نشاطات غير آمنه على حسابك البنكي ...انسحب مني مبلغ دون علمي أيش الحل؟؟؟؟

اختي يمكن فيه احد يشتري من حسابك اون لاين .
يعني مجرد ما ياخذ رقم البطاقة والثلاث ارقام اللى ورى البطاقة وتاريخ انتهاء البطاقة يقدر يشتري اون لاين من اي موقع مثل امازون والبطاقة معاك...
نصيحتي لك : اذا عندك حساب اون لاين ادخلي وشيكي وشوفي اخر عملية تمت , واذا ما عندك حساب اون لاين روحي للبنك او دقي عليه واطلبي statement كشف حساب
حتى تشوفي سبب صرف 20 دولار...

كلمهم يوقفون البطاقه ويعطونك وحده ثانيه.... واسآلهم عن المصدر الي سحب المبلغ عليك عشان يتاكدون منهم ويكلمونهم ويرجعون لك المبلغ

انا صارت معي نفس المشكله وحليتها بنفس الطريقه هذي

upppppppppppppppppppppppppppppppppppppppppppp

المشكله ان بطاقتي ماقد حطت بيد احد ولو حاسب بها البايع قدام عيني يمررها بالجهاز ويرجعها..الله يعين

السلام عليكم
اختي صارت معايا كل اللي عليك تشيكين اول باول حسابك واي عملية مشبوهة كلمي البنك يلغيها
الشي الثاني السبب معاايا ان في بطاقة ثانية ع حسابي وانا مادري والبنك لغاها طبعا ما ندري من اللي سوا البطاقة
تغيير البطاقة مو حل انا غيرتها واستمر الوضع والعمليات كانت بمبالغ كبيرة ولمدة اشهر وكل ما البنك يرجع المبلغ ينسحب مبلغ ثاني ...
.
.
بالتوفيق

السلام عليكم

في ظهر البطاقة رقم مجاني للبطاقة اتصل وارفع بلاغ عن عملية غير مصرح بها. والبنك راح يكشف العمليات كلها ويتحقق من هذا الامر. اذا كانت سرقة. راح يوقف البطاقة ويرسل لك بطاقة برقم جديد.

سارع بالاتصال على البنك مباشرة بعد الشك في عملية سحب او شراء.

بالتوفيق

جزاكم الله الف خير. كلمت البنك وقالو بيلغون البطاقه...كم مره قد لغو البطاقه وكان اروح برجلي. الان ولايتي هذي. البنك يبعد نص ساعه الله يعين... علي هذا الشغل...

احتمال كبير ان المشكلة منك!
١- كمبيوترك غير محمي ويحتوي على فيروسات تسرق معلوماتك ومعلومات البنك.
٢- الشراء عن طريق موقع الكتروني غير آمن او موثوق.
٣- الشراء من محلات تجارية او مطاعم يسرقون معلومات بطاقتك.

لابد من الإنتباه لهذه الأمور الثلاثة.

هلا أخوي ..

انا صارت لي نفس المشكلة الاسبوع اللي راح .. شيكت على حسابي اونلاين لقيت انسحب منه ٩٠٠ دولار .. والمبلغ انسحب قبل لا اشيك بنص ساعة .. المهم كلمت البنك والغا

البطاقة حقتي وقلت لهم انهم يكنسلو العملية بس قالو لي ان الفلوس انسحبت خلاص .. بس من اليوم الثاني نطيت عندهم البنك وكلمتهم وقالولي ان هذي مو مسؤوليتك وان الفلوس

راح ترجع لي اول ما يطلع تاريخ العملية .. وفعلا بعد ثلاثة ايام رجع المبلغ لحسابي وانا الحين جالس بالبطاقة المؤقته انتظر البطاقة الجديدة يرسلوها ع البيت ..

اللي فاقع مرارتي أن اللي سحب الفلوس .. اشترا من ابل ستور اونلاين وفـ كاليفورنيا بعد وانا في نيويورك ..عيد على حسابي في الفالانتاين دي !!