حكاية الملحقية و وزارة التعليم العالي .......................... مع " الميك آب "

اي هذي المواضيع الله يهديك

كلام جميل الدكتور العيسى نايم في العسل ومشغول با لبزنس الخاص به وقد تم توظيف ابنه في الملحقية تخصص حاسب الي وشغلته اغلاق المواقع التي تفضح في ابوه الدكتور العيسى مثل كارثة الاعصار الماضية ومشكلة البوابة الالكترونية

والله انا اشوف ان الاغلبية شاب على الملحقية بسبب كلام الناس
ولا تلقاها لاعنده مشكلة ولا شئ بس شاف الناس يسبون ومشى وراهم

صحيح في بعض المبتعثين صارت لهم مشكلة مع الملحقية وعلى ابسط شئ يكتب موضوع
ولو بحثنا وراه تلقاه مامشى على النظام

انا ما انكر ان فيه بعض التقصير ولكن ليس كما يتخيله البعض علينا ان نحكم عقولنا قبل كل شئ
وخصوصا اللي يطالبون بزياة المكافأة هذي مو بيد الملحق الثقافي هذي سالفتها طويلة وتمر على وزارات كثير

انا عن نفسي اشوف الملحقية تقوم بعمل جبار ويشكرون عليه وخصوصا ان عدد الطلاب بالهبل في امريكا
ولو قست عدد الطلاب على عدد موظفين الملحقية لما تخيلت كيف يستطيعون انهاء امور هذا العدد الهائل من الطلاب
عن نفسي الحمدلله ماعمري واجهت مشكلة مع الملحقية
بس كثير من اخوياي يشكون من الهولد ولما سألتهم قالوا ما ارسلنا الترانسكربت طيب كيف تشتكي وانت مخالف النظام؟

عموما نطمح للأفضل ونتمنى زيادة المكافأة وخصوصا اللي عندهم اطفال كان الله في عونهم على المصاريف والحضانة
ولكن علينا ان نحمد الله على مانحن عليه الان وبالشكر تدوم النعم

والله عارفين انها يرفع توصيه و التوصيه تروح للتعليم العالي بعدين الشورى بعدين الماليه بعدين الملك
ولكن العتب على تصريحه قبل فتره ان السكن متوسطه ما بين 300-600 دولار
يا عزيزي انا في هيوستن و ساكن في سكن والله العظيم في احد المواقع تقييمه %11 يعني حتى ما وصل الى ربع مستوى المعيشه و سكان ب 900 دولار , وش اقول عن اهل نيويورك و بوستن و كاليفورنيا
بتقولي يختار ولايه رخيصه اقولك الطالب وين ما يجيه القبول و معادله الساعات المناسبه بيروح لو انها في جامعه سانت رات .

ان شاء الله اخي العزيز ما تشوف منهم الا كل خير و تتيسر امورك كلها , اذا شفت طلاب يجون لجامعه قدام بيتك قطعه الشارع من كل الولايات و اذا قدمت عليها قالوا لك مغلقه و يجي بعدك واحد بشهرين من ولايه بينه وبينها اكثر من 1000 ميل يقولك توني ماخذ الضمان المالي عليها فما ادري وش اقدر اقول .
اذا كانت زوجتك في الشهر الثامن ما تقدر تركب الطياره عشان حالتها الصحيه و يقولون لك انتهت فتره بعثتك و انت على الهولد و معك ورقه من المستشفى بحالتها و ترسل للمشرف بحالتك وتقوله ارفعها للعيسى و يقولك اسف انت على الهولد و مهيب شغلتي و تروح لهم في واشنطن و توصل لهم في الملحقيه و يقولون لك اجراء الاستثناء ممكن ياخذ 3 شهور عشان يتم . طيب وانا من وين اعيش ؟؟ الحمدلله ان المستشفى ماخذ حق الولاده من التامين قبل والا كان ولدت في الشارع من وين اجيب 15000 دولار .


على قولتك عدد هائل : ما اقارن الملحقيه الا بالمرور في السعوديه , هذا ركب بوابه و هذا ركب ساهر . و كلن يلمع و كلن يقول التقصير من المواطن . طيب يالمرور انت حليت السرعه في 3 مدن الكبرى وفي الشوارع الرئيسيه فقط . هل تعلم ان عدد مناطق المملكه اكثر من 13 منطقه و الرياض و جده و الدمام جزء بسيط من مساحه المملكه . البوابه الالكترونيه تستوعب كل المبتعثين و في النهايه كل الطلبات لازم نفس المشرف ياخذ طله عليها ويمشيها يعني صبه احقنه .

والله ما هو عذر تقولي عدد المشرفين قليل , ليه بريطانيا واستراليا و كندا ما عندهم نفس المشاكل ؟ ليه الصيني وراه احد يهتم منه ؟ لا تقولي عدد السعوديين اكثر من الطلاب الصينيين او حتى اكثر من الهنود ؟ ارجع للاحصائيات وشوف .
ياخي العيسى خريج امريكا و عايش في امريكا و مشرف على طلاب امريكا ولا تسمع له تحرك الا مات احد او ابلشوا سعودي في الاخبار الامريكيه وليتهم يحلون مشكلته .

و ما زال بنفس الفكر الي تخرج به من الثانويه .

اسف للاطاله و لكن شيء في الخاطر بيطلع الحين والا بكره

السلام عليكم

علشان تخلص من سالفة الميك اب لزم تقضي على الكوفير الي يسوي الميك اب

لان باختصار لو نظفنا الميك اب من الي يضمن ان ما تتزين به الملحقية / وزارة التعليم العالي مره ثانية


يقولون البدو منول ان الحية ما تموت الا اذا قطعت راسها




تحياتي

أنا ودي وألقى واحد هنا في أمريكا يمدح الملحقيه أو راضي عنها أو على الاقل مايسبها

تكفون أبحثوا معي عن الشخص المفقود خلونا نقول فيه أمل في العيسى واللوبي حقه

تحياتي

ايش رايك ياعزيزي.. اني اخذت هولد بسبب انهم مضيعين ملفي؟!
ايش رايك لمن راحوا يراسلون الوزارة التعليم العالي كذلك قالوا لهم ماعندنا ملف له!! ولو انا ماعندي نسخ من اول قرار ابتعاث استلمته منهم
ولا كان وضعي ماساوي ورجعت السعوديه!! صدقني محد بيحذف ويتبلى على الملحقيه من فراغ الطالب ماهو فاضي اصلا يتبلى ويحط دوبه بدوب الملحقيه
والعيسى هذه اوسخ مخلوق بالملحقيه.. لانه كذاب ابن كذاب .. لو انه صادق ماقال الكلام المغلوط انه مافي احد ياخذ هولد الا انه مايرسل التراتسكربت في الجامعة طيب انا وغيري اللي ناخذ هولد
باسباب تافهه! وش ذنبنا؟

لا ياعزيزي فيه كثييييييييييييير بتحصل مليانيين من المطبلين للعيسى وكلابه المتشرده

الله يسلمك ذول من اصحاب فيتامين واو واللي محصلين خير ماعنده شغل الا يمجد او يشوف انه اموره ماشيه بالملحقيه فيجلس يعل خلق الله هنا
بالمنتدى ويمجد في الملحقيه

عبدالرحمن الدحيم

اول شئ كان الله في عونك والحمدللة ان مشكلتك انحلت
عالعموم انا ماقلت لك ان الملحقية عملها ١٠٠ بالمئة اقولك لازم يكون فيه اخطاء
والخطاء وارد في كل جهه تعمل لكن عليك ان تكون على علم بالنظام قبل ان تطلب المستحيل
انا ما ادري هل النظام في صفك ويحق لك تجلس هنا ٣ شهور اذا خلصت البعثة وتخرجت ام لا ؟
اذا كان النظام يسمح بذلك ولك حق صدقني بتأخذه اما اذا النظام مايسمح وانت عارف انك بتتخرج قبل ولادة زوجتك
وانك ماتقدر ترجع من المفروض تكون رتبت امورك من بدري وخليت زوجتك ترجع قبل الولاده لو كنت على علم بالنظام
ولنفرض انك لاتعلم شئ عن النظام كان بأمكانك تراسل الملحقية وتستفسر منهم هل تسمحون لي بالبقاء ٣ أشهر ام لا
ووقتها اذا قالوا لك لا تتصرف وتحل مشكلتك واذا رفضوا تكون على علم مبدئيا

في الختام انا والله لا اطبل لا للعيسى ولا لغيرة بل اتكلم من باب العلم بالنظام قبل الحكم على الاخرين