سان فرانسيسكو او بوسطن..... محتاجه رأيكم

بالنسبة للمدينتين تقريبا نفس المستوى في الغلا اذا ماكانت بوسطن اغلى اشوي ..

وبما انك عايشة في شيكاغو يعني مجربه الغلا برضوا ..

انا من رايي دامك متردده .. شوفي ايش الجامعه الاقوى والافضل وتوكلي على الله ..

سان فرانسيسكو .. عشت فيها فتره .. المدينة حلوة والاحلى فيها الجو والمواصلات ..

اذا بتسكنين في سان .. الاستديو تقريبا 1500 .. والون بيدروم .. 1900 و فوق على حسب المنطقة ..

بس فيه سعوديين ساكنين برا سان فرانسيسكو .. والسكن ارخص .. والمواصلات متوفرة بالبارت ..

وبالتوفيق لك ..

كلك نظر أختي
شيكاغو صحيح ما تصنف من المدن الرخيصة

لكن وش جاب سان فرانسيسكو لشيكاغو ؟ .. فرق فرق مرة كبير !
أقل شيء أقل شيء الفرق الضعف .. خلك حويطة ترا نقص الدراهم مب زين .. احسبي حساب ظروف طارئة لا سمح الله .. يلحقك الهولد من هنا ولا من هنا .. ولا تبين تدخلين كورس دراسي زي الجيمات ولا جي آر أي ولا تختبرين توفل راح تحتاجين سيولة تدفعين مقدم بعدين تعوضك الملحقية .. احسبي حساب كل هالأمور ..

انا في سان فرانسسكو
وانصحك فيها

كل شي متوفر من مواصلات وبقالات عربيه وكل شيييي

ولاتصدقييين اللي يقول غاليييه

الراتب يكفي وبقووه

اي خدمه انا بالخدمه

بالتوفيق

ماعليش إخواني بسالكم سوال برا الموضوع. انا ابحث عن ماستر ودكتوراه اقتصاد وحابه مره هلمدينه لأني زرتها قبل. تتوقعون قبولهم سهل ? ابي قبول معهد وجامعه سوا لأني مبتعثه من الجامعه ومعدلي كويس بس ماعندي توفل ولا جي أر اي. تقدرون تساعدوني

هلا اختي.. انا بصراحه ماعندي خلفيه عن المعاهد لاني مقدمه على ماجيستير وطبعا كانوا طالبين توفل وجي ار ايه
بس اتوقع قبول المعهد ما حيحتاج لاتوفل ولا جي ار ايه

ان شاء الله احد من الاخوان والاخوات اللي يدرسوا هناك يفيدوك

مرحبا اختي
انا ساكن في سان والصراحه انها غااااااليه مره وينمل منها بسرعه
المدينه ستايل اوربي ويمديك تفرينها كلها ب ٣ ايام
نصيحتي روحي ل ال اي ارخص شويه من سان وامتع بكثيييير

انا مادري وش محببكم بالمدن الغاليه .. ياحبكم للضيق .!
نصيحتي لك ..
اذا كنتي مصممه على سالفة بوسطن وضواحيها .. دوري لك قبول في ولاية Rhode Island ...
هذي جنب بوسطن بينها وبين بوسطن نص ساعه تقريبا .. ورخيصه ..

اما اذا انتي بس تدورين لك جامعه في ولايه رخيصه .. فدوري في الولايات اللي بالوسط ..! مثل تنيسي وميزوري و اكلوهوما واركنسا .. الخ ...
هذي معيشتها كويسه مره ..!

هذا والله الموفق .,

ينمل منها ؟؟!!

مااتوقع جرب عيش في مدينة ثانية وراح تعرف قيمتها