والله من جيت لاحد يومكم وعيوني ماوقفت افكره ارجع السعوديه

الي مايمر بنفس مرحلتك اول مايجي يعتبر مريض
لانها حاله طبيييعيه
لي سته شهور وللحين الحاله تروح وتجي بس تعودت عليها
ابكي الين تشبع عادي لاتستنكر شعورك طبيعي فراق الاهل والاحبه والعادات والارض شي يخليك تحس انك منت انت لانك اول مره تسافر عشان امر جدي مهو فان ولاسياحه
واذا على اللغه كلنا حسنا مثلك بس كل يوم تكتشف نفسك وتقول واو انا بطل انا وصلت
بالتوفيق

المصدر: http://www.mbt3th.us/vb/forum8/threa...#ixzz1lsptaILa
حفاظاً على حقوق الكاتب نرجو عدم حذف المصدر مبتعث

اضافة على هذا الكلام ,انت اللي صار معاك بالضبط هو نتيجة لأفكار وهواجس من قبل ماتوصل لأمريكا انت حاط في بالك احتمال انك تفشل وماتعدي لغة ولو كان بسيط جدا واللي صار لما جيت من أول اسبوع انك بديت تقارن نفسك من ناحية مستواك اللغوي بأهل اللغة نفسهم أو بطلاب سبقوك وتجاوزوا مرحلة اللغة وشفت الفرق في اللغة بينك وبينهم كبير وهذا غذى الشعور السابق عندك انك ممكن تفشل وما تتجاوز مرحلة اللغة بالاضافة الى اشتياقك لأهلك من أول اسبوع ماشاءالله عليك ,باين عليك اجتماعي جدا , كل هذا ولد عندك الاحساس بالخوف وبالتالي البكاء والتفكير في العودة .هذا طبيعي اي انسان مهتم لابد ان يشعر بمثل هذا الشعور لأنك حريص جدا على مستقبلك وتبغى تطور نفسك وهذة وحدها نقطة قوية جدا هي اللي بتخليك تحقق مرادك بعد الله .

اخي الكريم ,المقارنة السلبية بين مستواك اللغوي ومستوى الاخرين غير مجدية بتاتا ,المطلوب منك الان تركز في دروس اللغة في المعهد وتختلط كثير بالناس وتتكلم وتكسر حاجز التردد والخوف من الخطأ لأنك اذا ما أخطيت ماراح تتعلم وانا أقولك هية من الان اذا كان عندك شك ولو خمسة في المية انك ماراح تعدي اللغة ماراح تعديها الا اذا كانت ثقتك بنفسك كبيرة ,تكلم تكلم وحاول تصحح اخطاءك في كل مرة ,وفي حاجة مهمة حاول تغير الاشخاص اللي تتكلم معاهم يعني لا تخلي كلامك دائما مع اشخاص معينين لأنهم راح يفهموا اسلوبك من البداية ولا راح تستفيد شي , لا تجلس كثير لوحدك خاصة في البداية . صدقني انك بعد شهر باذن الله راح تتحسن كثير الى درجة انك ما تصدق انو هذا انت اللي قاعد يتكلم . يا اخي مشكلتنا اننا نحطم بعضنا البعض اذا صار الواحد يبغى يتعلم ويطور نفسه واجه الاف المشككين ممن تربع عليهم الاحباط والكسل . قولي من تصاحب اقول لك من انت .
الى الامام لا ترجع من منتصف الطريق لأنك راح تبكي اضعاف هذا البكاء اذا رجعت مو بس اسبوع ,لا طول عمرك راح تبكي . خلي همتك عالية وثقتك بالله كبيرة صدقني الله مايردك .
بعدين انت مو مستخير قبل ماتروح ؟ اذا كنت مستخير وتيسرت لك معناها خير لك فلا تسيء الظن بربك ,ابذل مجهود اكثر و اكثر لأن المحطة اللي راح توقف عندها باختيارك انت هي مستقبلك فليس هناك شخص فاشل ,لكن هناك شخص بدأ من القاع وبقي فيه . لا اسمعك تقول هذا الكلام انت قدها وتقدر تتعلم مو بس انجليزي اي لغة ثانية معاها .