مرافق ومتورط مع طلب قرار الاجازة الأستثنائيه وأحتاج المساعده

Welcome to US man
هلا بيك في ارض المشاكل للمرافقين من غير حلول
مشكلتك نفس مشكلتي تقريباً
زوجتي مبتعثه وانا مرافق وفيزا f1 لما جيت وخلصت كل الاجراءات لزوجتي ونزل لها مكافأه وحتي حق الولد وصدر لها ضمان مالي ووضعها في السليم
اللي يقولك انه مابيصروفوا لها شي اسمح لي فهو غلطان
النظام انها تجي بمحرم وانت محرمها ، فهي امورها في السليم
نجي للنقطه الاهم الا وهي انا قبل ما اجي امريكا كنت طالع اجازه من غير راتب لمده ثلاث سنوات
اموري كلها في السليم ولما رسلت فتح ملف مرافق قالوا لي لازم تتصدق من الغرفه التجاريه.
يعني حبيبي اجازتك لازم تتصدق من الغرفه.
مادري بس انا اللي طلبوا مني ولا وش الموضوع؟
سددت شهرين من عندي وللحين الشركه مو جايه تخلص الورقه
والملحقيه خبر خير مارضوا الا تتصدق من الغرفه التجاريه.
بالله عليك مو ظلم هذا؟
ومن الغباء الزايد طبعاً مو كاتبين هذا الشي في موقع الملحقيه
بس كاتبين انه اجازه استثنائيه او استقاله.
الاجازه الاستثنائيه وعرفنا الفخ وانه لازم تتختم من الغرفه التجاريه
طيب الاستقاله كيف؟؟

هكذا هي العاده !!!!!!!!!!
المعلومات مبهمه ولاتدري وش يبون
كل واحد يحط قانون من جيبه
والمبتعثين هم اللي ضايعين

يا اخوان
انا بالسعودية الان وعندي نفس الموضوع مع ادارة الموارد البشرية بالرياض وهي (لازم تستنفذ رصيدك من الاجازة الاعتيادية قبل الموافقة على اجازة المرافقة الدارسية الاستثنائية )
واشوف الاخ مودرن عندة معلومة عن عدم صحة هذه القاعده فأقولة تكفى الحقني بمصدر عدم اشتراط استنفاد الاجازات الاعتيادية علشان احطها بعيونهم وعلى فكرة هل هذه القاعدة تنطبق على نظام العمل والعمال السعودي

ياقلبي انا ما جبت الضمان المالي اللمعهد الا بعد شهرين تقدر تخلي زوجتك تكلم المشرف حقها ويكلم المعهد يتظرووا الين ما يعطونك الضمان .... ولى جيب للملحقه خطاب من العمل ان اجازتك ماتصدر الا بعد 45 وتقدر تكمل اجرائتك

اخوي ما راح يصرفو لك حتى تنتهي اجازتك الاعتيادية انا نفس طريقتك ماخذ 40 يوم اعتيادي وبعدها استثنائي
لانو راتبك ينزل هنا في وظيفتك عشان كذا مايصرفو لك وبالنسبة للضمان المالي المفروض ماله علاقة بالموضوع
بس زي ما قالو الشباب حاول تكلم المعهد تقلهم انو الضمان المالي ماقدر احصل عليه الا بعد شهرين
الله يوفقكـ ...

اخ جمازي
ابشر بعزك ماطلبت شي

بس انا كلامي ترى خاص بالوضائف الحكوميه

اما وضائف القطاع الخاص مادري والله وش أنظمتهم

اذا انت تبع وضيفه حكوميه تتبع ديوان الخدمه المدنيه قولي وانا اعلمك بكل

حاجه لأني سبق وعانيت من بلاهة بعض الموظفين

بعدم فهمهم للانظمه

اعتذر من صاحب الموضوع لكن ما باليد حيله
ما صدقنا على الله نلاقي احد يتفاعل مع استفساراتنا
الاخ مودرن اشكر لك اهتمامك لكن اخوك في الله موظف شركة مع انها شركة حكومية
ايش رايكم اني ادفع للمعهد الين ربعنا يصدرو الضمان المالي سؤالي هو ؟؟؟؟؟ هل يعوضوني اللي دفعته وكم المعهد بيطلب لاني اشوفه بالاترام والترم ٤ اشهر هل يوافق اني اعطية مثلا. شهرين لين يصدر الضمال لمالي والمهد حاطين على موقعهم السعر بالترم
ايش رايكم افتوني في امريً*

نفس الشي صار معانا
ياليت تقولولنا كيف تصرفتوا

السلام عليكم
يا اخوي انا موظف حكومي وماخذ ايجازه بدون راتب لمدة 6 سنين قدم علهم وارفق الخطاب الي معاك الي صادر حق زوجتك ويصدرون لك الخطاب في نفس اليوم
مو شرط تستنفذ رصيد الايجازاتك قرار من الوزير

المادة العشرون من نظام الخدمة المدنية

يجوز بقرار من الوزير المختص منح الموظف لأسباب تقبلها الجهة إجازة استثنائية بدون راتب لاتزيد مدتها على سنة خلال خمس سنوات سواء كانت لفترة

متصلة أو لفترات متفرقة ولوزيرالخدمة المدنية تمديدها لمدة أو لمدد لاتزيد على سنة أخرى، على أنه بالنسبة للموظفة السعودية التي ترغب في مرافقة زوجها

أو من يعولها شرعا إلى الخارج تمنح بقرار من الجهة التي تتبعها إجازة إستثنائية بدون راتب وذلك بقدر مدة المرافقة وبحد أقصى لا يتجاوز عشر سنوات

متصلة أو منفصلة طوال الحياة الوظيفية، ويعامل زوج المبتعثة للدراسة في الخارج أو أحد محارمها الشرعيين إذا كان من موظفي الخدمة المدنية وفق هذه القواعد

المادة التاسعه والعشرون

يجوز قطع أي من الاجازات المنصوص عليها في هذي اللائحة بأجازه أخرى اذا كانت مستحقة نظاماً عد اجازات

.العيدين .والعطله الاسبوعية . اليوم الوطني . الاظطرارية . الدراسية .الاستثنائية لغرض المرافقه بالخارج

لايوجد قرار يقول ( لابد تستنفـــــذ اجازتك الاعتياديه وبعدها تأخذ الاستثنائيه )

وثانيا : الاجازة الإستثنائيه تقدمها اليوم وتوقعها وتنتهي منها بنفس اليوم ( طبعا اكلمك من واقع اني معلم واعمل لدى وزارة التربيه والتعليم ) ... لماذا انت لم تخرجها في السعوديه وتريح راسك من هالحوسه ؟؟