وش الحل يامسلمين مع الملحقيه!؟

الله يجزاكم خير والاخت الفاضله اللي تقول اجل الدراسه قبل السفر..

انا لو بطلع من امريكا مارح ارجع لان كيف راح يعملون لي تاجيل دراسه وهم ماستلموا حتى ضمان مالي لسمستر هذه !! والسمستر عندي 4 اشهر
والان بكمل الشهرين بعد 10 ايام فلو قررت اطلع من امريكا راح يكون هروب مارح اخبر حتى المعهد

الله يجزاك خير
والله العظيم كل الابواب طرقتها ماخليت ايميل ولا تلفون الا اتصلت عليه الايميلات من العيسى الى اوسخ موظف عندهم حتى اللي ماعنده شغل ارسلته
المشكله تعسف مايبون يمشون اموري وكل شوي يطلعون لي بمشكله مع اني اعطيهم المتطلبات كامله حسب مايبون مع ذلك ماتنحل مشكلتي

كل اللي طالبينه اول قرار ابتعاث استلمته لمن كنت مبتعث في نيوزلندا وقرار ابتعاث النقل من نيوزلندا الى امريكا وقبول الجامعي

والله كله المذكورين بالاعلى ارفقتهم والى الان لم اجد اي حل

الله يكون بعونك اخوي الغالي .. مقدر موقفك ووضعك الصعب .. والله يصبر اهلك ..


اعجبني في الموضوع روح التعاون الموجوده عندنا حنا المبتعثين .. الكل يعطيك معلومات بالشيء اللي هو يعرفه .. اتمنى الاستمرار على هذه الروح

شوف بعطيك طريقه وسوها وان شاء الله تظبط

افتح البوابه الالكترونيه
وروح دليل الموضفين
وامسك الارقام واحد واحد دق عليهم
لييييين يردون والي يرد عليك انشب لاهله
في واحد بالقسم المالي سبيعي اخر اسم ترد السكرتيره عليك وحبوبه هي كلمها وشوف
وان شاء الله يصير خير
طبعا قبل لا تكلمهم سو طلب

الله لايوفقهم ويبتليهم في راحتهم ويسرق الراحه من قلوبهم والنوم من عيونهم

لا تخرج هروبا من أمريكا ولا تحاول أن تدفع للمعهد، وآخر الطب الكي. خل المعهد يرفع عليك قضية في المحكمة، ولا تدفع من فلوسك حتى لوكان معك. أنت معك ضمان مالي سابق والملحق متكفل بالتكاليف ولك الحق في تمديد بعثتك وغرروا بك وما طلوا بك بحجة البوابة والأوراق اللي عندهم منها مئات النسخ. ثم ارفع طلب للملحقية أو السفارة أنهم يحددون لك محامي يدافع عنك (عندهم مكاتب محاماة ياخذون فلوس من الملحق بشغل أو بدون شغل)، واشرح وضعك بالمحكمة إن الملحقية غررت بك وغررت بالمعهد لاسباب تجهلها. وخل محامي الملحقية يدافع عنك.

الله يجزاك خير ياغالي ... والله مافي الا كذا اقلب عليهم لان والله اني مظلوم ومن حقي اني اخذ السته الاشهر الثانيه
وهذه ليس بكلامي فقط هذه كلام مسؤولة الاقليم كامل دكتورة فاطمة السليم انت باقي لك 6 اشهر من الغه والبعثه مانتهت وفيه مشكله تاريخ البعثه
والاعظم الان كل ردودهم ينتظرون قرار ابتعاثي وملفي من الوزارة!! والوزارة تقول ماعندها ملفي ولا قرار ابتعاثي الاولي في نيوزلندا!!

الله يعين بس

الله يعينك ويسهلها عليك
ماتضيق الا تفرج
اخوي روح لهم احسن
كم قيمة التذكرة اذا تقدر عليها ولا كل هالايام
الله يسهلها عليك

الله يعينك وييسر لك أمورك

فووض أمرك لله من قلبك

وعليك بالدعااااء بكل وقت وبصلاواتك وإنت ساجد ولا تنسى قيام الليل

وأكثر من الإستغفاااار

إن نستك الملحقية أو الوزارة لك رب ما ينساك

في أمان الله