أفضل خطوط الطيران المتجهة إلى أمريكا...

السلام عليكم

صحيح الموضوع قديم بس لفت نظري وأنا أبحث إن مافي أحد أتكلم من ناحية الأكل الحلال

يعني استفسار كيف تاكلوا لحم أو دجاج على الخطوط الأوروبية؟؟؟؟

أتمنى أحد يجاوب

وعليكم السلام ورحمة الله وبركاته ...
عادي بالنسبه لي اكل الدجاج .. وابتعد عن اللحوم !

معليش شكلك مافهمت قصدي

اقصد ان احنا المسلمين ناكل لحوم اهل الكتاب في حال انها مذبوحة على طريقة شرائعهم وللاسف نادر جدا وقد يكون معدوم انك تلاقي مسيحي يطبق الذبح الشرعي

الغالب عندهم القتل بالصعق الكهربائي وهذا يعتبر ميته محرم أكلها

اها قصدك على الذبح ..

اذا على الذبح مادامها حلال ومن اهل الكتاب .. فلا تسألين كيف ذبحت ! وإنما سمي بالله واضربي بالخمس

راجعي هذا الرابط : لا ينبغي السؤال عن كيفية ذبح اللحم والدجاج

ومثل هذا : لو أتى لحم من تحل ذبائحهم ، وكان بعضهم يذبح على طريقة شرعية ينهر فيها الدم بحد وليس بسن ولا ظفر ، وبعضهم يذبح على غير الطريقة الشرعية ، والأكثر على الطريقة الأولى الشرعية ؛ فإنه لا بأس بأكل ما أتى منه عملاً بالأكثر ، ولكن الأولى أن يتجنبه تورعاً" انتهى .
فضيلة الشيخ محمد بن عثيمين رحمه الله .
"فتاوى علماء البلد الحرام" (ص 255، 256) .


هذا النص يدل على أنه إذا كان الذبح بالأكثر على الطريقة الشرعية فيجوز أكله والأولى تجنبه وراعا..
فكيف وأنا أعرف أن المعظم لا يذبح على الطريقة الشرعية ومن غير ما أسألهم لأنو دا شي معروف فأكيد أنه العكس لا يجوز الأكل لأن الأكثر لا يذبحون على الطريقة الشرعية..

مانتي مجبوره تاكلين ! .. بإمكانك تقضينها ماء ليما توصلين

الدين يسر وانا اخوك .. ولو تباحثنا ودققنا في كل صغيره وكبيره .. لعقدنا على انفسنا امور كثيره !
على سبيل المثال .. اذا جيتي تصلين .. تدورين القبله .. هل القبله لابد تكون وجهتها دقيقه على الكعبه بالسانتي ! ؟
او ان تكون القبله على الاتجاه فقط ؟!
ولو دققنا حتى على العبايات او الخمار .. وطريقة تغطية الوجهه .. لوجدنا ان فئة كبيره جدا من الناس ماتطبق الشرع بحذافيره !
بس الدين يسر .. والمعنى الأخذ بالمجمل .. بدون التدقيق في كل شيء !

انتي مو مجبوره تاكلين ..
لكنك في رحله .. ومضطره .. إما انك تمنعين نفسك من الاكل وتقضينها ماء ! حتى توصلين .. واذا وصلتي امريكا .. روحي للمزارع واذبحي بنفسك واخذيها معك للبيت !
ولا تاكلين من مطاعم .. ولا تشترين من السوبرماركت .. ودوري بقاله عربيه علشان تاخذين اللحم اللي مذبوح على الطريقه الشرعيه ..!
وصلى الله وبارك

أنا ما أتكلم هنا اني مجبورة أكيد ماني مجبورة إني أكل أكل حرام ولا مجبورة إني أروح أماكن يتقدم فيها اللحوم الميته
إذا وجد الحلال كان مجرد تسائل بس لأني أهتم اني ما أكل أي شي بس انت جبت فتوى ولما بينت وجهة نظري قلتلي الدين يسر فكان من البداية لا تجيب فتاوى وخلي الدين يسر..

وفي الأخير لنا الأسوة الحسنة في قوله عليه الصلاة والسلام " إني لأنقلب إلى أهلي فأجد التمرة ساقطة على فراشي فأرفعها لآكلها ثم أخشى أن تكون صدقة فألقيها"..

وكل واحد يسوي اللي يريحه مااحد مجبور على شي.. سلاما..

دائما اشتري المنتج اللي يكون الزيت النباتي احد مكوناته حتى تتفادي مشتقات الخنزير.
اذا ما حصلتي قسم فيه اكل مسلمين ابحثي عن اكل يهود (jewish food ) ﻻن اليهود يذكرون اسم الله على ذبائحهم وﻻ يأكلون الخنزيز ويختتنون مثل المسلمين وهذا ما افتونا به الشيوخ ايام الدراسه برا.

Sent from my GT-I9300 using مبتعث mobile app

شكرا جزاك الله خير أخ yanbu12

على هذه المعلومات والنصائح والله يوفقكم جميعا..

الفتوى اللي جبتها لك .. كانت تتكلم عن "الدين يسر" .. بس انتي رحتي وأخذتي بآخر سطرين من الفتوى وتركتي الباقي !

واساس الفتوى هنا " وفي صحيح البخاري : (أَنَّ قَوْمًا قَالُوا لِلنَّبِيِّ صَلَّى اللَّهُ عَلَيْهِ وَسَلَّمَ : إِنَّ قَوْمًا يَأْتُونَا بِاللَّحْمِ لَا نَدْرِي أَذُكِرَ اسْمُ اللَّهِ عَلَيْهِ أَمْ لَا ، فَقَالَ : سَمُّوا عَلَيْهِ أَنْتُمْ وَكُلُوهُ . قَالَتْ عَائِشَةَ رَضِيَ اللَّهُ عَنْهَا راوية الحديث : وَكَانُوا حَدِيثِي عَهْدٍ بِالْكُفْرِ) .
ففي هذه الأحاديث دليل على أنه لا ينبغي السؤال عن كيفية الواقع إذا كان المباشر له معتبر التصرف ، وهذا من حكمة الشرع وتيسيره ؛ إذ لو طلب من الناس أن ينقبوا عن الشروط فيما يتلقونه من صحيح التصرف لكان في ذلك من المشقة والحرج النفسي مما يجعل الشريعة شريعة حرج ومشقة ."

هذا اللي كنت ابي اوضحه لك لما اعطيتك الفتوى .. حتى تستنفعين واكسب اجرك

عموما لاتعصبين ولا شي الامور سهالات اختي