حوار مبتعث أمريكا أكتب رأيك(أيهما أفضل السكن الخاص او مع عائلة ولماذا)؟؟..خاصة (لونق بيتش)

سكنت في مانشستر- بريطانيا مع عائلة لمدة 3 أسابيع، وطلعت شقة لوحدي.
مانشستر معروفة بكثرة السعوديين في كل معاهدها من الخاص للجامعي.

ومع ذلك، تعلمت اللغة وجبت شرط الجامعة، وخلصت ماجستير، وإن شاء الله أطلع أمريكا دكتوراه قريب، لا احتجت لعائلة، ولا ضروني السعوديين.

طيب ماشاء الله تبارك الله عليك تعلمت ومااحتجت عائله ولا غيره..........

طيب ايش هيا افضل الطرق اللي تعلمت اللغه فيها؟؟؟ وماأثروا عليك عرب ....ولا احتجت ابدا انك تسكن مع عائله

كيف سويت البراكتيس وقدرت تاخد الدرجه بسهوله؟؟؟



تسلم عالمرور....والله يوفقك في الدكتوراه قريب ان شاء الله....

المعهد يكفي، حنا نتكلم إنجليزي من الساعة 9 إلى الساعة 3 أو 4، بمعدل 6 أو 7 ساعات، يعني الساعة اللي تتكلمها معي الأسرة ما راح تفرق.
طبعاً بالإضافة لمشاهدة الأفلام، واستماع المفات الصوتية في البيت.

بعض الأسر أصلاً ما يمديها تتكلم معك، كل واحد مشغول بنفسه، وأنت تجين من الدوام الساعة 3 أو 4 وعندك واجبات وودك تريحين، وهم ما شاء الله ينامون بدري، يعني بيخلص اليوم وأنت ما تكلمت معهم، ولو تكلمت تكلمت نصف ساعة، ما راح تفرق معك.

كلام مقنــــــــــع.....ويخلي الواحد يشيل فكرة العائلة ويصرف النظر عنها تماما......طالما اننا ماحنتلقي فيهم كثير




لوووووووووووووول بجد الآراء مختلفه جدا في موضوع العائلة والسكن.........ننتظر ونشوف الباقين..

انا اشوف السكن مع عاىله لمدة ثلاث شهور وبعده تحس نفسك اوكي بالانجلش بعده اسحب عليهم ..

بس السكن مع عاىله حلو انك تغيير جو احسن من انك تجلس في شقه لحالك ..

السكن مع عائلة بالنسبة لي افضل وخاصة اذا حصلتي عائلة جيده

السكن عند عائله
ممكن تروحين معاهم في نهاية الاسبوع اذا كانو بيطلعو للسوق او تمشيه او زيارات او حضور اعياد الميلاد لاصحابهم ........
واذا قالتلك ام العائلة راح نحضر عيد ميلاد صاحبتي وش رايك تجين معايا ... فهم ما يجاملونك عشانك ساكنه عندهم ... فاذا احد قالك تعالي معانا مشوار فهم ما يجاملون
واذا كان المشوار خاص راح يقولون لك عندنا مشوار خاص
انا اشوف انك اذا توفقتي في عائلة كويسه انك تسكني معاهم
بعض العوائل قالبه بيتهم فندق ... تحصلي واحد كوري وواحد ياباني وواحد برازيلي ... يعني ممكن تحصلي في البيت طالبين او طالب غيرك ساكن معاهم ... عاد انتي شوفي كيف راح يناسبك الوضع او لا
وعادي تنقلي عند عائله ثانية
لازم تحترمي نظامهم ... ففي بعضهم يمنعو التدخين حتى بداخل غرفتك وبعضهم يمنعو استضافة اصحابك الا بعد اذنهم ... بالمختصر كانك ساكنه عند خالتك او عمتك او حتى في بيتكم فما تقدري تسوي اي شي الا لمن تستشيري راعي البيت

سكن المجمعات
بعضها وخاصة في نهاية الاسبوع تصير مزعجه في ناس تسوي حفلات واللي رافع الاغاني

ع العموم انتي اكيد راح تجلسي لفتره طويله واكيد راح تجربي اكثر من خيار عندك

انا اشوف مافي عايله كاملة انا مدلع بالاكل والحمام بس العايلة ماتجلس كل شوي طالعين يسبحون وانا ماني راعي سباحة
وخويي عايلته مررره حلوه يجلسون وسوالف ويساعدون بس عنده الاكل موب زين والحمام مشترك والطلعه والجيه صعبه عليه

من تجربة


السكن مع عائلة مفيد في بداية المشوار

بعد كذا راح تحس/ين آن العائلة مالها دور كبير في تعلمك


لذلك انصح بالعائلة في فترة ال7شهور الآولى

طبعاً فيه مواقع كثيرة للعوائل الآمريكية في كل مدن امريكا تقريباً

ابحثي عن الآنسب وتنقلي في العوائل لفترة 6 آو سبعة شهور ثم استقل/ي في شقة خاصة اذا لم يناسبك الوضع


بالتوفيق

تــح ـــياتي

فعلا كلامك صحيح غابت عني النقطة هذي , أنا باقي على سفري 25 يوم وحتى الحين ما أخذت سكن الله المستعان بس