شرح خمسة أخطاء شائعة يقع فيها أغلب متعلمي اللغة الإنجليزية

حيّاك الله أختي الكريمة
أنا معك فيما قلتِ, أكيد إن القرامر هو الأساس في جميع المهارات
لكن اللي أقصده إن بعض الطلاب يتخوّف أو يتجنّب الحديث خوفا من أن القرامر يهدم مابناه من أفكار كان بيقولها وينسى معظم اللي كان محضره, ويقعد يتذكر القاعدة الفلانية والتركيب الفلاني,,



فتسهيلا للأمر ,, ينسى القرامر وقت الحديث ويتكلّم بأريحية,, بس هذا مو معناه أن الطالب يجيب كلمات خبط لزق
لاآآآآ طبعا,, يكون عارف التركيب الأساسي للجملة وفي ذهنه دائما ,, وبكذا يسهل عليه التحدّث بطلاقة - بإذن الله تعالى -
أمّـا من ناحية الكتابة فــأكيد لــابد من استخدام القرامر أيا كان المستوى طالب بكالوريوس أو عليا

وفّقــك الله ورزقك العلم النّافع و العمل الصّالح

بالنّسبة للإيديمز أشوف أن تعلّمها ممتع جدا,, وهي فـــاكهة اللغة,, لها قاموس .. وتحتاج للحفظ .. وتستخدم في حالات معينة
اذا اتقنها الواحد وتحدّث فيها خصوصا مع النيتـف سبيكرز بالوقت المناسب.. يدرون انه متقن اللغة بطـــلاقة.
والعكس .. اذا تحدث معك شخص واعطاك جمل بالايديمز وانت تهّز راسك ماتدري!! فهذي مشكله .. حتى "القيسينق للـ مينينق" .. مآراح ينفع .. وتفاديا للــ" Misunderstanding,", لابد من تعلّــمها للتّواصل بسهولة مع متحدثي اللّغة
بتقولون وش يعني idioms وليش لازم نعرفهــا؟؟
* لما نبدا نتعلم اللغة الانجليزية اول شي ندرس المهارات الاساسية اللي هي speaking, listening, reading, and writing وخلال تعلمنا لها المهارات نتعرف على عدد كبير من الكلمات ممكن تكون لنا حصيلة لغوية لا بأس بها,,
* طيب خلصنا مرحلة التعلم وجينا لمرحلة التطبيق, احنا الحين نبغى نمارس اللغة , تخيلوا معاي لو انت مثلا صار لك فترة ما شفت صديقك الأمريكي نقول سنة مثلا وبعد هالسنه شفته بيجي يقول لك I haven’t seen you in a month of Sundays هنا انت بتقول هاا?? وشو شهر؟؟ وشو يوم الاحد ؟؟انا صار لي سنه عنه!! . في هالحاله الشخص الامريكي استخدم معاك idiom ويقصد فيه انه ماشافك من زماااان !!

* اذا من خلال هالمثال عرفنا ان الـ idiom هي عبارة وهالعبارة تشتمل على مجموعة من الكلمات اذا جت مع بعضها تعطي معنى مختلف تماما عن معناها لو جت مفرده في الدكشنري ,, عشان كذا محد يعرفها ويفهمها الا الـ native speakers اما الاشخاص اللي يتعلمون اللغة الانجليزية كلغة ثانيه فلابد انهم يتعرفون عليها ويحاولون يلمون بأغلبها مع انه الموضوع صعب بس لو الواحد حفظ له كل يوم idiom يطلع له بمجموع من الـ idioms لا بأس به في نهاية السنة,, ويطبقها في حياته اليومية و الأكاديمية,,
طيب راح نسرد الحين بعض الـ idioms ومعانيها:
cut to the chase *
عطني الزبــدة
مثلا don't have much time so cut to the chase please
piece of cake
سهل مره
مثلا the exam was piece of cake

Add fuel to the fire *
هذا اللي نقوله بالعربي يزيد الطين بلة ,, يعني لما الشخص يزيد الموقف سوءا

All ears

برضو نقول بالعربي كلي آذان صاغية .. هم برضو يقولون I am all ears

هذا ما تمّ إيراده,, وتيسّر إعداده,, والله َ أسألُ أن ينفعكم بمراده
أختــكم: Ambitious 4 ever