اسعار السكن وايجار السيارة في هيوستن

شباب 83 مشاهدة ولا رد

ضروري تكفون لاني اول مره اروح امريكا

اسعار السيارات ايجار بين 450 و 700 في الشهر و كلها سيارات اي كلام يعني تمشي الحال موديلات 2006 و تحت . اذا كنت متوقع انك تجلس اكثر من 6 شهور تشتري لك سياره ب 5000 - 6000 دولار و تبيعها في النهايه بسعر اقل افضل لك بكثير من الايجار .

الشقق تبدا من 900 و طالع , و اذا تبغى الي عليها الكلام تحس انك في امريكا و فخمه تبدا من 1300 تقريبا .

وعليكم السلام ورحمة الله

امكن تفيديك المعلومات الموجودة على هذا الرابط ..

http://nukssites.org/nuksguide/index.php?option=com_content&view=article&id=183&I temid=61

موفق باذن الله ،،

مشكور اخوي على الرابط

واي واحد عنده معلومات ثانيه يفيدني

انت كم بتجلس شهر اذا انت مطول هذي تفاصيل الشقة الي انا فيها اذا تناسبك راسلني على الخاص
السلام عليكم ورحمة الله وبركاتة
اللهم صلي على محمد وعلى ال محمد وصحبه اجمعين


مستاجر شقة من غرفتين مع دورات المياه وصاله ومطبخ بما فيه من ميكرويف وغساله صحون وغسالة ملابس .

الشقة في مجمع نظيف وفخم متوفر فيه جميع الخدمات صاله رياضيه مسبح مكتبه كمبيوتر وسكانر وجميع ما يحتاجه الطالب .

المجمع في بين الوستهايمر والرتشموند مقابل الولمارت والسنما .

سعر الاجار عادة من 1200 الى 1300 $ وبما اني كاتب معهم عقد لمدة17شهر اصبح الاجار920$

دافع ديبوست 750$ وتامين لشقة لمدة سنه وديبوست الكهرب 300$ وتأمين ضد السرقة والحريق 240$
الي بيسكن يجيب اغراضة بس لايدفع شي

راح من المدة 6شهور وباقي 11 شهر

3030 Dunvale Rd
هيوستن‎ تكساس‎ 77063
الولايات المتحدة

واي استفسار انا حاضر

ودمتم بخير وسلامه

السلام عليكم ياشباب انا رايح اتعالج هناك الله يكفيكم شر الامراض يعني مارحت ادرس وبكذا تصعب علي الامور لاني لو ادرس كان احتكيت بطلاب سعوديين بالمعاهد وعرفت منهم اشياء كثيرة

لاكن بكون لحالي انا واخوي ولانعرف شي بهالديرة ياليت ماتبخلون علينا بمعلومات اكثر
لان صراحه دورت في جميع المنتديات ومالقيت احسن من منتداكم
وتفائلت بجميع اخواني السعوديين اللي بهالمنتدى الرائع لاني قلت باجد ضالتي هنا واكيد كل واحد يدور الاجر الله يوفقكم

ياليت معلومات اكثر

اخوي سعرك حلو بس مادري انا كم بجلس

اذا تعال حاول تسكن في المدكل سنتر علشان تستخدم القطار وقت الى بتروح المستشفى اعرف شقه طبعا مبطخ

كل شي بس بدون اثاث سرير كنب تلفزيون الى اخر 1000 دولار جانب القطار واذا تبي راسلني في الخاص وارسل لك

عنوان السكن ومعلومات واجد بعد لو تبي

ابو تركي

ان شاء الله قدامكم العافيه يارب .

عين فراش و عين غطى انت امر بس

ولا تشيل هم ابد ابد

و انا اخوك لا تشيل هم شي ان شاء الله كل شيء يتم على ما يسرك و متيسره .