وش الأشياء اللي ممكن تستغلونها - غير الدراسة - ؟

يعني عايشين الحياة على البركة مثل عادي ابن عادي آل عادي والحياة تمشي ؟
ولا ماودكم تشاركونا بأفكاركم ؟

سؤال جميل ..,


شخصيا انا مشغل نفسي في عدة اشياء برى الدراسه ..,
كون ان خبرتي "كمبيوتر و انترنت" فبالتالي استخدمت هالخبره في عدة اشياء ..
اولا صرت اترزق من اللي في السكن حقنا يقطون لابتوباتهم عندي واسوي اللاب بـ 30 دولار .. لان مثلا بيست باي لازم يدفعون مية دولار وغير قيمة الصيانه .. الخ !
طبعا انا ماسوي شي باللاب توب .. كل اللي يجوني يقولون سوله فورمات واقولهم ولا يهمكم
اخذه عندي بالشقه .. وطبعا بما أن اللاب اساسا يكون فيه نسخه احتياطيه للنظام "Recovery Partition ".. اروح اسوي له استعادة لضبط المصنع .. بس يخلص اسكره واقولهم بثلاثين دولار ..! < ماخذ الامريكان على قد عقلهم خخخخخ


ايضا فيه اشياء ثانيه داخل فيها يعني بالعربي مشغل نفسي انا ماحب اقعد كذا !.


اما بالنسبه لطموحاتي .. والله كثيره .. كان طموحي اني اصمم نظام قوي مثل الماك .. وينافس الانظمه الباقيه ..
بس بعد تفكير وتمحيص كثيران .. اتضح ان الانظمه اللي عندنا كافيه .. (خصوصا بعد سالفة اندريود) وهذي اللي خلاني اشيل الفكره من راسي .. ولكن فيه افكار براسي باذن الله راح انفذها بالمستقبل "ان الله احيانا"..!
يعني الان تركيزي اكثر على المواقع اميل له اكثر واحب اشتغل فيها اكثر من غيرها .. !
وماتدري يمكن كل شي ينقلب في رمشة عين .. فسبحان اللي يغير ولا يتغير !.


بالنسبه للاشياء اللي ودي اسويها في امريكا ..
خاطري اني اتعمق مع الناس اكثر واكثر ... لحتى ابين لهم ان الاسلام ماهو كلام فاضي .. !
لاني شفت افكار ناس عندنا الله المستعان .. ولكن الحمد لله قدرت بحول الله وقوته اني اغير فكرتهم عن الاسلام !.
ولو ان في بعضهم تغيرت نظرتهم بدون قصد مني ! .. والحمد لله ..


وخاطري ان الشباب يهتم بهذي النقطه .. لان معظم الشباب علمهم بالدين قليل جدا .!
وهذي مصيبه كون الطالب يطلع برى السعوديه وماعنده معلومات كافيه عن دينه .!


لكن الله يصلح الحال ..,


اهم شي "الاخلاق و البسمه و حسن المعامله والكلمه الطيبه".. هذي اختصار كل شي .!