اخواتنا غير المحجبات

ومتى صارت تعاليم الدين حرية شخصية ؟

يعني بيجينا واحد بعدين ما يصلي ويقول حرية شخصية ؟

جزاك الله خير ياصاحب الموضوع

ماشاء الله على الاخوان اللي جابوا احاديث عن الحجاب وينصحون اتمنى اني اشوب نصائح واحاديث عن الخمر والحشيش ادا النصيحة خوف على البنات ترى الشباب بعد عليهم خوف انصحوهم ولا مالنا علاقة بالشباب ..

رد غريب يحتاج لتوظيح اكثر. !!!!!!
اتمنى انك كنت تقصد شئ اخر غير الحجاب.
وان كنت تقصد الحجاب انه حرية شخصية هات الدليل من القران او السنة النبوية.

دمتم بدون غربة.

اخي هل النصيحة من الوصاية ؟
وارجو منك التكرم علينا بتعرف الوصاية اسلاميا وقنونيا.


دمتم بدون غربة.

كلام جميل ومحترم كصاحبة.

الاسلوب حقك ولا بريال
يعني تبي تنصحها تجي تقولها يا متبرجة ؟
على بالك الحين هالكلمة تعتبر وصف سيء ؟

وبعدين ياما متبرجات محترمات و محجبات نص كم من برا هالله هالله و من جوا الله العالم
خلك في حالك و اهلك وماعليك ببنات الناس دام هذا اسلوبك

انا وانا رجال و مالي بالحجاب نرفزني اسلوبك فما بالك بالبنات

الله يجزاك خير وفعلا الدين انصيحة
الى يقول شايلين الوصاية معاكم هنا اقولة احنى من بلاد الحرمين واحفاد الصحابة
واذا ماصرنا قدوة مين يكون
الى صاحب الموضوع الله يعطيك العافية وهذي غيرة الرجل المسلم المؤمن الحق

السلام عليكم
يعطيك العافيه بس عندي ملاحظات
انا لو كنت مو محجبه موضوعك بينرفزني ويزعلني لانه جارح ايش يامتبرجه ؟ لا تنسي ان الدين النصيحة صح ولكن الأسلوب مهم
شي ثاني جزيره العرب مهبط الوحي وليست السعوديه غلط تقول هالشي نفس غلطت محمد عبدو يوم قال الرسول عليه الصلاة والسلام سعودي
الشي الثالث ايش فيهم العرب من وجهة نظري العرب واضحين الي تتحجب تتحجب لربها والي تنزع محد همها أحسن من العيش بنفاق والتلاعب بالدين الي ترمي الحجاب بالطياره والي بالسعوديه تغطي علي السعودي بس وكأن غيره موب رجال
فودك تنصح جزاك الله خير اكتب موضوع مافيه اسأه شخصيه او للذات
غير كذا لا احد يتشمت تري عندنا عيال والتربيه صعبه والحياه صعبه
ادعوا بهالدايه للجميع الحجاب مهم بس الأهم الخوف من الله موب من البشر

انا ما رح اقول حرية شخصية ومن هالكلام
ولا رح اعلق برضو على مسألة انه الدعوة تحتاج لـ شخص يعرف كيف يخاطب وينتقي الالفاظ

نقطة وحدة حابة اعلق عليها :
لو كل واحد قبل ما يفكر يامر بـ المعروف وينهى عن المنكر طبق الشيء هذا على نفسه وعلى اهل بيته كان احنا بـ ألف خير
يعني تبغى تقنعني ياللي نزلت الموضوع انك ملاك منزل من السماء وانه ما عندك اغلاط عشان تجي تنصح بنات خلق الله !!!!!
كل شخص مقصر في دينه ,, وكل شخص يسوي نفسه وصي على غيره
هذا الرجال يسبلون ثيابهم والله لا ينظر لمن اسبل ثوبه ومع كذا ما شفت احد ينزل موضوع عن حكم اسبال الثوب او الجينز !!!


اتقوا الله اي موضوع تبغونه يمشي لازم تطرون فيه سالفة البنات
انا محجبة ومع كذا ما افكر نهائي في طرح موضوع زي كذا لاني اعرف انه مثل ما انا ملزمة بـ الحجاب فـ الرجل ملزم بغض النظر
ومثل ما انا ملزمة بالحشمة والستر فـ انا ملزمة اكثر بالفضيلة والعفة وهي الشيء اللي للاسف لقيته في بنات كثير غير محجبات وبعض المحجبات
الله يستر علينا وعليها !!!!ّ!!!!!\
الحجاب امر الهي تاركته تحت رحمة رب العباد ان شاء غفر وان شاء عذب ومع كذا المواضيع اللي تتكلم عنه بـ الهبل
والسبع الموبقات اللي فيه ناس كثير يقعون فيها من عقوق لـ ادمان خمر لـ زنا لـ غيره وغيره وغيره ما لقيت احد فتح فمه بـ ربع كلمة !!

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
من يقول ان كل شخص لديه حريه يسوي اي شي يبغاه نعم هذا صحيح لكن ليس في معصيه الله ،فالواجب علينا كأخوة مسلمين ان نبادر في النصيحه لقوله تعالى { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } وانا شخصيا يضايقني اني ارى شخص يفتخر انه يشرب الخمر او يروح الى الامامكن الماجنه او ارى اختي لا تلتزم بالحجاب الشرعي فواجب علينا كمسلمين نصيحتهم ،ومن من منظوري الشخصي اذا تركناهم يسوون اللي يسوونه والله نعتبر انانيين نعم انانيين لأننا بغينا الخير لانفسنا ونسينا ان عندنا اخوه مسلميين يحتاجون التنبيه والنصيحه .الحمد لله ان مدينتي مافيها بنات مو ملتزمين بالواجب الديني والله افتخر اذا شفت بنت متحجبه ،وعن الشرب الله يهديهم في عندنا بعضهم وانا نصحت البعض وباقي البعض بحاول انصحهم وبسوي اللي علي وهذا واجبنا نحن كمسلمين .