السالفة ومافيها

ليش ما اتعامل معه عطني السبب كل الي تعاملو معاه يقولون كويس مشكلته غالي بس

انا اعرف واحد رايح عن طريقه قبل شهرين وهو الان في امريكا وفي سان فرانسيسكو

بس ياليت ياخوي تعلمنا وش السبب عشان ناخذ الحذر ونروح لغيره ,,,, واشكر اهتمامك صراح وجزاك الله الف خير

خلك من الغلا لو انه على سنع
انا تعاملت مع عمر النصاب
اول ماجيته قلت له ابي قبول معهد وجامعه قالي اوكي ..
ابيه ينصحني ابيه يعطيني معلومات عن المدن والولايات مررره مكتم ونفسيه قالي انت ابحث عن المعهد والجامعه الي تعجبك وانا اراسلهم .. قلت اوكي
جبت له جامعه ومعهد وبعدين قالي لا انا هذولي قبولها صعب ومدري وش بعد
قلت له اوكي ابي قبول في المعهد الفلاني وهذا الكلام كان قبل الكرسمس ب14 يوم
قلت له كم مدة السمستر؟ قالي شهر وفي النهايه طلع 4 شهور !!
قلت له توفر لي سكن مع عائله ؟ قالي بعد ماتجيب القبول.. قلت له شيك الحين وبعد مانشبت له قالي اسعاره من 700-900
المهم قلت له تجيب لي القبول قبل الكرسمس؟ قالي ايه وكررت السؤال عليه اكثر من مره واجابته كانت ايه .. والقبول ماجاني الا بعد شهر ونص(صوره منه)

جا القبول وباقي السكن ..
قلت له هاه توفر لي سكن مع عائله ؟ قالي بعد الفيزا قلت يبن الحلال شف لي الحين اخاف ماتحصل وكذا الا يمديني اغير قالي ماعليك بنحصل لك عائله ..
قدمنا على الفيزا وطلعت
جيت لعمر قلت له ابي سكن مع عائله .. جتك اقوى تصريفه >> رح اشتر تذاكر وتعال
شريت التذاكر وجيته وقلت له جب لي عائله قالي اوكي بنرد لك بعد اسبوعين
جيتهم بعد اسبوعين وقالي للاسف مانوفر سكن مع عائله !!!!!!
عقب ما وهقني وطلعت الفيزا وانواع التصريف جايني يقولي المعهد حقك ما يوفر سكن ... كان قالي من اول عشان لا اجي للمدينه هذي
وانا الي كل يوم اتهاوش مع الهندي فيروز المحشش اقوله شف لي سكن مع عائله يقوم يشطح لي بالفيزا والسيفس

جاني الموظف الي اسمه محمد اليمني وقام يمدح لي السكن الطلابي ومدري ايش وكل ما قلت له كلام سوا نفسه مايفهم ويتغيبا لعن الله ابوه ولا بو من جابه

وحطوني في سكن مع شحاذين ومحششين والحين ساكن معهم ! وزريبه عزبت هنود

جيت لعمر قلت له دام ان الكورس شهر واحد انا ابي اغير المعهد جب لي قبول ثاني في مدينه ثانيه وابيك تضبط لي السكن فيها قالي اوكي بيجيك القبول في اسبوعين
كان باقي على رحلتي اكثر من شهر واقوله يمديك تجيب لي القبول قبل ما اسافر؟ يقولي ايه اقدر وكررت السؤال اكثر من مره
سافرت والقبول ما وصل <
وارجع اتصل عليى مكتبهم يرد لي الموظف اليماني اقوله عطني عمر يقولي مشغول !! يعني انا منيب من ظمن شغلهم!
المهم حلفهم بريال قالي ليماني بيتصل عليك لا خلص منهم وانا ثلاث ايام على المنوال

عقب ما راح الوالد ولعن خير الي اسمه عمر ارسلي القبول
والا الملعون مخلي قبولي وتاركني الله لا يوفقه
لا ابشرك يقولي سعر المعهد بالشهرين 2000 دولار
وصار القبول في الاي توني 4500 !!!!!!!! دولار

انا هذي سالفتي معهم 4 شهور مرمطه فيني ...

غير الي يدخلون في المكتب ويتهاوشون معه انا اشوفهم بين كل اسبوع يجي واحد ويتهاوش معهم ياجايبين له قبول بغير تخصصه او انهم ممرمطين فيه او انه ناكب عيالهم وموهقهم باسعار المعاهد
ولو تلاحظ المعاهد الي يتعامل معها متكدسه + وغاليه ياخذ منها نسبه على كل طالب

هو يجيب لك قبول بسرعه لكن :
مع معاهد وجامعات هو يتعامل معها
ياتكون الجامعه موقوفه! او المعهد متكدس وغالي ! والا تخصص موب معترف فيه او يجيب لك تخصص من راسه
انا احذرك وانت بكيفك

حسبي الله عليه الله لايوفقه
وجزاك الله خير
انا اليوم رحت لمكتب اتجاهات للدراسه بالخارج اللي عنده خلفيه عنه يقولي
انا كلمت واحد سوداني وكلامه صراحه ريحني وحتى صار يوريني قبولات لناس مسويها لهم في مواقع الجامعات ولا ادري بعد الله يستر بس

محاسبة كوبس

بس mba موماليه لايلعب عليك :

هذي شهادة ماستر في إدارة الأعمال , هذا نصاب لايهمك .

بعدين معدلك موسيء كذاب لأنه من 4 مو من خمسة

شف ياحبيبي خذها مني أمريكا بالماستر أهم شيء تجيب درجة اللغة والجيمات بس

لايتفلسف عليك هذا متعاقد مع كم جامعة بعمولة ويقولك مافيه لأن الي متعاقد معهم

هم الي مش متوفر عندهم بس أمريكا فيها جامعات كثير بشكل ماتتصورة فيه أكثر 5000 جامعة

لاتستعجل دور ولايلعب عليك

موفق

اخوي تبي توفر وقت وتوفر فلوس
جب القبول بنفسك ترا ما يبيلها شي
والسوداني لا يكون مكتب مرازي<
احذر منهم ولا تتعامل مع مكاتب مجرد نصيحه والقرار راجع لك انت

المشكلة الغلاء هذا على ايش؟؟؟؟ ..... على مجرد كبس ازرار وارسال ابليكيشن ؟؟؟؟؟ ..... ماتكلفه 100 رياال رسوم وياخذ 2500 على ايش ؟؟؟؟ .... لكن ماينلام اذا الناس طايحين عليه

اذا ماتعرف تقدم وتبي نفس اللي يسويه لك هذا المكتب وبمبلغ بسيط (200 ريال فقط) روح لمكتب القبولات الدولية في اكادبمبة الفيصل ..... رجاء لاأحد يقول لي دعاية لأني هامني امر اخواني واخواتي ومريت في نفس وضعهم وربنا يسرها

بالتوفيق للجميع ان شاء الله

اوكي لو 2500 باطلقاق دامه بيضبط اموري
لكن اخذ مني 5400 ريال بغير وجه حق ونكبني وللحين انا متورط في مدينه غاليه وساكن في مع شحاذين في خراب الله لا يوفقه ولا يبارك في رزقه