هذا شكله يبيني انهي بعثتي

March 16th, 2012, 11:39 PM

ياجماعة الخير أنا بالسعودية باقي وراي أمور كثيرة وهذا جالس يتلكع علي
راسلت الملحق محمد العيسى زي قلته مامنه فايدة ولا جاني رد منه
راسلت الشئوون الإدارية ومافيه رد
راسلت المدير الإقليمي ولا فيه رد
راسلت الموقع الي مسوينه " المساندة " وكتبت كل شي ولا جاني رد

هالمشرف الـ ....................... رفع ضغطي يناس ماني عارف شسوي مافيه أحد يشتغل بأمانة مافيه أحد يحس على دمه
أقوله يابن الحلال أنا بالسعودية سويلي تأجيل بعثة وكتبت جميع المبررات ويرجعها لي بدون سبب ؟ كتبتها مرة ثانية رجعها لي بدون سبب ؟ كتبت مرة ثالثة طنشني ؟

بعدين حط لي هولد من نفسه ... ومرت الشهور ... ويقولي الفترة هذي كلها احتسبت من فترة البعثة ؟؟؟؟؟؟
يعني لا راتب مشالي ولا وقف بعثتي إيقاف مؤقت شفتوا العن من كذا ؟؟؟؟؟؟؟

والله العظيم مراسلاتي معه عن طريق " طلب استفسار " على البوابة وا لله بدون مبالغة ياجماعة زي 200 استفسار مايعطيني رد واضح
مايقولي الشي الي أبدا فيه الحين .......... مايقولي وش اسوي ......... مايساعد ......... جالس يزيد الطين بله ويخلق المشاكل

أقوله اعطيني ضمان مالي لغرض القبول يقول مانعطي ......... أقوله طيب انا اجيب القبول بفلوسي بس هل تقبلونه واعطيته اسم الجامعة
يقول والله ماهي عندي انت جيب القبول وانا اعرضه لهم وشوفهم يوافقون ولا لا ؟؟؟؟؟؟؟؟؟؟؟؟؟؟؟؟؟؟؟؟

قلت له القبول ياخذ زي 1000 ريال ماهو بلاش واخرتها يمكن ماتوافقون ومنهو ذا الي توديله القبول انت وش شغلتك هنا ؟
قلي مابيدي شي

شباب انا تعبت .. ولوقتكم هذا والفترة تحتسب من بعثتي لي بالسعودية سنة كاملة ياجماعة تخيلوا سنة ضاعت من بعثتي بسبة هالـ .....
والله مقهور مغببووون وش اسوي ......... تخيلوا من سنة وانا اكلمه وهذي ردوده ماهي واضحة

أقوله يابن الحلال انت عارف ظروفي ومن سنة وانا اراسلك ياخي وقف البعثة سوي شي ؟؟؟؟؟؟؟ يقول مو بيدي
هذا شكله يستناني اطلب طلب الغاء بعثة .......... حسبي الله ونعم الوكيل

• نشر عبر تويتر
• نشر عبر فيسبوك
• نشر عبر جوجل