افيدوني بالحكم الشرعي ...

لست بمفتي ولا احد يقدر يفتي ..
ولكن اذا هم يدبلون لك السعر بعد سنه .. فهذي تعتبر فائده من البنك لك .. لانك فتحت عندهم حساب !
واساسا مسألة انك تفتح عندهم حساب وتخلي فلوسك فيها .. فانت تساعدهم على زيادة الاسهم بالبورصه !
لان الفلوس هذي يلعبون فيها بالبورصه .!

فمسألة اذا فتحت حساب وجاتك تدبيله بعد سنه بس مره وحده .. فهذي انا اشوف انها فايده وليست ربويه !
لان الربا اللي يجيك من غير تعب ولا تعرف مصدر الزياده .. وانت لما جيت تبي تفتح حساب قالولك ان اذا فتحت حساب راح يتدبل الحساب بعد سنه وعلموك بكل شي ! (وهذا هو المصدر)
فهذا يعارض مسألة الربا .. لان التدبيله هذي تعرف سببها وهذي البنك عارضها عليك ..! مثلها مثل لما تجي تشتري سياره ويقولك صاحب السياره اذا شريتها اعبي لك بانزين فل ! نفس الطريقه بالضبط !

وشيء ثاني ..
لو طبقنا الاحكام الشرعية ونحن في امريكا .. صدقني ماراح نستخدم لا بنوك ولا ناكل ولا شي حتى كطلعه ماراح نطلع !
احنا لنا عذرنا لاننا ببلاد اجنبيه ..! فالدين وانا اخوك يسر ...

اذا انت متخوف منها بسالفة الربويه .. غير البنك او اطلب منهم مايدبلون لك حسابك او اذا دبلوا لك حسابك خذ الفلوس الزايده وعطها اي شخص محتاج تشوفه ! وانوها في قلبك وتوكل على الله !


توكل على الله فديتك .. والله يثبتك على دينه ..
ويسر الامور على حالك .. ولا تعقد الامور بشكل كبير .. فإذا حسيت ان شي فيه شببهه ابتعد منها لله ..
فالحلال بين والحرام بين .. والله ميسر الامور لعباده ..

توكل على المولى عز وجل ولا تشيل هم ! واذا حسيت انك محتاج مشوره .. استخر لله وادع الله انه يبين لك الصواب !.
وماخاب من توكل عليه !.

الله يوفقك ويسعدك .,

اخوك محمد

ما عليش أخوي محمد إذا منت مفتي ولا أحد يقدر يفتي حسب كلامك ليه تقول إنها ما هي ربا

أنا ما كنت بأرد لأن الحلال بين والحرام بين وبينهم أمور مشتبها فمن أتقى الشبهات استبرأ لدينه

هذا ربا واضح حتى الرجال شايف إن فيها ربا بس عاجبته سالفة تجميع الكسور

والمثال حقك عن السيارة غلط لأن السيارات ما فيها ربا وبعدين أنا أعطيته فلوس وأعطاني سيارة وبنزين لكن الرجال يقول أعطيهم فلوس ويدبلونها لي

الخلاصة

فلوس بفلوس زيادة = ربا

طبعاً الفلوس تشمل جميع العملات والذهب والفضة بشرط أن تكون نفس العملة أو المعدن وإذا اختلفوا انتفت العلة وجاز التعامل

جاء في الأثر أن الربا ثلاثة وسبعون باباً أيسرها مثل أن ينكح الرجل أمه هذا من شدة تحريمه

الدرر السنية - 4- الربا

واقتراحك إنه يكلم البنك إنه ما يبي تتدبل الفلوس ممتاز

لكن بالنسبة للصدقة إذا هي أصلها حرام فما راح تؤجر عليها لأن الله طيب لا يقبل إلا طيبا


وياليت يا أخون محد يسأل عن أشياء فقهية هنا لأن فيه ناس متخصصة ولهم مواقع ويردون على الاستفسارت اللي مثل هذي في مواقعهم أذكر منهم الشيخ يوسف الشبيلي دكتوراه في الاقتصاد الاسلامي

^^^^

كلامك سليم



فعلا أخوي خذخ المسائل ماتخذها من ذا المنتدى

رح للمتخصصين .

- الشيخ يوسف الشبيلي ولا الشيخ عبدالله المنيع متخصصين في المعاملات السلاميه , والكثير فيعم الخير والبركة من علامائنا .

أسأل البنك أول عن طبيعة المال الي بيعطونك نهاية السنه ..؟ هل هي مكافأه ؟ أوربا ؟ أو ربح ؟؟

وبعدها أسال شيخ ثقة ...السؤال هذا مايصلح بالمنتدى

موفق ..علمنا وش يصير معك

بصراحة انا ما قريت الردود

لكن اخوي ياريت تدق على شيخ مفتي احسن من اي احد عام يفتيلك

يعني يكون دارس فقة معاملات والاشياء هذي

او تدخل منتدى الشيوخ الكبار العريفي او اي احد

وتاخذ الفتوى الصح

تقبل مروري

جزاك الله خير على هذا الكلام ..
ولكن انا قلت رأيي لاني اعرف البنك اللي يتكلم عنه واعرف نظامه .. ومسألة كسر الجبر هذي مايدفعها البنك لا .. البنك يجبر الكسر من حساب الشخص نفسه والزياده هذي يحولها الى حساب التوفير وبكذا يصير سحب المبلغ بدون كسور بحسابه الجاري .. !
يعني افرض عندك 100 دولار بحسابك الجاري .. وشريت ب 2.50 دولار .. راح يسحبون من حسابك الجاري 3 دولار .. 2.50 راح تروح للمحل اللي شريت منه .. و 50 سنت هذي راح تروح لحساب التوفير ..!
وبالتالي حسابك الجاري راح يبقى فيه 97 دولار ..! وحساب التوفير راح يكون فيه 50 سنت .!

(هذي الطريقه انا استخدمها )

هذي طريقتهم ولو راح وسألهم قالوله نفس الكلام .!

الرسول صلى الله عليه وسلم يقول "الحلال بين والحرام بين، وبينهما أمور مشتبهات لا يعلمهن كثير من الناس...".

والامور المشتبهه بينها هذي من الافضل الابتعاد عنها لو دخلت فيها شبهه ..!
وهذا اللي نصحت الرجال فيها في كلامي ..!

اما مسألة التدبيله فهذي هي الواضحه .. وقصدت التخلص منها وليس الصدقه (لو الزم بها مرة واحده على كلامه ) .!

وعلى كل حال .. من الافضل سأل اهل العلم في الشؤون الدينيه .. حتى لا يختلط الحابل بالنابل ..!

هذا والله اعلم .,

نصيحة لصاحب الموضوع
ما تتفق معي أن الموقع غير مناسب للفتاوى الشرعية؟
إذاً غير مناسب تسأل هنا
أنا رأيي أنك تسأل أحد المشايخ المتخصصين ولهم مواقع ويردون على الفتاوى
وعندك موقع الإسلام سؤال وجواب
وموقع إسلام ويب - قسم الفتاوى
إسلام ويب - مركز الفتوى?
وموقع الشيخ د.يوسف الشبيلي (متخصص في المعاملات المالية)
www.shubily.com

أتمنى لك التوفيق.