هل تنصحوني بالغاء البعثه لهذا السبب

السلام عليكم ورحمة الله وبركاته
حبيب قلبي اصلا انت مافيك شي بس انت تتهيأ
طبعا مانكر لك ان الغربه صعبه
انت الي اختلقت حق نفسك هالاشياء وهي اساسا مو موجوده
شوف اول شي ابيك تسويه
1-تسمي بالرحمن وتصلي على نبيه
2- اقرا كل يوم لو ايه وحده من القران والقران كله بركه
3- ادفع صدقه مابين كل فتره وفتره
4-اذا جيت تكلم احد ولا احد كلمك لاتناظره وجه بوجه شلون يعني مثلا وانت تكلمه ركز على رقبته ولا فمه ولا خشمه يعني لاتركز على الوجه كامل تمام
وبالنسبه للبرزنتيشن هذا اسهل بعد اذا طلعت للبرزنتيشن وانت تلقيه لاتطالع في وجه اي احد خل تركيزك على الكرسي او الطاوله او اللمبه او اي شي غير اوجهه الموجودين
وشوي شوي بتحس الامور طبيعيه
وبتكون لي من الشاكرين صدقني هاذي مجربه شخصيا
اتمنى لك التوفيق والنجاح

وعليكم السلام ورحمة الله وبركاته

الي يجذب الإنتباه في حالتك بالرغم من كل شيء إلا أنك واثق من إمكانياتك بقولك ناس مستواها أخفض من مستواك وتحصل على درجة أفضل بسبب إهمالك،،

وزد على ذلك إهتمامك بدراستك ذهنياً، لكن واقعياً حاول تتدرب مع نفسك، خصوصاً البرزنتيشن حاول تلقيه أكثر من مرة مع نفسك قبل الكلاس..

والمواقف المحرجه صدقني لو بتجلس تعد راح تتعب، طنش وانسى، لأنك لو فكرت في كل موقف محرج ما راح تعيش، راح تكون حبيس التفكير في أشياء انتهت وتنسى أشياء أهم مثل مستقبلك..

يعني بالله لو بتجلس تتذكر موقفك في البرزنتيشن الأول لين متى راح تظل تفكر فيه؟ طول ما انت تتذكره راح تحس انك ضعيف وماعرفت كيف تتعامل مع الوضع، عشان كذا طنش وحاول تثبت في المرة القادمة انك تحسنت..

انت بنفسك تقول ناس أرى مستواهم أقل من مستواي ودرجاتهم أحسن منك، يعني عارف انه بإمكانك تجيب أحسن منهم، بعدين لا تنقهر قول الله يوفقهم ويوفقني وأصير أحسن منهم :P

حاول تكون علاقات مع رفقاء خير، سولف مع شريكك في الكلاس حبه حبه لين تتعود على هالأجواء، أيضاً حاول تسولف عن أشياء متعود تسولف عنها دايم مثل الكورة أو اي موضوع تحس انك دايم تحب تسولف عنه..

إلغاء البعثة بسبب حالتك أمر غير منطقي وفكر فيها بتعقّل مهما حدث..

والأهم ذكر الله والثقة بالله أولاً وأخيراً والدعاء،،

الله يوفقك ونشوفك تسوي لنا برزنتيشن

ما شاء الله على الشباب ما قصروا
بس كلهم تكلموا عن الخجل وما تكلموا عن الصدمة الحضارية
هذي الصدمة تروح بعد كم اسبوع ان شاء الله .. فلا تشيل هم ابدا
اخرج واستانس ولوا لحالك .. اختلط بالناس ولو ما تكلمهم
شوي شوي بتتعود
بس لا تقارن نفسك بأحد ابدا .. لو شفت واحد احسن منك في هذي الناحيه تأكد أنك احسن منه في امور ثانيه .. كل الناس سواسية
قال الرسول صلى الله عليه وسلم " النَّاسُ سَوَاسِيَةٌ كَأَسْنَانِ الْمِشْطِ، وَإِنَّمَا يَتَفَاضَلُونَ بِالْعَافِيَةِ , وَالْمَرْءُ كَثِيرٌ بِأَخِيهِ , وَلا خَيْرَ فِي صُحْبَةِ مَنْ لا يَرَى لَكَ مِنَ الْحَقِّ مِثْلَ مَا تَرَى لَهُ "

اقول لك شيء اصعب من حالتك؟
انت تعرف ان العيال اغلى من النفس
انا لي فتره هنا وكل ماحط راسي على المخده اتخيل امور تصير لبنتي وانهبل
واذا حطيتها بالحضانه اوسوس لين ماخذها واذا اخذتها اقعد اوسوس ايش سووا فيها
القصد من كلامي هذي طبيعه البشر الخوف من الناس الخوف من الموت الخوف من المرض الخوف من اي شيء
دائما اكتم الي فيك لا تتكلم فيه واجد علشان مو الكل يتفلسف عليك ويبين لك انك مريض وتحتاج حبوب
تراك تركت اهلك واحبابك واصحابك وجاي لمكان مجهول وحضاره جديده ناس جدد شيء طبيعي يصير فيك الي صاير لاتخلي الشيطان يلقى مدخل لك ويحسسك انك غير الناس
تعرف ان كل ماسوي برزنتيشين ارجف وصوتي يروح وماعرف اتكلم بس مع الوقت شفت ان الكل مثلي والي احسن مني مانولدوا احسن مني
نصيحه لا تاخذ لك حبوب تراهي اخس من المخدرات بتضيع لك شبابك وتدمنها وهي الي بتتعبك

الابتعاث مو بس دراسه الابتعاث شيء بيصقل نفسيتك وتعرف اننا محظوظين الشيء الي يتعلمه الناس بعشرين سنه الغربه بتعلمك اياه بسنتين

أخوي بعطيك مثال حي على أحد المشايخ في أول برزنتيشن له
وش اللي صار له ولا أعتقد أن وضعك أصعب من وضعه وشفه الآن من أهل العلم والمشار لهم بالبنان

السلام عليكم ورحمة الله وبركاته .,

اخي العزيز مهند ..

من خلال قرائتي إلى مواضيعك وردودك وقرائتي لهذا الموضوع .. اتضح لي أنك إنسان إجتماعي ومحبوب وليس لديك أية مشاكل تذكر ولا حتى مرض ..! بل على العكس .. أنا متأكد أنك من الطلاب المتميزين بسيرتك الدراسية ..! ولك طابعك الخاص مع اصدقائك ..!

ويبدوا لي أن هذه الحالة أحسست بها عندما أنتقلت للعيش بالسكن الجديد إن لم أكن مخطأ .! وأنت تحس بالخمول والنوم بشكل دائم حتى وإن كنت قد أخذت كفايتك من النوم .. تجد نفسك بعد مدة زمنية بسيطة يغلبك النعاس ويكثر بك التثاؤب .!
ومن الممكن أنك في حالة كسل مستمر .. بالرغم من معرفتك بنفسك أنك لم تكن كذلك .!


أنا اريدك أن تعمل ما أقوله لك بالحرف الواحد .. وبإذن الله سيتحسن حالك بدون أدوية ولا حاجة إلى الذهاب إلى طبيب نفسي .! ( فقط أهم شيء أبتعد عن الاغاني)..

أولا يجب عليك أن تكون على وضوء .. ويجب عليك أن تعتقد أن الرقية ليست الا سبب والشفاء من الله عز وجل .. ومن بعدها تتعوذ من الشيطان الرجيم وتسمي بالله .. بعدها قل ( أعوذ بكلمات الله التامات من شر ماخلق) .. وانفث على نفسك وحولك .. ثلاثا .. بعدها تقرأ سورة الفاتحة سبع مرات وكل مره تقرأها تنفث بكفتي يديك وتمسح على جسمك من رأسك حتى قدميك وتحاول أن تشمل جميع مناطق الجسم التي يمكنك ان تصلها ..!
ثانيا اقرأ اية الكرسي سبع مرات واعمل كما عملت بالمرة السابقة بسورة الفاتحة .. بعدها اقرأ المعوذتين ثلاث مرات .. وسورة الإخلاص (قل هو الله احد) ثلاث مرات .. وافعل كما فعلت بالسابق في كل مره تقرأ سورة ..!

إن لم تكن تعرف ترقي نفسك مثل ماسبق .. فإستمع إلى هذه الرقية الشرعية كامله واجعل تركيزك كامل بها ولا تدع شيء يشتت تفكيرك وإن احسست بشيء يشتت تفكيرك قل أعوذ بالله من الشيطان الرجيم .. وأكمل .. وإن احسست بأي شيء آخر أكمل ولا تتوقف ... (يفضل ان تستخدم سماعات الرأس)..



بعدها قم بتشغيل سورة البقرة ببيتك ... واربط مسامعك مع كلام الله وتأمله وحاول أن تردد خلفه إن كنت حافظ شيئا منها .. !
علما لابد أن تزاولها بشكل دائم .. وتحافظ عليها مع اذكار الصباح والمساء .. ويفضل أن تقرأ في ماء ومن ثم تسمي بالله وتشرب منه وتغتسل منه .. وتقوم برش زوايا بيتك وتبعد الماء عن المناطق النجسه مثل دوراة المياه اكرمكم الله .. وترش ايضا نوافذ البيت مع الابواب .. ! .. وتداوم عليها بشكل دائم .. !



ايضا لابد لك بأن تخالط اصدقائك وتزاورهم في اماكنهم .. وإن امكنك المكوث معهم لفتره .. فهذا سيغير من حالتك النفسيه ايضا باذن الله .. ولكن كما قلت لك ابتعد عن الاغاني لانها مدخل للشياطين .. وواضب على صلاتك وقرائة القران ..

وسوف ترى تحسن بحالك بإذن الله ..

اسأل الله الكريم .. رب العرش العظيم أن يشفيك ..!

إذا أحتجت إلى أي شيء لا تتردد بإرسال رقمك على الخاص .. وسيكون بيننا تواصل باذن الله ..,

أخوك .,
محمد فهد

اخوي قدم البرزنتيشن حتى لو تأخذ صفر عادي
وصدقني انت لو رجعت بتستسلم لحالتك النفسيه
اهم شي ورقة تثبت ان عندك رهاب اجتماعي تقدمه للأساتذة عشان تعرف ان المسالة فوبيا مهو قل علم
وراح تراعيك
بالتوفيق

اخوي من قالك ماتقدر تتكلم .. والله انك صفيت كلام حلو في الموضوع احسن من 1000 واحد بالمنتدا!!

اذا تبي ارسل ايميلك واعتبرني اخوك او خويك من الان واي شي انا موجود

أبوي كم شهر وتعدي الحاله هاذي

وبتضحك على عمرك بعدين
وشي ثاني اطلع وعش حياتك يرجال لا تفكر
بشي ابد