فكـره .. وتحتاج الى تنفيذ

March 24th, 2012, 01:13 AM

السلام عليكم ورحمة الله وبركاته .,

بصراحه انا عندي فكره في بالي .. هي تقريبا مستهلكه ولكن انا فكرتي جديده نوعا ما ..

اساس الفكره بسيط .. وهو ان يتم إنشاء موقع تسجل فيه الجامعات الموصى بها "فقط الجامعات المقبوله في التعليم العالي"..

طبعا الموقع راح يكون موقع بحث .. للجامعات والمعاهد .. وراح تتضمن معلومات كثيره .. وراح ادرجها لكم ..
المعلومات المتضمنه في كل جامعه :
- اسم الجامعة "او" "المعهد"..
- ترتيبها داخل بلدها وعالميا ..
- معلومات عن الجامعه
- البلد + معلومات عن بلد الجامعه ( مثل نسبة السكان الاجواء المناخية .. الخ ) أو رابط يحولك الى موقع البلد حتى ياخذ معلومات كامله عنه أو شبيهه لهذه الفكرة
- نسبة السعوديين فيها ..
- التخصصات المتاحة
- الدرجات العلمية المتاحة ( بكالريوس , ماستر ,... الخ )
- نسبة القبول ( هذا يحدد من قبل الجامعه واكثر الجامعات تعطي نسب القبول بحيث تحدد اذا كانت النسبه عاليه فمعناته ان الشخص احتمالية القبول تكون كبيره اما اذا منخفضه فمعناته ان احتمالية القبول معدومه)
- تواريخ التسجيل ( تواريخ التسجيل ثابته عند اغلب الجامعات في كل فصل)
- القبول والتسجيل ( ويكون ضامن الشهادات المطلوبه + درجات الشهادات المطلوبه مثل التوفل والايلتس والجيمات .. الخ )

اما البحث داخل الموقع عن الجامعات فهو يتضمن التالي :
- البحث بالاسم
- البحث بالبلد
- البحث بدرجات القبول ( وهذا راح ينقسم الى درجات التوفل والايلتيس ..الخ وراح يكون بحث مصنف بين رقمين)
- البحث بنسبة القبول (الجامعات تعطي نسب قبول .. فمثلا اذا كانت نسبة القبول 56% فمعناته ان نسبت قبولك بالجامعه متوسطه)
-البحث بالتخصص
-البحث بالدرجة العلمية ( بكالريوس ’ ماستر .. الخ )
- البحث بالفصول للتسجيل ( يعني مثلا يقدر يبحث عن الجامعات اللي راح تكون فاتحه تسجيلها بفصل الربيع مثلا )


الطريقة تكون للمعاهد والجامعات .. بس الفرق ان المعاهد راح يكون فيه "نوع المعهد" و " نظام الدراسه "...
نوع المعهد يعني اذا كان المعهد خاص لجامعه .. او معهد منفصل ..
ونظام الدراسه اذا كان المعهد نظامهم بالـمواسم "يعني كل شهرين " او "بالفصول " يعني " كل اربع شهور "..!

وبالإمكان اضافة خيارات ثانيه .. مثل .. تكاليف الجامعه او المعهد .. وتكاليف المعيشه بالبلد (تكون نسبيه) .. وايضا خاصية اقترح الجامعه او المعهد لصديق .. "نظام مشاركة".. وخاصية التعليقات .. لمن اراد ان يصوت ويضيف تعليق مع تصويته للجامعه ..!

المشروع هذا جبار يا اخوان .. لو احد قدر يسويه راح تعم الفائده للجميع وراح هو يستفيد .. لان الموقع راح يكون مرجع خاص للطلاب السعوديين ..

وطبعا المشروع ماراح ينفع يشتغل فيه واحد .. اقل شي لازم ست اشخاص على الاقل حتى يقومون الاساس للموقع ..!

شخصيا انا فكرت فيها مليا .. بس انا ماقدر اسويها لحالي وغير هذا ماعندي الوقت الكافي اني اكرس وقتي لبرمجة وتصميم الموقع ..! خصوصا ان الفكره كبيره بالنسبه لي ..! لاني ماسبق واشتغلت على هذا الحجم من الشغل .!

لكن طرحتها حتى يستفيد غيري من الفكره ...

اخوكم محمد فهد

• نشر عبر تويتر
• نشر عبر فيسبوك
• نشر عبر جوجل