعات وبعدها تختار الولايه اللي تبيها وتضغط بحث بيطلع لك كل الجامعات اللي بالولايه اللي اخترتها بعدها بتشوف باول سطر مكتوب Show Major جنب اسم الجامعه معناته هذي هي التخصصات المعتمده من الوزاره بهذه الجامعه انت اختر الجامعه مع اني قلتلك ياغالي ان قبول المعهد اللغه هو الاهم بالنسبه للماستر مش مطلوب قبول الجامعه وذاا تبي تبحث عن معهد اللغه المعتمد هذا رابط قائمه المعاهد
http://www.mohe.gov.sa/usa/Education...itySearch.aspx

تختار الولايه وتسوي بحث بتجيك جميع المعاهد المعترف فيها بهذه الولايه وجنبها على اليمين المدينه اللي فيها هالمعهد City

وعسى ربي يوفقك ويسهل امورك

وبالتوفيق ياغالي

شكرا اخوي ملك المشاعر حقيقة استفدت من ردك ..بس ابي اسالك بما انه لك خبره بهالامور هل المعهد في جامعة calgary معترف به ام لا؟اختي سويت اورانج ممكن تساعديني في القبول بالمعهد تبع جامعة بنسلفانيا ارجو انك تردي علي وشكرا لكم جميعا

أخوي ملك المشاعر تراك غلطان ...

الشروط الجديدة للوزارة تشترط قبول جامعة مشروط أو غير مشروط

للجميييييييع بكالوريوس ماجستير دكتوراه ....

وبالتوفيق

الوزاره ماتشترط قبول للماستر الا بالمعهد يالغلا

بعدين اتركي اعلان الوزاره خوذي العلم من الوزاره نفسها وهذا كلامهم لي قالو قبول لغه بس بس اذا غيرو شي..اما بالنسبه للشروط الموجوده وضعت كذا نفس شروط البرنامج الاول لو ترجعيله مع زياده المقابلات ومشكور على ردك ياجمان

اخوي مهرول الجامعه هذي باي ولايه واي مدينه طيب؟

وبالتوفيق ياغالي

اخوي ملك.. الجامعة هذي في كندا university of calgary في مدينة كالقاري مقاطعة البرتا alberta مشكلتهم انهم عندهم معهد لكن متطلباتهم للدراسه فيه صغبه وبعد مايعطي توفل لكنه يقدم اربع مستويات لدراسة اللغه ورابع مستوى هو بدل التوفل بالنسبه للجامعه نفسها يعني level4 الجامعه تعتبره متطلب لها اذا ماعندك توفل وتبي تدرس بالمعهد.. سؤالي هل لو اني اخذت هالمستوى ونجحت فيه ممكن اي جامعه اخرى غير جامعة كالقاري تقبله ام لا.. ؟ ومثل ماقلت ابي المعاهد المعتمدة بهالمقاطعة تعطي شهادة توفل لو سمحت..؟

هلا ملك المشاعر ...

لا يا أخوي الخبر أكيد جدا لازم قبول من جامعة للدراسات العليا ...والله أخاف تتوهقون
عشان كذا أأكد عالموضوع لازم قبول ...وهذي الشروط الجديدة للوزارة :
رابعاً : شروط عامة للابتعاث :

1- أن يكون المتقدم سعودي الجنسية .

2- ألا يكون المتقدم موظفاً في القطاع العام أو الأهلي .

3- يجب أن تتم الدراسة بالتفرغ التام وأن ينتظم الطالب ً بالدراسة انتظاما كلياً .

4- الأولوية لمن تكون المرحلة التي يرغب الالتحاق بها امتداداً لدراسته السابقة أو يكون التخصص من التخصصات ذات العلاقة بالتخصص السابق .

5####- يشترط للابتعاث لدراسة البكالوريوس والدراسات العليا القبول النهائي أو القبول المشروط .

6- الحصول على التأشيرة الدراسية اللازمة من سفارة الولايات المتحدة الأمريكية للدراسة .


نقطة 5 توضح قصدي ........

وسلامتكم ..