محتاج مساعده للحصول على قبول غير مشروط في جامعة معترف فيها ومو موقوفه

أنت وينك فيه في أمريكا ولا بالسعودية

بأمكانك التواصل مع مدير نادي الطلاب السعودي بإسترن كنتاكي

أعتقد الجامعة فيها هذا التخصص ودرجة الآيلتس المطلوبة 5 على جميع المواد

مشكور اخوي بس كيف اتواصل معه !!

لم تذكر معدّلك في الثانوية العامة - إذا كنت خرّيج ثانوية - ؟

75% علمي اخوي

مشكور عالرد

اختبار الـ Placement Test او COMPASS .. هذا اختبار الزامي في اي جامعه تاخذه اول ماتدخل الجامعه .. وهو بديل لاختبار الـSAT و ACT ... وهو يحدد فقط مستواك العلمي حتى يعرفون وش يبتدون معك من مواد .. هذي من ناحية ..
الناحية الثانيه الوزارة عارفه هالكلام .. ولا لهم اي حق يرفضونه .. لانه إلزامي ولا فيه لانجاح ولا سقوط .. بس يحددون مستواك .. تاخذه في يوم واذا خلصت يعطونك الدرجات ويقولون لك رح للادفايزر حقتك وعطها الدرجات ... وهي راح تقولك المواد اللي لازم تبتدي فيها ! يعني بالعربي قبولك اللي معك مشروط ومقبول .. !

اللي انصحك فيه إذا كنت بامريكا .. الجامعه الحاليه اللي انت فيها .. رح لهم وقولهم ابي اخذ البليسمنت تيست .. وخذه وبعدها خذ النتايج وارسله للجامعه اللي عطوك قبول .. وخلهم يصدرون لك قبول ثاني بدون بليسمنت تيست ..!
اما اذا كنت بالسعودية .. اطلب قبول معهد لغة من الجامعه قبول مشروط .. وراح يعطونك القبول .. وضبط امورك بالوزاره على اساس انك طالب معهد .. وعادي راح يصرفون لك المكافأه ويدفعون تكاليف الجامعه .. اللهم الضمان بيكون مكتوب فيه ESL ..
طبعا اذا وصلت الجامعه .. عطهم اوراقك كامله بالاضافه الى الايلتس .. وادخل دايركت بالجامعه .. واول ماتدخل الجامعه كمل فيها سميستر.. بعد ماتخلص السميستر الاول ترسل للمحلقية ترانس سكريبت + تعريف من الجامعه على اساس انك طالب اكاديمي يوضح فيه الجي بي اي وتاريخ تخرجك المتوقع ... وارفع طلب للمحلقية بتغيير مرحلة .. وراح يغيرونها لك ان شاء الله .. ويجددون لك الضمان المالي بحيث يغيرون ESL الى اسم تخصصك ..!

(هذا اللي سويته انا .. اول ماجيت امريكا على حسابي الخاص وسويت نفس الطريقه اللي فوق)
هذا والله اعلم .,

اسأل الله أن يوفقك في رحلتك الدراسيه ويبعد عنك شر هالملحقيه ..!

اخوك محمد

مشكور اخوي بس انا طالب بكندا وابغى احول لأمريكا, والمشكله القبول مكتوب فيه انه من المحتمل انه يأخذ سيمستر ESL وهذا اللي خلى الوزاره ترفض

Upppppppppppppppppppppppppppp

الســـلام عليكم ورحمه الله وبركاتــــه ,,,, راح أرد على ســؤلك الى في ملفــي الخاص ، هنــا مــوضوعك حتى يستفيـــد منه أكثر عدد ممكـــــن

University of Central Arkansas - Home تقــبل 5.5

Henderson Home Page تقبــل 5

Marywood University Home - Marywood University تقبـــل 5.5

Arkansas Tech University تقبـــل 5.5

بالتوفيق للجميع ,,,, ارجــو التــأكد من اعتمـــاد الجـــامعة والتخصص من الملحقيـــة قبل البدأ بأجراءات القبــــول

سبحـــــان الله وبحمـــــده سبحــــــــان الله العظيـــــــــــــــــــــــم

مشكور بندر حبيبي, بس هل انت متأكد انهم يعطونك قبول غير مشروط بدرجة الايلتس. يعني ماتدرس اي ESL لاني اخاف انهم يكونون مثل الجامعه اللي جبت قبول منها لازم يسوون لك بلاسمنت تيست حتى لو عندك ايلتس وهذا اللي نكبني مع الوزاره, وطلبت مني الوزاره انه القبول يكون مكتوب فيه ان الطالب مقبول للدراسه الاكاديميه.

وهذا من اسباب الرفض نصيا من الوزاره:
لأن القبول مشروط بدراسة اللغة فصل دراسي كامل في حال عدم اجتيازه امتحان اللغة, ويمكن النظر في الموافقة على انتقاله في حالة حصوله على قبول اكاديمي نهائي غير مشروط من جامعة موصى بها في التخصص والدرجة وغير موقفة

وزي ماقلت لك انا عندي 5.5 بس الجامعه نكبوني لانهم كاتبين بالقبول زي ماقلت لك انه من المحتمل انه يدرس فصل واحد لغه بعد اختبار البلاسمنت.


وموضوع ثاني حبيبي, انا راسلت بعض الجامعات منها :
University of South Dakota
وهذولا قالوا لي ان 5.5 كافيه لكن لازم نشوف معدلك بالثانويه, كيف اعرف كم يبون بالثانويه لان اللي اعرفه جامعة كاليفورنيا تقبل معدل اول وثاني وثالث 80%

والجامعه الثانيه هي Georgia Southern University :
وهذولا قالوا لي نقبل 5.5 وماجابوا اي طاري عن شهادة الثانوي, عن النسبه اقصد.

والجامعه الثالثه هي Utah Valley University
وهذي قالوا لي:
your acceptance letter will accept you directly to the major you list


فبحكم خبرتك اخوي بندر حبيت اعرف وش رأيك, وش أحسن شي اسويه وعلشان يستفيدون شباب غيري.