استفسار إذا عندي خبرة عملية هل يلغى الـ GMAT ؟

انا سمعت ولست متاكد ... بس ما دام كلمتك ليه تشاور على طول روح لها

نعم صحيح .. فاغلب الجامعات يتجاوزون عن بعض الاختبارات وبعض الكورسات "إذا" عندك شهادة خبرة في عمل سابق لا تقل عن ثلاث سنوات ..! أو اي شهادة تثبت إنك متمكن في المجال اللي تبي تتجاوزه .!
ولكن هذي عليها شروط .. وكل جامعه لها شروطها .. فبعض الجامعات "تشترط" على أن تكون شهادة الخبرة من "داخل" الوالايات المتحدة ..!
وبعضهم "لا" أهم شي تكون مصدقه واوراقها سليمة ..!

وايضا احب أن اضيف معلومه .. لمن لديه شهادات من معاهد او كليات او حتى جامعات (حتى لو كان تران سكريبت).. الشهادات هذي تقدر تقدمها للجامعه .. فبعض الجامعات تقلص من بعض الكورسات والإختبارات .. إذا كانت الشهادة من معهد معروف .! (سواء بامريكا او غيره.. اهم شي المعهد معترف من قبل الدولة اللي فيها المعهد)..

انا جبت معي كذا تران سكريبت من السعوديه من كليات ومعاهد سبق ودرست فيها لكن ماكملت بس اخوك ماطلع منها الا وساحب منها ترانسكريبت .!
وقدمتها للجامعه وحذفوا مني خمس كورسات (مبتدئه و متوسطة المستوى بتخصصي)..
وغير هذا فيه كورسات بتخصصي سوولها WAVE بسبب اني كلمت الادفايزر حقتي اللي بالجامعه وخبرتها ان عندي خبره فيها ومتمكن .. فقالت لي بس اكتب لي خبراتك بسي في وجبها لي وانا اخلص لك امورك ..!
وكتبت لها خبراتي اللي عندي (بدون شهادات خبرات اكتسبتها ذاتيا).. ولما اعطيتها السي في حقي .. قالت لي تعال بعد يومين .. وفعلا جيتها بعد يومين على اساس انها تسوي لي ويف لكورسين ..
وفاجأتني بإنها سوت لي ويف لاربع كورسات .. وبالتالي قلصت عدد الكورسات المتبقيه عندي .. ., (يعني انا جاوزولي 9 كورسات بدون دراسه ولا اختبار بس مكتوب ويف وهي تعني اني معديها بخبرتي .. ولا تاثر على المعدل)

طبعا اعيد واكرر .. الجامعات تختلف بأنظمتها .. ولكن فيه انظمه متداوله بين الجامعات .. فالافضل دائما انك تسأل الادفايزر حقك اللي بتخصصك وتشوف وضعك ..!
ترا اغلب الجامعات تسهل على الطلاب الدراسه .. خصوصا الطلاب اللي اعمارهم فوق 25 سنه ..!

اتمنى إني افدت قدر المستطاع ..,

تختلـف من جامعـة الى جامعـة, وامريكـا بلـد الخيـارات المتعـددهـ:.
أتمنى لكـ التوفيق عزيزي ~