مساعدة ورطه في موقع اكسبيديا

راجع حسابك البنكي اذا الـ 3000 على البندينق ..معناه البنك ماسكه


عموما لو مو على البندينق كلم البنك وهم بيرجعونه لك ....

حتى لو كان على البندنق كلم البنك يلغى العملية ..
وإشرح لهم الي صار ..~

بالتوفيق يآرب ..~

اوكيه يالغالي بيض الله وجهك ورحم الله والدينك ..

راح اشوف وش يصير وارد لك ياغلاهم مشكورر ..

ياخوي الله يهديك ليش ماتحجز عن طريق النت من خلال نفس الموقع!!
ماعلينا ، امامك ان تثبت لهم انك دفعت عن طريق كشف الحساب البنكي. روح خذ كشف حساب من البنك يوضح فيه العمليات التي عملتها خلال شهر على الاقل .. وهذا اثبات قوي بانك دفعت لهم ..
قلهم مستعد اعطيكم كشف الحساب..
نصيحة:احجز عن طريق موقع اكسبيديا الموجود في الانترنت (مو على التلفون) وبعدين 3000دولار قيمة تذكرتين داخليتين؟!!
3000دولار قيمة تذكرتين لشخصين للسفر الى السعودية ذهابا وايايا!!!

غالبا عمليات البطاقه تكون حدها من 1000 الى 2000 دولار بشكل يومي .. و 300 دولار لكل عمليه .. (تختلف من بنك الى اخر)

فإذا تم سحب اكثر من 300 دولار في عمليه وحده .. على طول البنك تلقائيا يقفل البطاقه ويقفل العمليه ..
اما اذا انت دقيت على البنك ورفعت الليمت حقك .. فهنا الوضع يختلف ..
وانت دفعت 3000 دولار عن طريق التلفون .. وهذا معناته انهم استخدموا الفيزا ..
بالتالي راح يكون وضع العمليه اما محجوزه .. او مدفوعه ..

فأول شي تسويه .. تشيك على حسابك وتشوف العمليه اذا في الـبدينج .. تأكد من نوع العمليه ..
العمليات البنكيه فيها نوعين .. نوع اسمه Pre-Auth ونوع اسمه Purchase
... طبعا البري اوث معناته أن المبلغ محجوز من البنك .. راح يظهر لك بحسابك ان المبلغ مسحوب ..
ولكن في الحقيقه هو محجوز من البنك حتى يتم تأكيد ان هذا الحساب يمتلك هذا المبلغ .. وعادة تأخذ عملية الحجز من يوم الى ثلاث ايام عمل .. حتى يتم سحبه فعليا .. أو يتم ارجاعه الى الحساب ..
اما البورتشيس .. فهذا معناته انه خلاص تم سحب المبلغ وراح بحساب المستفيد ..

طبعا اللي ابي افيدك فيه .. انه اذا كانت العمليه بري اوث .. تقدر تلغيها وترجع بحسابك خلال 24 ساعه ..
اما اذا كانت العمليه من نوع بورتشيس .. فهنا راح تحتاج انك تروح تسوي Dispute Form من عند البنك على هذه العمليه .. وعادة تاخذ مايقارب 45 يوم كحد اقصى .. لحتى يرجع المبلغ بحسابك ..


هذا والله الموفق ..
اخوك محمد ..,

بعض ما كتبت أخوي احمد أستفدت منه ومؤكد سيستفيد منه الجميع ..~
لكن بخصوص حد العمليات اليومي في الدبيت مو الكريدت .. واكسبيديا او اي موقع الكتروني يعتمد على الكريدت وحد الكريدت يصل كحد ادنى 5000 في بعض البنوك وبعضها يصل 20000 في حال كان الحساب يغطي ..~

كل الود اخوي ..~

اهلين عزيزي ...
انا اعتذر فديتك لعدم توضيحي امر ...
الليمت اللي يسوونه يكون على رقم البطاقه نفسها .. فسواء استخدمتها كديبت او كريدت .. راح يمشي عليها الليمت ..
اما مسألة المواقع المعتمده وحدها الاقصى .. فكل موقع يختلف .. ولكن اذا حبيت تتأكد .. تقدر تروح لموقع الفيزا وتشوف اذا معتمده من عندهم او لا ..
لأن المواقع المعتمده من قبل شركة الفيزا معروف انها تسوي bypass لليمت حق الكريدت لسبب انها معتمده من قبل شركة الفيزا ..

اما اذا مو معتمده .. فاكيد راح يمشي عليها اللميت وبالتالي لو تعدت الليمت راح يسوون لبطاقتك بلوك .. ولاراح تقدر تستخدمها لحتى تكلمهم ...
فالليمت على حسب معرفتي .. يتراوح مابين 300 الى 600 دولار بين البنوك وهذا المتعارف فيه بين البنوك بشكل شائع ...
فإذا تقفلت البطاقه بسبب موقع تبي تشتري منه (ماهو معتمد) ... وكلمتهم وفتحوا البطاقه وفتحوا العمليه .. خلاص يصير هذا الموقع لو شريت منه مره ثانيه تمشي العمليه مايوقفونها .. بشرط .. انك ماتدفع اكثر من القيمه اللي دفعتها اول مره ..
فلو دفعت اكثر .. راح تتقفل عليك البطاقه ونفس الروتين يمشي كل مادفعت مبلغ اكبر لنفس الموقع .. لان هذي عندهم راح تكون عمليات مشبوهه ..

هذا في حالة استخدام الديبت كارد كفيزا ..
اما لو كان عندك كريدت كارد .. فالوضع يختلف .. لان نظام الكريدت كارد يختلف من بنك الى بنك ومن باقه الى باقه .. وعليك الباقي ..

هذا والله الموفق ..,
اخوكم محمد

جزاك الله خير اخوي محمد على توضيحك ونفع بك ..~