تكفون.الي سافرو قريب.هل فيه تفتيش للاب توب

عليكم السلام و الرحمة

بالنسبة للابتوب لا ابد ما يفتشون و لا شي، بس انك تمرر الابتوب في الجهاز بلحاله و بس.. هنا في امريكا كل الافياش بالنظام الامريكي المعروف عندنا بالسعودية اللي مخرجين بس نحاف ماهو 3..

موفق

حافظك الله اخوي ،، وتوصل بالسلامة إن شاءالله ،، صراحة ماكان معنا لابتوب فقط أجهزة آي فون ومافتشوا أيييي شي بس سألونا وش معكم أكل .
وبالنسبة للتوصيلة فعلا مهمه لاتنساااها .

مافتشوا لي اي شيء بس انة مرروا جهازي الاب توب على جهاز واضح انهم يتابعوة لان شفت لما مر اللابتوب حقي قامت تظهر لهم صور بالشاشة اللي قدامهم بس مادري هل من خلال الصور اللي تظهر لهم يعرفوا هل البرامج اصلية اولا

مشكور اخويm.o.h.a.d
يعني اتطمن انهم ماراح يفتشون جهازي عشان البرامج الي مو اصلية؟؟؟؟؟

وعليكم السلام ورحمة الله وبركاتــه


مثل ما أفادوك الأخوان والأخت الكريمـة ،

لكن على حد علمي لما سألت واحد من المقيمين وشغال في محل صيانة ،

قلي أهم شي ان الوندوز والأوفيس عندك يكون أصلي ، أما باقي البرامج ماتهم إذا كانت مكركة أو عن طريق الباتش ! ،

اللي فهمته من كلام الراجل بإنهم يمررون اللابتوب على جهاز مثل ماذكر الأخ الكريم ،
وعلى حد كلامه ذكر بإنه في الجهاز بيظهر إذا كانت نسخة الوندوز والأوفيس أصلية والا لأ !؟؟

أفضل بإنك تقطع الشك باليقين وتشتريلك نسخة وندوز ، لك وللزمن ! :d ،

والله يوفقك وتوصل بالسلامـــة ان شاءالله

أنا يوم جيت بسافر وجدت انه غالي اني اروح اشتري برامج أصلية وزحمة، فقلت مدام ان الويندوز جاي مع الجهاز يعني انه أصلي، رحت لمحل الكمبيوتر وقلت طلع لي نسخة باك أب للويندوز الأصلي من الجهاز وحطها في سديات (السي دي الأصلي حق الويندوز الي جاي مع الجهاز ضايع) عشان كل ما أفرمت الجهاز أنزل الويندوز الأصلي، وقلت له أبغاك تفرمت الجهاز كلياً وتنزل الويندوز الأصلي وماتنزل أي برنامج آخر على الإطلاق، فقط البرامج المجانية الي تجي مع الويندوز، البرامج المنسوخة ما أبغاها، يعني مهمتك تنزل لي فقط ويندوز أصلي بدون أي إضافة، يعني بس ويندوز ومسن وانترنت اكسبلور وويندوز ميديا بلير الافتراضي وميكروسوفت بعد مجاني لمدة شهرين وكذلك برنامج حماية مجاني لشهرين فقط ..(وطبعا طلبت منه برنامج حماية أصلي، شريته لأنه ضروري عاد وقوي بدال المجاني لمدة شهرين)

يعني الي سواه صاحب المحل انه فقط نزل ويندوز ونزل برنامج حماية أصلي، المايكروسوفت والحماية تجي مجانية لمدة شهرين فقط مع النسخة الأصلية وويندوز ميديا بلير وانترنت اكسبلور هذي مع النسخة الأصلية تجي

أتمنى وصلتك الفكرة، يعني جهازك ممكن لو توديه يشوف الويندوز الي عليه ممكن يطلع أصلي ويعمل لك نسخه أصلية ويحطها لك في سيديات،،،

حركة أخرى، ممكن لو كان جهازك مش أصلي تدور واحد من العايله عنده لابتوب جديد ممكن تلقى فيه بآك أب نسخة أصلية :P

بخصوص التفتيش، قبل كم يوم فتشوا شناطي مرتين في مطارين في أمريكا،، يعني احذر من الآن،، بس مرروا جهازي على جهاز الكشف لأجل فحصه من الممنوعات والتأكد من ان الجهاز مجرد لاب توب لا أكثر (طبعا الجهاز مغلق يمررونه تحت جهاز كشف، ما اتوقع يقدرون يشوفون هل الويندوز أصلي أو لا والجهاز مغلق! إلا اذا كانوا سبقوا التفكير المنطقي عاد خخخخ)

حتى لو مالقيت نسخة الويندوز حقك أصلي اشتر وحدة وريح عمرك، لأنك راح تروح وتجي على أمريكا مستقبلاً وماتضمن كل مرة يمشون جهازك من غير تفتيش..

المهم الله يسهل دربك وانا اخوك وتوصل بالسلامة

اني مابعد سافرت
بس نصيحة يا اخويي
خذ كل شي اصلي ماتضمن ويش يصير

مثل ما قالوا الأخوان ما يفتشون الأجهزه وهم يعتبرون هذا من خصوصياتك

لكن أنت ما تدري وش يصير وش يستجد من معلومات وقتها لأنهم مره يشدون ومره يرخون وقد يستقعد لك أحد الموظفين على هذا الشيء

فنصيحتي لك ولجميع الأخوان بأخذ الحذر ولا تكن عبرة لغيرك

أحد الأخوان صادروا الهاردسك الخارجي وكان مليان أفلام وهذه تعتبر جريمه


لو رفعوا عليه قضيه صدقني بيروح فيها بس الله ستر وأكتفوا بمصادرتها

وتوصل بالسلامه إن شاء الله

حطه بالعفش و انتهى