مبتعث جديد New Member
الولايات المتحدة الأمريكية
M.S.K , أنثى. مبتعث جديد New Member. من السعودية
, مبتعث فى الولايات المتحدة الأمريكية
, تخصصى Architect
, بجامعة Graduated
- Graduated
- Architect
- أنثى
- لايوجد, لايوجد
- السعودية
- Oct 2007
المزيدl February 27th, 2012, 08:02 PM
February 27th, 2012, 08:02 PM
السلام عليكم,,
اخواني بشرحلكم مشكلتي باختصار واتمنى القى حل ...
انا اجرت سياره من Avis يوم 28 يناير لمدة يوم واحد وكان يوافق يوم سبت ولما جيت برجعها الاحد سبحان الله صار علي حادث..طبعا الحادث قبل موعد التسليم..الحمدلله محد اصابه شي بس السياره انعدمت واجهتها..كلمتهم قالولي كلمي الرود سيرفس..الشرطي قالي ماتسوقينها بهالحال وجاب لي سطحه بس افيس قالولي ماتستخدمينها وانتظري حقتنا تجي قلت طيب.. والجي بي اس وش اسوي فيه؟؟ لن سكر فرعهم اللي اجرت منه كان يوم احد ويسكر بدري قالو عطيه سواق السطحه ... قالولي تبين سياره ثانيه قلت لهم لا بيتي قريب مايحتاج ..رجعت البيت وبعد ساعه دق علي السواق وقالي انا تحت نزلت له ودليته على مكان الحادث وعطيته الاكسدنت فورم والجي بي اس. كلمتهم يوم 1 فبراير اقولهم وش صار قالو انتظري بيجيك اتصال منا قلت ياعالم انا نازله السعوديه قالو عطينا رقمك السعودي.. بس اكدو لي انهم استلمو السياره وانها موجوده بقراجهم اللي بفرع المطار لن عادة السيارات المصدومه ياخذونها هناك... شيكت حسابي من يومين الا هم ساحبين فوق ال 800 دولا لما كلمتهم وقلت لهم اني دافعه تامين شامل قالو انتي مارجعتي السياره الا 2 فبراير يعني مااجرتيها يوم اجرتيها 6 ايام... وفوق هذا متهميني اني سارقه الجي بي اس حسبي الله عليهم ومغرميني 250 قيمة جي بي اسهم التعبان اللي مايسوى حتى خمسين دولار.. اقولهم انتو قلتولي عطيه السواق واكيد المكالمات كلها مسجله قالو لا ممنوع المفروض مرجعته الفرع,,طيب الفرع كان مسكر!!!! المشكله اسلوبهم كان حقير معي لدرجة انهم يقولون فيه كاميرات بالقراج مسجله انه السياره استلمناها 2 فبراير!!! طيب كيف ونا مكلمتكم 1 فبراير وانتو قايلين مستلمينها واستني منا اتصال!!ماخذت منهم لاحق ولا باطل وسرقو فلوسي عيني عينك..كلمت البنك حاولت يلغون العمليه ماوافقو قالو المبلغ انسحب ومانقدر نسوي شي... ياجماعه ابيكم تفهمون ان الفلوس ماهمتني والحمدلله اللي محد تعور بس الغبنه انهم مسوين ديرة العدل والحقوق وهم ناهبيني عيني عينك.. انا دافعه تامين شامل عشان ماخش بحوسة معهم باي حال لاقدر الله الحين دخلت بدوامه كبيره ومره منقهره اني بالسعوديه يعني يدي مربطه... وماراح ارجع الا اذا الله كتب بعد 6 شهور... اخوي هناك بس ماعلمته عن الحادث عشان مايتروع ظنا مني اني حليت الامور.. والحين مره متفشله اعلمه بيقول ليه خبيتي علي... تكفون يااخوان علموني لو كنتو مكاني وش بتسوون..
الحمدلله على السلامة ,,
الي اعرفه اخي الكريم انه في حالة حصول حادث لاقدر الله ياخذون التأمين بس ..
على سبيل المثال ( قيمة ايجار السيارة لليوم الوحد مثلأ 100 دولار ) يدفع العميل 250 دولار قبل استلام السيارة
في حالة ان السيارة جاها شي مايرجعون 150 تبع التأمين
هذا الي اعرفه صرأحة لكن انا ملاحظ انهم مايمشون على الكلام الي يقولونه ..
كلاكيت February 27th, 2012, 08:42 PM
7 " انا اقول الحمد لله شي اهون من شي , زين ماطلعو لك بسالفة وقالوا لك على سبيل المثال نوع الحادث اللي سويتيه مايشمله التأمين وغرموك قيمة السيارة كاملة
صح ان الواحد مايحب ينظلم لكن اذا تبين تتابعين الامر وكلي اخوك يشوف محامي وتابعوا معه
luv10 February 28th, 2012, 07:55 AM
7 " الحمد لله على السلامه في الحديد ولاالعبيد زي مقال لك الإجار عادة يتظمن التأمين فروقي
هوى المحبه February 28th, 2012, 08:08 AM
7 " اولا حمدالله على السلامه
ثانيا اذا رجعتي بالسلامه راجعيه واخذي منهم رقم التامين الي امن لك و اتصلي عليهم بس احتفظي بورقة الايجار حق السيارة وان شاء الله الامور تنحل
بخيت الرشيدي February 28th, 2012, 08:29 AM
7 " وعليكم السلام
الحمد لله على سلامتك أولاً وأخيراً.
دعينا نفكر في أشياء تضمن استرجاع مبلغ. حاول توفير إحدى الخطوات التالية لأنها أدلة في صالحك:
١- ورقة التأمين الموجود فيها تاريخ الاستئجار والتسليم.
٢- وجود شهود على استلام السيارة من جهة الشركة. يعني إذا العسكري موجود وشاف استلام موظف الشركة للسيارة يكون دليل قوي.
٣- تسجيل للمكالمات السابقة مع حفظ تاريخ ووقت المكالمة.
كاميرات الشركة شيء خاص فيهم ، وليس لك علاقة بالموضوع. لأن وصول السيارة إلى الكراج من مسؤولية صاحب السطحة اللي استلم السيارة وليس مسؤوليتك.
٤- اعمل توكيل لمحامي بمبلغ ٤٠٠ دولار أو حاول التعرف على أمريكي يتصل عليهم ويتفاهم معاهم ، لأنهم يعرفوا إن الأجانب ضعيفين في فهم القانون.
أخيراً: هذا نموذج من أخلاق بعض الأمريكان!!!
رصيف الشمس February 28th, 2012, 09:37 AM
7 " الله يسهلك اختي
والله كان نفسي افيدك
لكن لا املك سوى الدعاااء
ابن مكه February 28th, 2012, 09:41 AM
7 " عندك خيارين :
الاول تشترين راحة مخك ، ودام الحمدلله مافيك شي واللي سحبوه مو مبلغ ضخم ، كلمي بس البنك وخليهم يغيرون لك الرقم الطويل
اللي على البطاقه ( من دون تغيير رقم الحساب ) عشان تضمنين انهم مايسحبون مره ثانيه لاهم ولا غيرهم ..
واسحبي عليهم ، والموعد عند رب العالمين للنصابين هذولا
الخيار الثاني /
اذا فيك حيل وتبي ترجعين حقك ، تحتفظين بكل الاوراق حقت الحادث والتأمين وغيرها .. وتنتظرين لين ترجعين وتراجعينهم وتنفضين اهلهم
او تكلمين اخوك يروح عنك وينفضهم لك ..
ونصيحه للجميع /
دايما اذا حسيت انه انلعب عليك هددهم انك بتكلم محامي او بتروح تشتكي تراهم يخافوووون
انا صارت لي سالفه مع ادارة مجمع سكني ، جيت بستأجر ووروني شقه نظيفه مافي أحسن منها .. ولما وقعت العقد تفاجأت انهم محوليني لشقه ثانيه
كلمة زباله شوي فيها ، وباين انها مهجووووره من وقت طويل وفيها حشرات ميته بالصاله وجوا الثلاجه واعوذ بالله مكان ماينجلس فيه مو عاد ينسكن!
رحت لهم ، قلت مو هذي اللي اتفقنا عليها صارو يكلموني بقلة أدب وقالوا لي انت موقع عقد!
انا كنت مصور فيديو للحشرات اللي بالشقه وجوا الثلاجه ، جيت قلت للمديره انا معي فيديو واطلع الجوال اوريها وبروح اشتكي للـ health department
واطلع منهم ... ماكملت ساعه الا داقين علي وقالوا بنرجع لك كل فلوسك اللي دفعتها وعطنا بريدك .. واسبوع وفلوسي بشيك على البريد
ابوفهد2000 February 28th, 2012, 09:54 AM
7 " غالبا الجامعات فيها محامي للطلاب ...
ممكن تسألي اذا جامعتك فيها محامي ولا لا...
والله ييسر امورك و يحفظنا و اياك من كل شر ..
abdu3abd February 28th, 2012, 10:06 PM
7 " 
LinkBack URL
About LinkBacks
February 27th, 2012, 08:02 PM
السلام عليكم,,اخواني بشرحلكم مشكلتي باختصار واتمنى القى حل ...
انا اجرت سياره من Avis يوم 28 يناير لمدة يوم واحد وكان يوافق يوم سبت ولما جيت برجعها الاحد سبحان الله صار علي حادث..طبعا الحادث قبل موعد التسليم..الحمدلله محد اصابه شي بس السياره انعدمت واجهتها..كلمتهم قالولي كلمي الرود سيرفس..الشرطي قالي ماتسوقينها بهالحال وجاب لي سطحه بس افيس قالولي ماتستخدمينها وانتظري حقتنا تجي قلت طيب.. والجي بي اس وش اسوي فيه؟؟ لن سكر فرعهم اللي اجرت منه كان يوم احد ويسكر بدري قالو عطيه سواق السطحه ... قالولي تبين سياره ثانيه قلت لهم لا بيتي قريب مايحتاج ..رجعت البيت وبعد ساعه دق علي السواق وقالي انا تحت نزلت له ودليته على مكان الحادث وعطيته الاكسدنت فورم والجي بي اس. كلمتهم يوم 1 فبراير اقولهم وش صار قالو انتظري بيجيك اتصال منا قلت ياعالم انا نازله السعوديه قالو عطينا رقمك السعودي.. بس اكدو لي انهم استلمو السياره وانها موجوده بقراجهم اللي بفرع المطار لن عادة السيارات المصدومه ياخذونها هناك... شيكت حسابي من يومين الا هم ساحبين فوق ال 800 دولا لما كلمتهم وقلت لهم اني دافعه تامين شامل قالو انتي مارجعتي السياره الا 2 فبراير يعني مااجرتيها يوم اجرتيها 6 ايام... وفوق هذا متهميني اني سارقه الجي بي اس حسبي الله عليهم ومغرميني 250 قيمة جي بي اسهم التعبان اللي مايسوى حتى خمسين دولار.. اقولهم انتو قلتولي عطيه السواق واكيد المكالمات كلها مسجله قالو لا ممنوع المفروض مرجعته الفرع,,طيب الفرع كان مسكر!!!! المشكله اسلوبهم كان حقير معي لدرجة انهم يقولون فيه كاميرات بالقراج مسجله انه السياره استلمناها 2 فبراير!!! طيب كيف ونا مكلمتكم 1 فبراير وانتو قايلين مستلمينها واستني منا اتصال!!ماخذت منهم لاحق ولا باطل وسرقو فلوسي عيني عينك..كلمت البنك حاولت يلغون العمليه ماوافقو قالو المبلغ انسحب ومانقدر نسوي شي... ياجماعه ابيكم تفهمون ان الفلوس ماهمتني والحمدلله اللي محد تعور بس الغبنه انهم مسوين ديرة العدل والحقوق وهم ناهبيني عيني عينك.. انا دافعه تامين شامل عشان ماخش بحوسة معهم باي حال لاقدر الله الحين دخلت بدوامه كبيره ومره منقهره اني بالسعوديه يعني يدي مربطه... وماراح ارجع الا اذا الله كتب بعد 6 شهور... اخوي هناك بس ماعلمته عن الحادث عشان مايتروع ظنا مني اني حليت الامور.. والحين مره متفشله اعلمه بيقول ليه خبيتي علي... تكفون يااخوان علموني لو كنتو مكاني وش بتسوون..