بسبب الملحقية وسعر الحضانة 1200 دولار للطفل سوف الغي البعثة حسبي لله

الله يعين والله ازمه بس اخوي اذا الوضع ازمه وش رايك تتوظف في الكامبس ؟ الهاف تايم في الجامعات سعره معقول نوعا ما شفت بحدود ال700 دولار وفي وقت اقل و ب 200 وحولها يعني شي يساعد
والافضل غير ولاية وربي ييسرها لك وييسرها للجميع ان شاء الله

شكلك من النك ( كنت احبك ) باقي مراهق وما جربت تكون اب وتتحمل مسؤلية

مافيه مشكله وانا اخوك الاولها حل لالالالالالالالاتتراجع وشد العزيمة ومثلك مثل غيرك من اخوانك في امريكا ,,,,

السلام عليكم

أسأل الله العظيم إنه يفرج همنا وهمكم وأن يحقق مبتغانا ومبتغاكم

يعني تقدر تقول مراهق
بس كل شئ بالعقل وانا اخوك

مثلا شخص جاي امريكا وهو عارف انها غالية ويروح يدرس في ولاية غالية
وفي الاخير يحط اللوم على الملحقية ليش وليش وليش
رتب امورك واعرف هل تقدر تكمل ولا لا قبل ماتجي
اما تجي وبعدين تشتكي الملحقية الملحقية الملحقية
اذا تشوف الامور ماتخارج معك رجع عائلتك وكمل دراسة اذا تبي الدراسة من جد
غير كذا لاحد يبثرنا هنا ماتكفي وماتكفي
كلنا على الله وحالنا مايعلم بها الله الكريم
جلست ٥ شهور على حسابي ادفع معهد وسكن واكل بنفس قيمة المكافأة
الحمدلله على كل حال
خلنا ساكتين بس

حياك اخوي

اول شئ انا ماقلتها للسخرية
انا قلتها عشان بعض الناس يطلبون طلبات تعقيدية
مثل اخونا الله يفرج عليه متعب نفس وكاتب هالموضوع
يعني بالعقل تبي الملحقية تعطيه مكافاة طفل 1200 ؟؟ والمبتعث مكافأتة 1800
ثاني شئ الحمدللة على كل حال
انا دارس على حسابي الخاص وادفع 1250 دولار شهريا غير السكن اولاكل
وعارف كيف ارتب اموري مع ان المبلغ اللي يجيني لو كان يستلمه اي واحد كان رجع ثاني اسبوع لبلدة
الدراسة والحلم يبيون صبر عشان تحققها مهو اقل عائق يوقفك او يخليك تتشكى وتطالب بالمستحيل
خلاص الملحقية معروف انها طلبت رفع الحضانة الى 500 وانا ادري كثير يعانون مع الحضانة وانها مكفلة
بس صابرين ومرتبين امورهم واختاروا ولايات رخيصة والدليل فيه بعض الاشخاص بعوائلهم شوف ردودهم
كانت عقلانية وعارفين ان الوضع بيكون كذا في امريكا وحاطين اسواء الاحتمالات

ما اقول الا الله يعين الجميع

اللهم اامين-

لكن اخي الكريم والله الذين لديهم اطفال لايعلم بمعاناتهم سوا الله -

وانت اتطرقت في كلامك حبيبي انو اختار ولايه رخيصه -الاختيار الله يسلمك حسب التخصص وانت وحظك واذا على الكل الكل ودهم بولايات رخيصه


وبالتوفييق

يقرب لك الملحق مثلا؟؟؟

يا حبيبي لا تستسلم ، ودبرها من هنا ولا من هنا ، تسلف كلم اهلك اخوانك عيال عمك اللي تقدر ، وراح تردها لهم .

واذا خربانه خربان : دبر لك اي عذر وسوي تأجيل لمدة سته ولا تسعه اشهر ولا سنه ، يمكن تقدر تعدل امورك في السعودية ، ولا يمكن يجي امر ملكي ويصرفون لنا بدل لحضانه الاطفال او يزيدون المكافأه لجميع المبتعثين .

وربي يكتب لك اللي فيه الخير

انت على علم مسبق بأن المكافاة ١٨٤٧ ومكافأه الطفل اعتقد ٢٧٧ دولار
انا معاك انها ماتكفي وادري بوضع كثير من الشباب بعوائلهم هنا واتمنى يزودوها
بس لازم قبل تقدم على الخطوة تكون عارف وش لك ووش عليك
فمثلاً اذا انت عارف انك ماراح تقدر تدرس بهالمكافاة وتعيش مع عائلتك ليش تقدم عليها ؟
وبعدين تقعد الملحقية والملحقية والملحقية ؟؟ واللحين الله يعينه يقول بيرجع للسعودية لانه المكافاة ماتكفي
طيب ليش من بدري كان اعتذرت عن الابتعاث واعطيت مجال لغيرك؟ وبما انك تطالب الملحقية وتتكلم عليهم
هالمبالغ اللي صرفتها عليك الحكومة وراحت هباءً منثوراً مو حرام ؟؟ وحرمت غيرك فرصه الابتعاث؟؟
كان الله في عون الجميع