تقرير (سبق) مبتعثو أمريكا: مخصصاتنا لا تكفي للسكن ورفعها مطلب أساسي

تعميم للجميع من بناتي وأبنائي اذا لم يحتفظ كل شخص اسلوب الراقي في الردود
والابتعاد عن اسلوب قلة الادب والاحترام سنتضطر للإيقاف عضويات وحذف مواضيع
مبتعث وجد لمن يطرق اساليب الردود بااحترام ومن يخرج عن ذلك
لنا تصرف كاادارة معه

اصلحكم الله وعدل من أمركم للخير

اتمنى يزيدونها .. بس معليش في كلام فاضي في الخبر والا يكبرونه بالغصب ! ايش اللي دائرة الهجرة مانعه ؟ مسموح لك تشتغل يا عمي في الكامبس ! اعرف واحد مشتغل ب 1200 بالشهر وهذا هاف تايم ! لو اخذ فل يصير الدبل 2400! والشغل بسيط وعنده وقت فاضي واجد ويقدر يذاكر وياخذ راحته ! وفي ناس ب 700 في ولايات اخرى وغيرها !
واللي يقارن نفسه بدخل الامريكي ! فاهم المكافئة غلط اخوي ! اسمها مكافئة وليس راتب ! انت ما جالس تشتغل ! جالس تدرس ! لو انك بسعود كان جاك 900 ريال وخلاص !
الواحد يقول الحمدالله على النعمه ! وترا لما الواحد يقول الحمدالله مو معناتها يقول ما نبغاها تزيد ولا انه اناني مدري وشو الكلام الفاضي هذا ! يحمد ربه على النعمه ! سواء كفتك ولا لا قول الحمدالله انها كفت سكنك !
واما سالفة اغلب الجامعات مغلقة ! ذي بعد مدري وش تبي بالحياة طالع من السعودية عشان تطلع لجامعه مستواها اعلى ! مو لجامعه ترتيبها في امريكا 280 وتقول والله مغلقة !
وخاصة العزاب يقدرون يشاركون السكن بدون مشاكل ! يجي واحد يقول ما ارتاح مدري وشو ! تحمل ! تبغى راتبك يكفيك تعرف وش تسوي ! او انقل لمدينة ثانية وش اللي حادك على الغلاء والتعب ؟ !
الله يعين

أتفق معاك أخي الكريم 100 % وهذا كلامي من أول يوم طرحت الفكرة وقلت لهم الكلام مايفيد لابد من عمل أحصائيات و النشر في الصحف سوف يعقد المشكلة وسوف تكون عواقبها عكسية على المبتعث وتفتح عيون الناس على أشياء آخرى
هناك خلل واضح بين المبتعثين في أمريكا وبين الملحقية حيث يلجأ جميعهم إلى وسائل الأعلام وكلاً يحاول يرسل رسالته عبر وسائل الأعلام ولا يوجد دور للملحقية في احتواء مشاكلها عبر البيت الواحد داخل الملحقية وتناقشها مع الطلاب وتسمع منهم وتأخذ وتعطي معهم من خلال حلقات نقاش وحوار صريح بين المسؤول وبين الطالب .....

وحتى موضوع المقارنة بدخل الفرد في أمريكا الرقم المعلن عنه عبر الصحف هو متوسط دخل العائلة أى " أربع افراد " ...
أما متوسط دخل الفرد في أمريكا فهو في حدود 21000 الف دولار أي بمعدل 1750 دولار والطالب السعودي يتقاضي أعلى من متوسط دخل الفرد في أمريكا ...
والعائلة تتقاضى أكثر بكثير من دخل العائلة الأمريكية المكونة من 4 أفراد .

وحتى المقارنة مع دول الخليج لوأخدنا المقارنة بالمنظور الكامل للنظام أي نظام الأبتعاث هناك والأبتعاث لدينا لوجدنا أن المبتعث السعودي أفضل منهم بكثير من المرات .

وللآسف الشديد أن كان الهدف من " الحملة " قد أتضح الآن وهو مجرد عمل قروبات مابين الطلاب والطالبات على صفحات الفيس بوك وتوتير بحجة معالجة مشاكل المبتعثين ..... هههه

والموضوع طويل أحاول أجمع أطرافه من هنا وهناك .... نعم هناك فئة قد تكون محتاجة إلى نوع من الدعم ...
ولكن للآسف تستغل هذه الفئة لتحقيق مصالح وتكبير اللقم عند البعض من أصحاب العوائل الغير متواجدين بعض أفرادها أو المبتعثات المتواجدات بدون محارم

وما علينا إنتظار الدراسة التى سوف تقوم بها الملحقية .... وأتمنى أن تضع هذه الأمور في أعتبارها .

تحياتي ,,,

سلام عليكم ايها الناس

اول حاجه الواحد دايم يقول الحمدلله على كل شي
ثاني حاجه الواحد مايصير مثل اللي ينقاله خذ خير يقول ماتاسعه مخباتي
ياخي الناس ظروفها مو مثل بعض انت مو محتاج غيرك محتاج يوم قالو انو فيه زياده 500 لطفل كلن فرح سوا عزابي ولا مو عزابي
تعاونو مع بعض تكملون بعض
انا كنت في كندا وكان يجيني 2693 دولار تقريبا مع العلم في فتره من الفترات ومدري هل الى الحين ولالا ان الدولار الكندي اغلى من الامريكي !!!!! كيف تكون امريكا وكندا من فئه وحده ..؟؟
وقبل كم يوم استلمت قرار انتقال من دوله من كندا الى امريكا فكيف راح اعيش يعني انا ممكن واحد من اللي بيعانون اول فتره وطبعا اكيد فيه غيري كثير يعانون اكثر مني
اتمنى من جميع المبتعثين التكاتف مع بعض

بالنسبه للاخ عيون الفيروز اذا ماخانتني الذاكره انك كنت من مبتعثين كندا عموما اذا انت من مبتعثين كندا اول ياليت تفيدني باول ايام امريكا عسى ان نستفيد منك ومن جميع الناس

وشكرا لكم

(والله يايدي تحكني ودي اتفلت على اللي يقولون ماتكفي انا وانا مابعد جيت من كلام الناس ويوم حسبتها وعلى السكن اللي باخذه في مدينتي قلت ياويل حالي وش بسوي هناك عموما الله يعين وان شاء الله يزيدونا اوما لو يزيدونا 50% يعني مكافئه 2770 دولار يعني تكفي ان شاء الله ادعو ادعو عليكم باكثثرا الدعااء ياشباب وياصبايا والله يستجيب لنا وولكم ويوفقنا جميعا ان شاء الله )

والله انك صااادق يابعد حيي
وتفلللت لا يردك الكيبورد ياشنب

الله يكون في عونا وتزيد في مكافئاتنا

أبشرك صرنا نوفر في أمريكا أكثر من كندا .... تعال وحط في بطنك بطيخ صيفي .... بس الشعب هنا مدلع زيادة مره مو حبتين زي ربعنا الآولين
تحياتي ,,,

انا لسى ماطلعت ولله الحمددد

ابي اسأل هل المكافأه تكفي في ولاية اوريقون مدينة بورتلاند تحديدا

علما لدي طفلين بمرحلة الحضانه<<<<جاوبوني يا أهل الخبره ,,ما ابي اوهق عيالي واتعبهم وارجع لا لغه ولا ماسترر

اتمنى تنصحوني وتجاوبوني من قلبكم

بعد احترامي للجميع وكل شخص عنده ظروف .. لو تكلمت عن المكافأة يمكن ازعل اخواني واخواتي في المنتدى وانا ماودي ازعل احد
لكن خلونا نكون واقعين الشي الوحيد اللي نشوفه مايكفي دايما هو الفلوس يعني اتوقع لو ترفع الدولة المكافأة الى ٥٠٠٠ بنفرح شوي وبعدها نطلب الزيادة ونقول ماتكفي
لكن الشهادة لله اللي مظلوم هو الشخص اللي عنده اطفال ما اقول الا الله يعينه لأنه بجد يعاني كثييييير

لا نملك سوى الدعااء


الله المستعاان