حالتي النفسية

فعلاً بردهاا كئيب .. ابدن مااحب الويكيند هنا تحس بالوحده رغم عندي عمامي وعمتي بس برضوا الذكرى والبيئه تلعب دوور
يعطيك العافيه وراح احاول امشي على كلامك .. ويجزاك الجنه

ويوفقك يا غالية والله يسهل عليك .. تسلمين

ياحبيبتي حاسه فيك لانه كان عندي اخت زيك مبتعثه وتعبتها الغربه
نصيحتي لك شوفي اذا تقدرين تسكنين مع بنات وحدهم يصير تتسلو سوا اشوف العمانيات اللي معاي جايين قروبات سوا وساكنين سوا وفالين امها
مايرجعون البيت الا تعبانين ومتاخر بس عشان المذاكره والنوم يصير مافي وقت يفكرون بالاهل
واكيد تجي هالحاله وشوفيني متزوجه الحمدلله وعندي بنت بس برضه يجي الهومسيك خصوصا لو عرفتي احد تعبان من اهلك او شي وانت مو عنده
بس الحلو اشغلي نفسك باي شي تحبيه مارسي هوايات ثانيه وصادقي بنات اجنبيات تقوين لغتك وكذا
واذا تحبين المسلسلات والافلام اشتركي بموقع نيت فليكس بسبعه دولار بالشهر واتفرجي الي تبغينه يسلي
والله يسهل عليك انت عشانك توك بالبدايه بس يبغالك صبررر
وحاولي كلمي اهلك سكايبي عشان ترتاحين

ماقصروا الاخوان ..

مثل حالتك .. اتذكر درست بمادة بالجامعة عن علاج لمثل حالتك ( طبعاً بالاضافة إلى دعاء والصلاة حسب ماذكروا الاخوان والخوات ):-
1- تكوين اصدقاء صالحين.
2- الخروج بصحبة الاصدقاء . ( والمقصد ماتحبسين نفسك بمكانك ) لان حسب راي الشخص الي شرح لنا الموضوع " بان في حالة الوحده يزداد معدل الكئابه وراح يزيد شوقك لاهلك ".
3- بحث عن شي يهمك والانشغال فيه .. حاولي تلاقين نادي بالمعهد او الجامعة يهتم بمواهبك او مجال دراستك .. ( المقصد تلاقين شي تستمتعين وانتي تسوينه).

هذي بعض الحلول الي اتذكرها .. عموماً دعواتنا لك قلباً وقالباً والله يعينك ويعين جميع الناس .. ونصيحتي الاخيره لك ( بالسجود .. ادعيه سبحانه , وصدقيني بيتغير كل شي بحياتك ) < تجربه شخصية.
موفقه...

الصداقات تنسيكي هم الغربه

ياما وياما وياما جتني هالحالة
بصراحة والله حاس فيك ,, شعور صعب جدا
بس انا اكتشفت ان هالحالة تجي وتروح
واكتشفت ان اللي يجيبها وقت الفراغ والعكس صحيح
حاولي تشغلي وقتك باي شي واذا خلصتي شغل البيت والمذاكرة والوقت كان مو وقت طلعة افتحي موقع شاهد وشوفي حلقة من اي فلم
او تسلي باي شي بالنت او سوي كيكة او حلى او اي شي وخليه بالثلاجة
وحاولي تستبدلي الافكار اللي تسبب هالحالة باي افكار ايجابية ثانية
بالبداية كانت طريقة استبدال الافكار صعبة بالنسبة لي بس بعدين صارت اسهل
وانا عن نفسي ما اكلم اهلي كثير لاني بمجرد اكلمهم تخنقني العبرة
الله يهون الغربة علينا وعلى الجميع

ياخي احمد ربك على الاقل انت عندك بعثة

فكر بغيرك وكيف عايش واحمد ربك .. انا قعدت ٦ شهور على حسابي والمادية جداً جداً سيئة وكل الابواب تسكرت بوجهي وعديت الوضع وما اذكر كلمة الوالده الا مره وصحت وهي تكلمني علشان انرفض طلب الالحاق حقي للمره السادسة بعد ٦ شهور وماكنت ادري وش اسوي واتعذر اني صحت يمكن علشان صغير "١٨ سنة" او الوضع اللي كنت فيه

وترا كلنا نشتاق لاهلنا عادي يعني


اقولك شي يضحك .. انا اخوي كان مبتعث لكندا قبل ٧ سنين وراح قعد شهرين ورجع صياح وبكى ومابي بعثة والله يلعن كندا والابتعاث .. الزبدة كان يجي السعودية بالسنة ٥ و ٤ مرات او اكثر من كثر شوقه لنا وللسعودية وكان كل مايكلم امي ولا ابوي يصيح هههههههههههه

بالنهاية رجع السعودية وخلص دراسته قبل ٦ شهور وتوظف والحين اخذ اجازة بدون راتب شهرين ورايح كندا لنفس مدينته يقول اشتقت لها هههههههههههههه


على العموم خذ الدراسة فله ووناسة يعني يكفي انك بأمريكا ياخي وعن نفسي كنت كاره السعودية قبل لا اسافر"من الحكايم والدوريات .. مكلمكم راعي دريفت وفله " علشان كذا ما احس بهوم سيك ههههه

كان ودي افيدك بس الحمدلله للآن ماحسيت بالهوم سيك تعرفي ليه ؟؟

لأن اكلم اهلي 24 ساعه بالكام .. حتى لو ماكان عندي سالفه اخليهم يشغلون الكام واحل واجباتي وانا اشوفهم يأكلون ويسولفوا ( كأني بالضبط معاهم )

وعادي ترا كلها فتره وتعدي لاتشغلي بالك انتي فيهم كثير .. وحاولي كل ماشتقتي لهم خليهم يكلمونك كام ..

اختي الله يعينك على غربتك وسحابة صيف وتعدي - ضاقت فلما استحكمت حلقاتها فرجت وكنت أضنها لا تفرجُ ..........
والله يا اختي مريت بالتجربة العسكرية كانت اقسى تجربة في حياتي قبل خوض غمار التجربة العسكرية كان أخي رحمه الله واسكنه فسيح جناته يقول لي والله
انني اتذكر كل شي في الديره حتى الاشجار والاحجار حتى زوايا المنزل لا تفارقني حتى الجبل حتى مؤذن القرية كان صوته لا يفارقني وكنت احسبه يبالغ في
ذلك ولكن بعد دخولي الدورة العسكرية ومنها 45 يوم انعزل فيها عن العالم لا مكالمات لا زيارات ولا ارى سوى العسكر والكرف وشيل وحط ولكن بقدر ماكان
فيها من التعب لدرجة ان ما يقارب 100 عسكري هربوا من المعسكر اثناء الليل فيها من تعويد النفس على الصبر وصقل مهارات الشخص في التكيف مع الحياة
نعم احسست بانني ولدت من جديد تغيرت 180 درجة بكل ما يعنيه التغيير تغيرت الى الافضل تغيرت واصبحت ايجابيا نعم هكذا تكون تجارب الحياة اصبري
فسوف تستفيدين تجارب حياتيه وتجارب علمية .......................... قال الامام الشافعي /
بقدر الكد تكتسب المعالي .......... ومن طلب العلا سهر الليالي
ومن طلب العلا من غير كد ................ اضاع العمر في طلب المحال
تروم العز ثم تنام ليلا ................. يغوص البحر من طلب اللآلي

والله احسن حل وانا مجربه ونفع معاي
انك تكلمي اهلك كل اسبوعين او ثلاث اسابيع
صدقيني راح تتعودي على فراقهم بس اذا 24 ساعه مشغله الكام وتشوفيهم لايف
بتشتاقيلهم كل ثانيه
انتي حطي في بالك انك بتجلسي فترة في امريكا
والله يسهل عليك