بغير المعهد (فرجوها علي الله يفرجها عليكم )

حبيبي لازم تدرس في المعهد اللي باريزونا لان الاي توني حقك باسمه لو لمدة سمستر .. بعدين حول على المعهد اللي تبيه ... هذي من شروط الفيزا والقانون ياحبيبي ,,


وبعديين ان شاء الله تجيك البعثه وانت بالمعهد اللي باريزونا .,,

توكل على الله وادرس سمستر باريزونا لانه اجباري لك لان الايتوني باسمه بعد السمستر يمديك تنقل اي مكان تبيه ,, انا مجرب هالشي بنفسي

والله يوفقك

شوف ياعزيزي من واقع خبره صار لي نفس الكلام هذا وراح أقول لك وش اللي سويته أنا كان عندي قبول بمعهد بولاية يوتاه وكنت على حسابي الخاص وبفضل من الله أنضميت للبعثة

والكلام هذا وأنا باقي ما درست بالمعهد اللي عليه الفيزا لاني جيت امريكا قبل الدراسه بـاسبوع وحولت عن طريق المعهد الجديد اللي سويته :

رحت للمعهد الجديد اللي أبي منه القبول وكلمتهم وقلت لهم أن عندي قبول بمعهد ثاني وأبي اسوي ترانسفير اللي هو نقل وأعطيتهم أوراقي نفس الاوراق الي قدمت عليها بالمعهد اللي عليه الفيزا

وأعطيتهم عنوان المعهد اللي عليه الفيزا ونقلت بدون ما أدرس عند المعهد اللي فيزتي عليه .

اللي عليك أخوي تقدم على المعهد الجديد وتقول لهم أن عندك قبول بمعهد ثاني وتبي تسوي ترانسفير والمعاهد تتصافى مع بعضها بس في معاهد تستقعد للطلاب بس الحمدلله أنا
ا
عطيت المعهد الجديد كل اوراقي وهم اللي خلصوا لي كل شي ... واللي خدمني اني جيت بدرري قبل ما يبدا المعهد اللي عليه فيزتي

اتمنى اني افدتك ودعواتكم لنا بالتوفيق وتأكد هذا من واقع خبره بس في معاهد عن معاهد تفرق وأن شاء الله أمورك تسهل

أخوي فيصل قانون مين ياعزيزي في معاهد عن معاهد تفرق ... واذا على القانون أنا المعهد اللي فيزتي عليه ما درست فيه ولا يوم واحد والحمدلله الامور تساهيل


أخوي جرب تكلم المعهد اللي تبيه وتقول لهم هالشي عن قبولك بمعهد اريزونا وان شاء الله راح تيسر امورك أهم شي تسوي ترانسفير من المعهد القديم لا تطلب ايتوني جديد

لان الفيزا ما عليهم من أسم المعهد عليهم من رقم الايتوني وهذا اللي صار وأنا نقلت من يوتاه الى فرجينيا وأسم معهد يوتاه باقي موجود على الفيزا

الله يسر لك أمورك وتنضم للبعثة

على فكره
ترا كلللل معاهد اوهايو متكدسه يعني لا تروووح لأوهايو شلها من راسك بيرفضون فتح الملف
وشكرا
ويدعلي اني علمتك
انا كنت ناوي اروح بس الحمدلله قبل السفره دخلت ع موقع التعليم العالي ولقيت 95% متكدسه

وتكساس وفلوريدا وكاليفورنيا واوريقون لا تتعب نفسك فيهم

اخواني انا ما ابغي بعثه انا بس بدرس سته شهور وارجع السعوديه ...
انا نكبني المكتب اللي في جدة مدح لي المعهد ويوم شفنا اسعاره طلعت خياليه طلع فيه معاهد اقل تكلفه ماديه بكثير منه ، فعشان كذا انا غيرت و
انا جبت قبلو من معهد اللي في اوهايوا ، وعطوني ورقه الترانسفير ، يوم ارسلتها للمعهد القديم رفضها قالي لازم يطلع اي توني جديد ويغير الفيزا ويرسل لنا ورقه انك ما راح تجي


اللي بعرفه منكم هل في احد غير المعهد وهو باقي ما دخل امريكا وقبلوه ؟؟
عشان احصل حل ثاني ان شاالله

<بنتظار ردودكم

وين اللي عنده خبره او صار له نفس الشي ؟؟؟؟؟