حوار مبتعث أمريكا أكتب رأيك(أيهما أفضل السكن الخاص او مع عائلة ولماذا)؟؟..خاصة (لونق بيتش)

الساعه الثالثه فجرا بتوقيــــــــت امريكا...............ماعليكم ننتظر لين تصجوا وتفيدونا........

انا سكنت مع عائله سيئة مع الاسف ..


اذا تبي الراحه النفسيه + الحريه + الحريه في الاكل و الطبخ + الحريه في استخدام الحمام + الراحه في المذاكره = خذلك سكن

اذا تبي تتعلم لغة بس تكون تحت ضغط من ناحية الاكل و الطبخ يصير معقد شوي = سكن مع عائله

انا عن نفسي ما اقدر اخذ راحتي الا بشقة انام وقت ما انام , ادخن و اعسل وقت ما ابغى , اكل و اذاكر و اطوول فالحمام على راحتي -__-

اما العائلة للاسف احس اني محتكر و فيه عائلات طيبة و تسولف و تخليك جزء من العائلة و فيه عائلات رسميين جدا جدا مالهم علاقة بك

شوفي اللي يريحك -__-

طيب لو العائلة في السلبيات هذي كلها...........مافيها ايجابيات؟؟؟؟؟.......طيب كيف طرق تعلم اللغه والممارسه لو ماكانت مع عائلة وانتوا عارفين ان المعهد كلله صار عرب ........فين نلقى الامريكان نكلمهم؟؟؟

في السوق كلمتين ومايدوك وجه..........فين ؟؟؟ وانتوا عارفين ان البنت ماتقدر تطلع زي الرجال كل وقت ...........؟؟؟؟

بجد محتاره........

للرفــــــــــــــــــــــــــــــــــــــــــــــ ـــــــــــــــــــــــــــــــــــع.............. .

بالنسبة للعائلة مفيده جداً بس على حسب يعني أنتِ وحظك بصراحة أنا جلست فترة مع عائلة لمدة خمس شهور وبصراحه كنت مرتاح ع الاخرر بس بالآونه الاخيره

شفت أن الشعب بدت تكون نظرته ماديه بقوه لاجل كذا طلعت من عندهم وبصراحه اللغه ما تعتمد على العائلة كثر ما تعتمد على المعهد اللي أنتي فيه واللي معاك بالكلاس

يعني الواحد يستفيد من زملائه بالكلاس لان هذا الي بديت استخدمه وقت ما طلعت من العائلة والحمدلله مبسوط على الاخر اهم شي لا احد يستحي اللي يستحي مستحيل يتعلم

بالاخير هي حظوظ اذا حصلتي عائله مجربه انا اول واحد اقول لك روحي وع فكره هم اغلى شوي بس في فايده منهم وخاصه اذا عندهم اطفال



بالتوفيق

مشكوور على مرورك ورأيك اخوي............

كيف تتعلم وتمارس اللغه في المعهد والكلاس كله عرب؟؟؟؟؟؟؟؟

..بس بجد العائله مفيده وياسلاااااااااام لو كانت اطفال اعرف كيف اخليهم في صفي من واقع خبره.........

و العوائل دائما للأسف (شختك بختك )

اولا .. الله يوفقنا وياكم جميعا ..

ثانيا .. العائله توفيق من رب العالمين اذا انت محترمهم ومقدرهم ولا تسبب لهم ازعاج صدقني راح يحطونك فوق روسهم ..

وبالعكس انا ساكن يالله لك الحمد مع عائله انام وقت مانام و اكل وقت ماكل و اطلع واجي واروح وقت مابي ..

وغير كذا اذا بغو يطلعون مكان يتمشون ماينسوني والله ع طول وين خوينا السعووودي جيبووه ..

مافي ويك اند الا واطلع معهم وغير كذا عارفين ان المسلمين ماياكلون الخنزير .. وطبخا حلو وتمام ..

غير كذا الشقه والوحده والسكن فردي يذبح و غير كذا اذا معك شباب بتصير عزبه .. مافيه الراحه الي كانت مع اهلك

ع الاقل مع العائله تحس انك في بيت وكل شئ موجود ..

ثالثا اللغه وهي الاهم .. كثر الاحتكاك فيهم و محاولتك لتوصيل المعلومه لهم راح يفيدك انت .. ينطلق لسانك مع الوقت

الاستماع راح يتحسن من يوم ورى يوم .. الكلمات الجديده الي راح تسمعها كل يوم وتستقبلها بشكل افضل من المدرسه

لان بصراحه لمن تتعلم بموقف صار لك يرسخ ع طول في عقلك ولا تنساه مثل مافي المدرسه ..

تحياتي وان شاء الله افدتك بشئ

طيب أخوي أنا بأسكن مع عائلة بس أخاف من عدة شغلات :

1- أنو يكون السكن بعيد عن المعهد ميترو وباص وميترو .

2- أخاف أروح ألقى معهم سعودين معي بنفس السكن .

3- أخاف من سالفة لما يشفوك ماسك المصحف أو تصلي خمس مرات ( يخافوا منك ) .

4- من سالفة الدش لأني متعود أتروش مرتين باليوم .

5- أخاف يمنعوني من دخول المطبخ وعمل ما أريد .

وش رأيك وكيف أقدر أتفادا كل هذا