حوار هل اصبح الحسد ظاهرة؟

هو ليس ظاهرة بقدرماأصبح شماعة الكثير يعلق تعثراته في الحياة عليها
ولكن مايؤثر في االنفس أن ترى شخصا فيه من الخسة والدناءة أن يقبل عليك ويقول (ماتبادلني بولدك هذا) وعلى مسامع أطفاله وهم من حولة ليس واحد ولا اثنين أقسم لكم بهذا اللفظ
النفوس المريضة هي التي أصبحت تتزايد مع الأسف
(اللهم إني أستودعك نفسي وأطفالي وزوجي وديني وخواتيم عملي يامن لاتضيع ودائعك)

الحسد موجود ولكن لا يستخدم كعذر لتبرير الفشل
دان فشل فشل لانه فعل

طبعاً سبحان الله فعلاً الحسد صاير ظاهرة في تقديري الشخصي الخاص.
بس برضه فيه أشياء ممكن نفسرها على أنها حسد وهي ردة فعل من الآخرين تجاه تصرفاتنا الخاطئة.

شكراً لصاحب الموضوع.
ملكوت

للتصحيح:
إذا رأيت مايعجبك فقل: " ماشاءالله لاقوة إلا بالله " ^.^

الله يكفينا شر الحسد و الحسودين!!!

اي بالله انه مننننتشر وبشكل مخيف!! خصوصا عندنا يالنساء!!!

وفيه قصص و مواقف كثيييييير عليه!!

لي عودة,,,

مشكور ياصاحب الموووضوع,,

ايش تقولون عن حسد الاهل
لم الاب يقول لاخوه بنتي لما تتوظف بتسوي كذا وكذا يقوم يقوله مين قالك اصلا انها ببتوظف لكن ربي اكبر منه البنت اتوظفت وابتعثت من شغلها وهوا لسا مدرس بمكانه اللي اتعين بعده بسنين اترقي وصار موجه في ادراة التعليم وارسلوه امريكا يدرس الماستر وهوا حتي ماستر في السعودية ما يقدر يدرس وعليه ديون الله اعلم بحالها ..
.
.
لو الواحد بس يقول الحمدالله كان الكل بخير

شي يضايق فعلا الواحد في الغربه يتوقع الكل قلوبهم على بعض لا حسد ،لا غير لا افكار متخلفه

معليش ارررتقوا بآفكارررركم

تخيلوا ان وحده معاي والله ماسالتها عن شي وقالت لي مهم كل شي لا تذاكرينه كل شي مو مهم انصدمتتت فيها مع اني مسويه فيها خير ودالتها على معهد كويس في النهايه تصدمني بذا الاخلاق الخايسه

ابقولكم موقف ،، ابي تعليقكم !

اانا جيت ولغتي صفرر ، التيتشر قالت شي والكل ضحك التفت عليها قلت لها ايش قالت التيتشر

ناظرتني ولفت !


من جد ح ق ا ره

وناس حرام فيهم المعروف
طول الوقت ابي اصير احسن من هذا ، شفتي هـذا شلون لغته ابي اصير زيه ، شفتي علان يغش .... انتوا في امررريكككا ركزوا شوي يرحم امكم !

على فكره مفهوم المنافسه ينم عن قصورا في التفكير ،وكانك تقول الكون ما يتسع للجميع المتميزين ،

سلام

انا راح اقول لكم اللي صار معي
وابي تحكمون وش تسمون ذا

انا معي واحد من اصحابي من 6 سنوات تقريبا الحقيقة انا مخاوية اخوة بقلب وخاطر بس احسه يبي يطقطق وقت محدد معي وما ادري وش كان بخاطره بعدها
بس انا عملت باصلي واني اكون وفي ما لكم يظهر منه حركة بايخة مرة مرة
المهم قبل سنتين قدمت زوجتي على الابتعاث ومن زود الفرحة قلت له
وكان رده ( والله لو طلعت بدون ما تقدم لي معك لاذبحك ) قلت له والله انك مو صاحي انت الحين جالس تلعب رايح جاي ولا قاعد تجتهد وفي الاخير تقول قدم لي معك !!!!


المعم راحت ايام وجات ايام وكانت علاقتي معه قوية وفترة قام يسحب ولا يتصل واذا اتصلت عليه ما يرد على اتصال ( مو من شان الابتعاث ) بس كذا لقى اصحاب ثانين يسافرو معه ويخربو معه قام ينبسط معهم

المهم الرجال ما عاد اتصل من زمان
وانا اللي اتصل عليه وانا اللي يواصله

فجئه طلع قرار زوجتي وجهزت كل شي للسفر وقبلها بيوم اتصلت عليه
عشان اتوادع منه
بدل لا يقول الله يوفقك الله ييسر امرك
قام يسال كيف سويت كيف مشيت من واسطتك
سبحان الله

المهم كنت مستعجل وخلصت منه بطريقة

لمن وصلت بلد الابتعاث
بدل لا يقول الحمد لله على السلامة ويتطمن علي
قم يعيد نفس الاساله كيف سويت ابي اطلع مدري كيف



هذا وش تسمونه

يارجال عندنا وعندك خير
انا حاس بصدمتك انه خويك وسمن على عسل انت وياه وعشرة عمر وبلحظة انصدمت بلي بقلبه
أجل وش تقول اللي عمه مو خويه يتفاول عليه بالمرض ؟؟؟ اقولك وصلت الحقارة انه يتفاول علي بالمرض ؟؟؟
اخبر زمان وانا بالسعودية قبل الابتعاث كان بس يكلمني عن خويه الي يدرس بأمريكا ويمدحه وانه على اتصال دائم معه
يوم أنا اللي انا ولد اخوه ابتعثت لأمريكا والله ماجاني منه اتصال ولا حتى رسالة ولا برمضان ولا بالعيد مافكر يتصل او يرسل
يوم رجعت السعودية شافني وبدل مايتحمد لي بالسلامة وبدل مايقول ولد اخوي رفع راسنا او يدعيلي بالتوفيق
قام يقولي انا كنت متعافي ورياضي ولا اشكي من شي يوم سويت تحليل طلع فيني فشل كلوي
جرب انت تسوي تحليل يمكن فيك فشل كلوي احسه وراثة < ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وقلي كيف طلعت بعثة وش سويت وبس وبعدها مشى
وفي فترة ثانية رجعتي الثانية للسعودية يوم شافني عاد موضوع الفشل الكلوي مرة ثانية
قلي سويت تحليل ؟ < استغفر الله بس
ناس قلبها اسود الله يكفينا شرها

شخصياً اعرف واحد مجتهد كاف خيره شره يوم دخل الجامعة سرب واحد ما يخاف الله عنه اشاعة انه صار مريض نفسي

هذا وش تقول عنه

و لو كان طلع برا وش كان بيقول عنه

اعتقد من اسباب الحسد الظلم و الجهل و عدم معرفة الشخ لقدراته التي وهبها الله له

فلو تلاحظ الواسطة في ازدياد

الجهل، للاسف الواحد يوصل للمرحلة الثانوية و تحصل المعرف عنده في الحظيظ و ما يعرف وش بتخصص
و كل الي يسويه يسأل فلان وش تخصص و فلان وش تخصص
و هذا لا حظته في دكتور في جامعة الملك سعود
شخص متبني الشخصية المحبوبه الي يحب يساعد الناس، لكن من داخله شخص يرد الخروج من هذا القناع المزيف

و للاسف التعليم العام لم يقم كما يقوم به الغرب الآن بمساعدة الطالب لاكتشاف مواهبه و قدراته


لكن لابد للانسان من تحصين نفسه بالاذكار الصباح و المساء