أستفسارات طالب جديد بخصوص البعثة

هلابك اخوي

اول شئ مو لازم تروح للملحقية في واشنطن
كل شئ تقدر تسوية اون لاين
روح مباشرة للولاية وسوي سكان لاختام الدخول وجوازك وبطاقة الاحوال واخر الشهادات
وافتح ملف طالب على حسابة الخاص اون لاين وكلها كم يوم ويفتحون لك الملف
ذهابك للملحقية مضيعه مال ووقت وجهد

بالنسبة للجامعه
ادخل على موقع وزارة التعليم العالي
وروح للجامعات الموصى بهى
وادخل اسم الجامعة او اختار الولاية والمدينة
وراح يطلع اسم الجامعه وبعدين روح شوف التخصص موقوف او لا

وهذا رابط الجامعات الموصى بها


الجامعات الموصى بها


توصل بالسلامة ان شاء الله

جزاك الله خير اخوي بس بالنسبة للفلوس استعمل بطاقة سعودية ولا اخذ معي مبلغ يعبرني الين افتح حساب والاتصالات كيف الطريقة

السلام عليكم


بالنسبة للفلوس حاول لاتشيل معاك كاش كثير... وحاول تطلع فيزا من السعودية ومشي امورك الين تفتح حساب امريكي..

الاتصالات على حسب الولاية اللي انت فيها شوف افضل شركة والسعر اللي يناسبك..

بالتوفيق

مشكور اخوي علا المعلومة بس لو معي بطاقة صراف سعودية اقدر استعمله ولا فية مشاكل من ناحية التحويل لاني رحت للبنك وقالي ما عندك مشاكل وبالنسبة للاتصالات اقصد افضل طريقة اقدر اتصل علا السعودية يعني أفضل شركة سعودية من ناحية الاسعار والتغطية ومعليش ياشباب اذا كثرت عليكم ابس وش الاوراق الي اجيبة معي من السعودية غير الجواز و الايتوني لاني دخلت على موقع التعليم العالي بس فية بعض الاشياء المطلوبة ماهي واضحة

ولايهمك يالغالي تحت امرك

بالنسبة للفلوس شيل معك من ٢٠٠٠ الى ٣٠٠٠ دولار
ولما توصل هنا افتح لك حساب في اي بنك انا فتحت حساب في بنك اوف امريكا
طبعا الافضل تاخذ معك بطاقة ماستر كارد مسبقة الدفع وهذي تقدر تاخذها من الراجحي او الاهلي
انا اخذتها وما استخدمتها ابدا لاني ثاني يوم فتحت حساب هنا وعطوني بطاقة واستخدمها

اما بالنسبة لبطاقة الصراف العادية
انا استخدم بطاقة الراجحي والاهلي العادية
اسحب فيها فلوس من هنا وطبعا ياخذون عمولة على كل عملية سحب
طبعا اكثر شئ تقدر تسحبة هو ٨٠٠ دولار للسحبة الواحدة وياخذوها عليه من ٤٠ ريال الى ٦٠ ريال
ماني متاكد كم بالظبط بس اذا فتحت حساب هنا تقدر تخلي احد يحول فلوسك كلها علية وتوفر على نفسك

واي سؤال ثاني يالغالي احنا حاضرين
توصل بالسلامة

نسيت اقولك بالنسبة للاتصالات
لو تطلع شريحة موبايلي مفوترة
بيكون الاستقبال مجانا على شبكة تي موبيل فقط
انتبة اول ماتدخل السعودية حط ظبط الشبكة يدوي واختر تي موبيل


انا مشغل هالشريحة عشان الاهل ويكلموني دايم ومايطلع عليك الا رسوم الباقة الشهرية فقط

مشكور اخوي علا المساعدة بس بقت عندي مشكلة وحدة بس وهي الاوراق المطلوب مني اخذها للملحقية وشلون يعني شيك ملغي

انت مبتعث؟
اذا انت مبتعث الشيك الملغي امرة بسيط
لما تفتح حساب في بنك هنا في امريكا
يعطوك شيك تاخذه وتكتب عليه ملغي بالانقلش
وتسوي له سكان وترسله لهم عشان ياخذون رقم الحساب منه وينزلون لك المكافاه على حسابك

مشكور اخوي بس انا الحين رايح علا حسابي الي فهمتة من كلامك ان الشيك الملغي للي رايح علا حساب الدولة بس اذا ضمتني البعثة وشلون اقدر ارجع فلوس المعهد والجامعة ومعليش اذا كنت كثرت عليك الاسئلة والله يكثر من امثالك وبصراحة انك ماقصرت انا الحين الي اعرفة اني اجيب معي
1 i20
2 الجواز والفيزة واعبي الi94 واسوي لها سكان وارسلة للسفارة علشان افتح ملف