طريقة لتبرير انخفاض درجة اللغة في التقديم للجامعات والحصول على قبول في اي جامعة كانت

مشكوووووووور و الله يعطيك العافية

سيدي انا قبل ما اكون طالبة لغة انا كنت معلمة فـ صدقني علاقتي بالسلك التعليمي قريبة
هذا اولا
ثانيا اذا المدرس ذمته وسييييييييييييييييعة وين الطالب عن نفسه ؟!
احنا ندرس عشان ننجح مو عشان نتعلم
ولـ علمك يا سيدي الكريم
انا ادرس اللغة ونسبة لا تقل عن 75% من اللي تعلمته في المعهد انا تعلمته من قبل في المرحلة المتوسطة والثانوية بـ معنى انه المناهج اللي درسناها
كانت بـ الفعل مكثفة ويفترض فيها انها تعطيك اساس قوي في اللغة الانجليزية جزء منها مازلت اتذكره بفضل المدرسات اللي درسوني اياه والله يجزاهم خير
كانوا حريصين على تعليمي وجزء نسيته بسبب سوء التدريس ولكن باقي افتكر انه مر علي في يوم من الايام

باقي اللغة اللي تعلمتها كانت نتيجة محاولات نادرة لاستخدام الانجليزي في اي فرصة تسنح في مستشفى او مطعم او غيره مع كثرة متابعة القنوات الاجنبية
دخلت بفضل الله على المستوى المتوسط ونفس المستوى كانوا معاي فيه معلمات لغة انجليزية !! علما بانه تخصصي لا يمت للانجليزي بصلة
بس هنا يبان الفرق بين الشخص اللي يحاول يحسن ولو شيء بسيط وبين الشخص اللي رامي الحمل كله على المدرس

وعلى فكرة
ترى في معاهد اللغة 25% دور المعلم والباقي على الطالب
واللي ما اتقن اللغة وهوه يدرسها مجزأة على مدى 6 سنوات كيف رح يتقنها دفعة وحدة في سنة !!!!

الله يجزاك خير ويوفقك ..
طيب ممكن صيغة الخطاب بالإنجليزي للتواصل مع الجامعات ؟ وشكراً جزيلاً

انا اكاد اجزم ان مدرستك الي درستي فيها انتي مدرسه خاصه و قويه ..
نحن نتكلم عن التعليم في المدارس الحكوميه .. (اغلبها) تجيك الابله يلا بنات افتحو الصفحه الفلانيه ..و تقوم البنات الشاطرات و البقيه مستمعات .. ولو في اخطاء مافي تصحيح طبعا
تبي تخلص الحصه عشان تطلع ..
اللهم بالقرمر يفهمونك ..
و صح انا اتفق معاك بنقطه ان الشعب السعودي يدرس عشان ينجح بس ... فعشان كذا المعلمه تحدد لهم الي بيجي بالاختبار و تحدد لهم القطعه الي لازم يعبرون عنها عشان يحفظونها صم ههههه
انا درست بمنهج خاص و منهج حكومه
و شفت الفرق الجاااامد بعيني
من ناحية التدريس و من ناحية المنهج (الكتب) يختلف !
الخاص افضل طبعا
يجيبون لك مدرسه بريطانيه ولا امريكيه و غصصصصبا عنك تتكلمين معاها انقليزي
اما الحكوميه ههههههههه لا تعليق

مجرد رأي ..

انا طالب لغة انجليزية . وحاب اعقب على نقطة ليش الانجليزية ضعيفه في الننلمة العربية السعودية

مابي اقول ان النظام التعليمي ماله اي دخل بالمستوى المتدني للغه لكن له دور (غير هام) في هذا الانخفاض
ولا ابي اقول ان اختلاف الاحرف والنطق بين اللغتين هي سبب كبير لهذا الضعف )في رايي هذا 1% من المشكلة)

السبب الحقيقي هو (عقلية الطالب السعودي) في المدرسه المدرسين يتعبون ويبح صوتهم ويجلدون في الطلاب 45 دقيقه عشان يجبرونهم يحلون واجب والطلاب اخر شي يفكرون فيه الواجبات. الاهمال هو السبب الرئيسي. لو الطالب اجتهد ودرس المنهج راح يخرج بحصيلة كبيرة من الكلمات والقواعد ولو حل الواجبات وحفظ الكلمات كان مستواه ياهله يخاطب اجنبي (خطابات اولية على الاقل) يجي دورة بعد المدرسة (او حتى خلال المدرسة) ويتعلم بنفسه . لكن الي نشوفه عندنا العكس . الطالب يتخرج من الثانوي وماهو حافظ الا كلمتين ونص (ويفاخر قدام خوياه ) يافله انت يشيخ. ولله من الخيبه. والمصيبة لو سالته ليش مستواك متدني يروح يسب ويلعن في الاساتذه ويتناسى الجلد الي كان ياكله عشان يحفظ 5كلمات وتصاريفها.

ولله من العار نشوف المملكة بعد عشرات الدول الافريقيه والاسيوية. انا اول مرة اكتب رد مطول بس حبيت ابين الحقيقة المرة ولايك للي ي\تشوف كلامي صحيح

ههههههههههههههههه
والله الذي لا اله الا هو اني ما درست في مدرسة خاصة ولا ادري كيف شكلها !! هيا اقتنعت ذحين
وازيدك من الشعر بيت امي امية ما معاها الا الابتدائي !! لكنها ربتني على اساس انه الدراسة شيء مو وقتي لحظة وتمر الا وما يجي يوم
استفيد فيه من الشيء اللي درسته والله ما خيب ظنها !!
المسألة مسألة طريقة تعلم لا اقل ولا اكثر

واتفق معاك في كل ما ذكرته بعد كذا خصوصا انه المدارس الخاصة تركز على اللغة بالدرجة الاولى بس لا تنسى برضو ان المدارس الخاصة
توزع درجات بالهبل وخصوصا في الثانوي بدليل انه كل طالبات الثانوي الحكومي يحولوا لمدارس خاصة عشان الدرجات

أي موضوع أو رد فيه كلمة ( سعودي ) تسبب هوس لدى البعض وعدد فلكي من اللايكات والردود
ماعليكم سوى وضع كلمة ( سعودي ) في نقاشاتكم وستصبح أنت المتحظر والمتطور والأمريكي واللي محد زيك

انا قرأت مقالات في النت عن تنازلات من الجامعات التوب تن، وبخطابات تبرير مشابهة عن بعض شروطها. كجامعة هارفرد مثلا قبلت طالب جاب 410 في الجيمات! لكن كله يعتمد على اقناع الطالب للجنة القبول

وانا بصراحة قدمت على جامعة رقم 1 في التخصص مشترطة درجة جيمات فوق درجتي بـ 100 درجة وتواصل معي اكثر من شخص من قسم القبول ينصحوني اعيد آخذ الجيمات، لكني مشغول وما استطعت آخذه، وانقبلت في الجامعة ولله الحمد!
والآن بانتظر قبول من جامعة ثانية ودعواتكم بالتوفيق

اشكرك على المشاركة،،
ترى احنا الله يهدينا عندنا جلد زائد لذواتنا،، نقدر نجيب قبولات ماكنا نتوقعها! وكثير منا يتخوف حتى من التقديم! رغم ان الملحقية تعوضه

وعليكم السلام

آمييين واياك جزا خيرا
وبالتوفيق للجميع
آميين، ويبارك في المبتعثين والمبتعثات
انا ما باناقش الاسباب،، لكن ندور الحلول للواقع
ممكن انخفاض المعدل بسبب ان الملحقية بتدفع رسوم الاختبار فبيدخوله بدون مذاكرة!!
الله اعلم!
ولو فهو برضه فرصة وتستغل
حياك،، الشكر لله
الله يعافيك

الله يسلمك،، الشكر لله ياباشا
والله هي فكرة، وكل واحد يصوغها باكثر طريقة مقنعة عنده، ويربطها بشخصه
اذا ياخوي موضوعي مو عاجبك فيه شي معين تكرم علينا بذكره! لكن مزعلك اني مستخدم كلمة "سعوديين" فهذي اسم الجنسية وهو المستخدم في تقرير ETS
والموضوع لا يتكلم عن التحضر او الاعجاب بالغرب! بالعكس هو يتحدث عن طريقة اقناعهم،
وسببه اني الاقي عزوف شديد من الشباب الكفء عندنا في التقديم في افضل الجامعات نتيجة بعض الدرجات المنخفضة في الاختبارات الموحدة مثل التوفل! وهو قد يتجاوز هذا الانخفاض ببعض الاستراتيجيات.
التحضر الله يحفظك انك تخدم اخوك المسلم بالطريقة اللي تقدر عليها.

عن أَبي هُرَيْرَةَ رَضي اللهُ عنه قال: قالَ رسُولُ الله صلى الله عليه وسلم: "كُلُّ سُلامَى مِنَ النَّاسِ عليه صَدَقَةٌ، كُلَّ يَوْمٍ تَطْلُعُ فِيهِ الشَّمْسُ: تَعْدِلُ بَيْنَ اثْنَيْنِ صَدَقَةٌ، وتُعين الرَّجُلَ في دَابَّتِهِ فَتَحْمِلُهُ عليها أو تَرْفَعُ لهُ متَاَعَهُ صَدَقَةٌ، والْكَلِمةُ الطَّيِّبةُ صَدَقَةٌ، وبكُلِّ خَطْوَةٍ تَمشِيها إلى الصَّلاةِ صَدَقَةٌ، وتُمِيطُ الأَذَى عنِ الطَّرِيِق صَدَقَةٌ". رواه البخاري ومسلم.

والله يحفظك ان عندك نقد معين لشيء في الموضوع فوالله يسعدني لانه رح يفيد الاخوة القراء، اما انك تحب تنتقد الناس انهم متذمرين! او انهم غير واعيين، فتعليقك اول من يستحق هذا النقد الله يحفظك.

كيف أقنعهم ؟؟ من خلال رسالة القبول

او بعد مايعطوني الرد ...أرجو التوضيح أكثر ..

أنا سمعت بهالكلام أكثر من مره بس ماني عارفه وين أبتدي ؟

من خلال رسالة القبول في الغالب، او من خلال القطع اللي تتكلمي فيها عن نفسك.
مثلا تقولي رغم ان درجة التوفل عندي قد لا تكون مرتفعة في نظر بعض الاشخاص الا انها لو قورنت بمتوسط درجات المملكة العربية السعودية فتكون فوق المتوسط بكثير "تكون مساوية للمتوسط"XXX. فمن غير العدل مثلا مقارنة شخص من هولندا وهي متوسط درجات التوفل فيها 100 بشخص من المملكة العربية السعودية بمتوسط درجات توفل 63 .