موضوع التخصصات مسويلي قلق ..

March 23rd, 2012, 09:58 PM

سلام عليكم ..

انا خلاص باقي من فترة اللغة 3 أشهر فقط .. وابدأ ادور لي قبول جامعي بس للحين والله ماني عارف
وش اختار وش التخصص المناسب لي ؟ خصوصاً بعد إني ما أقدر ادرس التخصص اللي أحبه

حلمي منذو نعومة أظافري .. ادرس طب بشري وأصير دكتور أطفال
شاءت الأقدار وابتعثت لأمريكا وأمريكا بالنسبة للطب مستحيل لـ شروطها المعقدة جداً جداً وراح اذكر لكم الشروط لدراسة الطب :

أول شي لازم ادرس بكالوريوس أي تخصص فيه فيزياء وكيمياء ورياضيات وأحياء واتخرج من البكالوريوس بـ معدل عالي يعني ممتاز
بعدين أقدم على اختبار اسمه MCAT ولازم اجتازه .. بعدها اقدم على كليات الطب وبمنافسة قوية مع الطلاب الأجانب والأمريكان والمقاعد محدودة والأفضلية للأمريكان
يعني ممكن بعد التعب هذا كله ما أحصلي مقعد .. !

وإذا نقول ( إذا ) مع انها من سابع المستحيلات .. لو اجتزت هذا كله بإمتياز وجدارة وانقبلت بكلية الطب لو بالصدفة .. يصير ابدأ دراسة الطب البشري من جديد ( بكالوريوس ) ..

يعني شوفة عينكم مرة تعقيد .. وتبخرت أحلامي وخلاص يبغالي احط نفسي بالأمر الواقع طب بشري دامني فـ أمريكا انساه ..

أنا رغبتي وحبي وحلمي للطب أحبه واستمتع بقراءة كتبه ..

وخلاص شطبت على تخصص الطب ×
ولازم أفكر بـ تخصص ثاني

وعلى حسب بحثي وقراءاتي تخصصات الهندسة وخصوصاً الكهربائية والميكانيكية عليها طلب ومستقبلها باهر ورواتبها عالية وممتازة

لكن صعبة جداً بالدراسة ويبغالها جهد مو طبيعي .. خصوصاً إني ما أميل لـ الهندسة
وادرس بأمريكا .. فـ أحس لا قدر الله لا دخلتها ماراح امشي فيها مدري ليه ..

فكرت بتخصص ثاني يعني استمتع فيه ارغب فيه كرغبة ثانية فيه تخصص التغذية
لكن بعد بحثي عن مستقبله بالسعودية والرواتب وكذا .. اتضح لي إنه تخصص نسائي

والرواتب جداً ضعيفة تبدأ من 6 آلاف يع
ولا فوق هذا بعد ما يشغلونه بـ مكانه الصحيح يخلونه طباخ بالمستشفى

وغير كذا فكرت فيها قلت اصلاً مايستحق ادرس التغذية كـ تخصص يمديني اخليها هواية لي
واقرى بكتب التغذية وبكذا يكفـي

طيب ياربي وش ادرس ؟ تخصصات إدارية برضو احسها ماله داعي اتغرب على تخصص اداري ..
فـ مادري حقيقة والله مشتت مرةةة ..

انا ودي بـ تخصص راتبه قوي يعني الراتب يكون رقم فلكي .. يعني يبدأ من خمس أرقام وأنت طالع .. ومحفزات وعلاوات ودلع وسفريات وكورسات خارجية وزي كذا ..

نصايحكم ..

• نشر عبر تويتر
• نشر عبر فيسبوك
• نشر عبر جوجل