تزعلون ولاماتزعلون هذا الواقع...........

لاحول ولاقوة إلا بالله
الجيمات طلعت طبخة عندهم !
للأسف كلامك صح أخي الكريم
وأنا أبحث لقيت أغلبهم في جامعات بدون جيمات وكلها تكدس ,
الله يعين وبس
الأفضل أحط استفساراتي في منتديات أجنبية وبالأخص أمريكية وأريح نفسي
ماشا الله في ثواني ألقى أقل شي 10 ردود
نشيطين و بالهم في الدراسة
ومن جد
تزعلون ولا ماتزعلون هذا الواقع .. !!!!!!!!!!!!!

فعلا هذا الواقع.

صحيح هذا هووووووووو الواقع

كل شخص على حسب مقدرته ..

فانا اللي اشوفه الشباب دائما يجوون ويدرسون وكل شي .. ولما يطلبون عليه اختبار معين مثل التوفل او السات .. الخ من الاختبارات
وقتها تلاقيه يشد نفسه ويبحث عن كتب للاختبار وطرق سهله .. الخ .. اهم شي يحاول انه يتعلم حتى ياخذ درجه عاليه بالاختبار .

وبعضهم والله يروح على عماها .. وكثير من الناس شفتهم لما اخذوا الايلتس .. رايحين للاختبار مايعرفون فيه الا اللي سمعوه (يعني حتى ماجهزوا نفسهم للاختبار) ..
والواحد على باله انه "فلته" بالانجليزي .. ولما ياخذ الاختبار .. يتفاجأ بامور مايتوقعها .. ولما يخلص ... تلاقيه يتحلطم بالاختبار ويقول مثلا "الليسنينج سريع؟!" ..
وفي النهايه تلاقيه ياخذ 3.5 باختبار الايلتس واذا كان مره ممتاز بالانجليزي تلاقيه 5.5 .!.!.

ويالله خذلك مابين انه يفكر يرجع ياخذه .. او يدور له جامعه تقبل هالدرجه !. واذا قرر انه ياخذه من جديد .. تلاقيه هالمره يحاول يجهز نفسه للاختبار يذاكر ويختبر نفسه .. الخ < طيب من الاول ياخي !

فالناس اجناس .. والعقول تختلف .. !
فما نقدر نجبر احد .. ولكن نقدر ننصحه .. إن اتخذ بالنصيحه .. فالله يوفقه .. وإن تركها .. فهو اعرف بمصلحة نفسه !..

وايضا .. اغلبية الناس تعتمد على الناس !
ويدورون الشي السهل .. والشي الجاهز ..!
ولا يروحون يبحثون .. حتى وان كان البحث سهل بالنسبه لهم ! لا يبون شي جاهز بدون تعب ؟!!!!!

شي يخلي الواحد يقول " ياللعجب "".!!


وأما بالنسبه لمسألة صاحبة الموضوع .. انا مادري وش كانت اسألتك بالمواضيع الاخرى ..
ولكن لو انا اعرف سؤالك وعندي جوابه .. فصدقيني ماراح اتردد واقولها لك ..
حتى وإن كنت ماني متأكد منها او اني سمعتها من تجربة شخص ..
فما احد يدري ممكن تكون فائده ..

لكن اسأل الله أن يوفقك ويوفق اخوانا واخواتنا المبتعثين في كل مكان ..


أخوك محمد

ياحلوة اعطيني الموقع الاجنبي
واكون شاكره لك

الحل بسيط وأنا أخوك :

سولك حساب ثاني وحط أنثى ويردون عليك بسرعه .


هذي حقيقه لاكن في شباب وبنات كثير فيهم الخير

وأنا مثلك عانيت من هالمشكله لاكن بالنهايه أستفدت

تحياتي

لا لا ايش هالكلام دخلتوا بالنوايا بعد
بكلامك هذا قبل لايجاوب اي شخص ويقدم مساعده بيقعد يفتح اعيونه
والله اذا انثي بطلع ماني مجاوب عليها
لان في اعضاء نضرتهم حسنه حييييييل .....

بعدين صاحب الموضوع الي ما احد جاوب عليه انثى مو ذكر

ــــــــــــــــــــــــــــــــــــــ
كلام لاصحه فييييه
دمت بود

1- أنا ماقلنا الكل .

2- أثنيت على الكثير الي فادوني .

3- أنا أعكس تجربتي .

4- ملاحظتك صحيحه .
تحياتي

العتب كل العتب على المشرفين

فكثير من المواضيع حادت عن جادة الصواب

فكان الأولى حذفها كي يعج القسم بما يفيد وتنصب المواضيع في ما هو جاد وفعلي

the students are really so busy with their studying.however,anyone has a question especially about medical universites in Europe feel free to send a message and god willing i'll answer as soon as possible