مساعدة ماهي الطريقة الافضل لكي احصل على الوظيفة واستمر في البعثة في نفس الوقت

صحيح زوجي انظم للبعثة لكن بعثته مرتبطة ببعثتي ... هو مبتعث مرافق .. وانا مبتعثة اساسية

على ما اعتقد اني ما اقدر أخذا إجازة استثنائية بناء على أن زوجي مرافق لي (حتى لو تم إلحاقه بالبعثة بناء على مرافقته لي) <<< هذا توقع واستنتاج شخصي

وإذا كنت متأكد انني بإمكاني اخذ إجازة استثنائية نظامية بناء على إلحاق زوجي بالبعثة ... ياليت تأكد لي هذا الكلام مره أخرى عشان اطمن

وشكراً على مرورك ومشاركتك القيمة

الصراحه ماقريت الردود يمكن احد قال اللى قلته فأنا اسف

لكن اللى اعرفه انه واحد من اصحابي انقبل في الابتعاث وجاه التعيين راح التربيه والتعليم يبغى اجازه استثنائيه رفضوها لازم يخدم في التعليم لايقل عن سنه
الشي الثاني خلي اختك الله يحفظها تكمل الاجراءات وانتي خلي تركيزك في دراستك خلصي الترم هذا وخذي ترم صيفي وبكذا راح يكون باقي عدد ساعات قليل >>>سوي تأجيل بعثه

وارجعي السعوديه باشري في عملك الترم الاول والثاني >>وعلى طول في الصيف تروحين تكملي المتبقي وان شاء الله يكون ترم التخرج >>>لكن احسبي عدد ساعاتك ان شاء الله تكون حسبتك صح
ويمكن تتخرجين انتي وزوجك سوا >>>يارب
ووقتها ترجعين بالشهاده >>>ياانك ترفقينها للتعليم وتاخذين مستوى سادس >>>او تدورين على ظيفه اخرى معيده او اللى تفضلينه

اختي اللى كتبته لك مجرد فكره خطرت في بالي عند قراءة موضوعك واتمنى انها تكون ممكنه
واسأل الله الكريم انه يسهل لك

لكن لاتفرطين في مشوراك اللى قطعتيه بأي طريقة
اتمنى لك التوفيق انتي وزوجك واطفالك
تحياتي..,

مستحيل اترك البعثة ... وفي المقابل صعب جداً اني اترك الوظيفة ... لو تسألني ليه .. اقولك لعدة اسباب

أنا منتظرة وظيفة المعلمة من فترة طويلة وانا تخصصي تربوي ... يعني في النهاية حتى بعد الماستر سيكون مجالي في التربية والتعليم

الوظائف المستحدثة هذه السنة ليست كالعادة بل هو عدد استثنائي وهو اكثر من 28 وظيفة (بناءعلى الامر الملكي القاضي باستحداثها) ولن يكون في السنوات القادمة هذه العدد من الوظائف ... بل سيكون عددها كالعادة من 4 إلى 5 آلاف وظيفة فقط ... وهذا يعني أن التعيين هذه السنة فرصة ربما لن تتكرر في السنوات القادمة

الأجمل من كل هذا ... أن نسبة التعيين للرغبة المكانية الأولى للمتقدمات لهذه السنة هو 56% والذي اعرفه ان تخصصي لديه عدد كبير من الاحتياج في مدينتي حسب جدول الاحتياج الذي اصدرته الوزراة ... وهذا يعني أنها فرصة قد لا تتكر في أن يكون تعييني في مدينتي أو على الأقل قريب منها.

كل ما سبق إضافة إلى شح الوظائف والبطالة المنتشرة حتى في حاملي الشهادات العليا (تخيل تقدمت 300.000 مواطنة لهذه المفاضلة وتم استدعاء فقط 28000) كل هذا يجعل ترك الوظيفة امر صعب جداً وقد اندم عليه كثيراً

وحتى الآن أنا أبحث عن حل اتمنى ان اجد من يدلني عليه او يساعدني لإيجاده ... وهو حل يضمن لي الاستمرار بالبعثة دون التفريط في الوظيفة

وشكراً على مشاركتك وتعليقك

والله يا اختي انا فاهمتك ....
شوفي التعليم العام الابتعاث فيه صعب وشوفي متي يجي دورك تكملي ....
انت في وضعك مافي حل الا انك تقدمي تاجيل ابتعاث لمدة سنة ع الاقل وبالنسبة لمرافقك سوي انفصال بعثة ما اعرف اجراءاتها ولكن اسالي عنها ..
امسكي وظيفتك الين تخلص السنة الاولي وخذي اجازة استثنائية وارجعي كملي دراستك....
الواضح ان انتي متعلقة بالاثنين ومحد يقدر يفيدك اكثر الا اللي انحط بوضعك حاولي تسالي اكثر في مكان اخر شوفي منتديات التربيه والتعليم او القسم الخاص بالمبتعثين الحكومين هنا في مبتعث....

اختي انا معلمه واقترح عليك 1- ترسلين احد يطابقلك والسنه الجايه تباشرين 2-وتحاولون بفصل البعثه لزوجك3- واذا صرتي مرافق من ثاني يوم يعطونك اجازه مرافق

ولو طولت الاجراءات من ناحية فصل بعثة زوجك وعدم الموافقه علي اجازتك خوذي تاجيل لمده ست شهور لين تحصلي علي اجازه
ولو مرررررررره مانفعت هذي الحلول وانا متاكده ان شاء الله انها راح تمشي
الحل النهائ
زوجك يدرس علي حسابه الخاص وانت تباشرين في وظيفتك
ويطالب في ضمه للبعثه واذا انضم انتي تصيرين مرافقه له
بسسسسسسسسس نصيحتي اضمني الوظيفه اولا
والبعثه الحلول واااجد لهااااااااااااااااا

المهم حطي في بالك اجازه المرافق اسهل اجازه
اسهل من الاستثنائئ

شوفي اختي انا وضعي قريب من وضعك تقريبا.بس انا تعينت

انا تعينت بالجامعه يعني كنت متأكده خلاص أني توظفت. وكنت بنفس الوقت مرافقه مع زوجي بغيت انجن صراحه بس رجعت باشرت وقدمت اجازه رعايه مولود لانو كنت توني والده ولدي الله يخليه والحمدلله وافقو لي عليها ورجعت طلعت مع زوجي. لين يخلص هو. راح أبدا انا دراستي وبس. الموضوع مررره سهل. خصوصا انه انتي لسا ترشيح يعني مو أكيد وأساسا علا بال ماتخلص الاوراق وكذا. يبيلهم سته شهور اقل شي. يكون مابقى لك شي وتخلصين. والله يوفقك

آمين يارب من عندك لباب السماء

شكراً على المشاركة والدعوة الجميلة واتمنى لك التوفيق والنجاح يارب

اولا: صحيح ردك طويل ... لكنه طول مفيد وليس معيب

ثانياً: انا اعرف ان الاسماء مجرد ترشيح وليس تعيين ... ولكن غالبية من ترشحن سيتعين بمشيئة الله (الامر الملكي يقضي باستحداث 30.000 الف وظيفة ومن تم ترشيحن 28.000 بمعنى الكل سوف يتعين من من ترشحن).

ثالثاً: أنا اعرف أن شهادة الماجستير قد تفتح أبواب رزق اكبر واوسع ... لكن هذا في الظروف الطبيعية ... والمملكة العربية السعودية وحالها الاقتصادي ومعدلات البطالة والفساد ... يجعلها في وضع غير طبيعي ... لهذا انا متخوفة من أن اكون عاطلة بشهادة الماجستير. (في الحقيقة لم يكن الحصول على وظيفة بعد انهاء الماجستير شغلي الشاغل خلال الفترة الماضية .... وأنا اعلم أن رزقي سيأتيني ... ولكن بعد ان تم ترشيحي بدأت افكر قد يكون هذا هو رزقي الي سيأتيني من الله وقد لا اجد غيره).

رابعاً: اشكرك على كل توجيهاتك ونصائح ومعلوماتك القيمة ومشاركتك التي اضافت للموضوع.


فشكراً على ردك الجميل والوافي والكامل ...

انا عندي لك الحل الأمثل ..
انتي ودك تكملين .. وماودك تضيعين الوظيفه .. لان بكل الاحوال الوظائف صعب الحصول عليها بوقتنا الحاضر .. وهي فرصه لاتعوض ..

ولكن ماحد يعرف بعلم الغيب غير عالم الغيب سبحانه ..,

فصلي ركعتين استخاره .. واستخيري فيها ربك ..
ورب العباد راح يدلك على الافضل لك ..

والله يقدم لك اللي فيه الخير ..,

اخوك محمد