استفسار مساء الخير لاهل الخبره في المضايقات :(

انا لا اتهم البنت في اي شي
ولكن كنصيحه اخ لاخته
عشان في المستقبل ماحد يضايقك مع العلم مايحق لاي شخص يسوي اي شي مهما حدث منك ولكن عشان تطلعي من الدائره هذي راجعي نفسك وهذا يعتبر اصلاح للنفس وكلنا نخطا هذا ان كان فيه خطا
اتمنى لك التوفيق

السلام عليكم ورحمة الله وبركاته ،،
اولا اختي الكريمة ،، تمسكي بدينك من حجاب واخلاق ،، وماتوقع احد يجي ويتحرش او يقترب منك ،، هدانا الله لما يحب ويرضى... ( افهميها وهي طايره )
دالامر الاخر ،، ردا على من يقول ( هو بامريكا مو بالسعودية ). ،، من قالك ان السعودية تعاملها مع المتحرشين والمضايقين بغير المطلوب ،، الحمدلله نحكم الشريعة الاسلامية والهيئة موجودة والشرع موجود بالسعودية ،،، فلا تتنقص من دولتنا وشكرا

انا من رايي انك كخطوة اولى تكلمينه وتبينين له انك اخت له .. وانك انسانة لك قيمتك ومانتي من النوع اللي اي كلام .. وفهميه انك جاية ترفعين راس ابوك وامك .. خليه يفهم انو انتي عاقلة لان ترا في ناس متخلفة بالسعودية تظن في اللي تسافر من البنات انها ضايعة وخصوصا لو مامعك احد ... طبعا هذا مرررااااهق وكذا تفكيره ... بس لو كلمتيه باحترام يمكن يتغير واذا ماتغير كخطوة ثانية بلغيه انه انتي بترفعي قضية وان القضية هنا غير وانها مسماها مضايقة وانه سيتم انهاء دراسته بسببها .. وان النظام

اذا مانفع معه الخطوة 1 والخطوة 2 طبقي الخطوة 3 وهي رفع الدعوة فالبادي اظلم ولا يهمك اهم شي انك تعيشين بامان ومن رايي غيري جوالك

انا ماراح اظلم البنت بكلام لكن هذا تحليلي ( مجرد تحليل للموقف مو تهمة ضد البنت )
انك ياعزيزتي سبق وتكلمتي معه وممكن طيتي حنك معه ولا كيف جاب رقمك ؟ اكيد تعرفتو على بعض
ويوم جات الساعة اللي اخذتي فيها عازتك منه ، بتشتكين عليه .. او شفتيه يكلم بنات اجانب او ماني عارف
عموماً انتي وضحي لنا علاقتك بالولد

ببساطة:
لولا أنك عارفة أنك مشاركة في الخطأ، كان عرفتي كيف تتعاملين مع الموقف بدون ما تجين تسألين.
حتى عنوانك: أهل الخبرة في المضايقات، واضح أن الوضع نص عاجبك نص مضايقك.

تحياتي،،،

قصــة تشتكيــن عليه الشـرطــة وأدارة المعهـــد خليهــا في النهــاية!

أذا عنـــدك أثبــاتات على كــلامـــك فـ تواصلــي مع الأستــاذ/ ناصــر العرفــج أو

الأستـاذة/ نوره النفيسـه في الملحقيـــة وأن شاء الله راح يوقفـــونه عن حده!

سبحــــان الله وبحمــــده سبحــــان الله العظيـــــم

شف وأنا أخوك:أنا معك فيه شباب سعوديين ما يضايق السعوديات غيرهم، ولكن صدقني أن البنت اللي تتعامل معهم بعقل، راح يحترمونها غصب عنهم. أنا ماني جالس أعطي نظريات لكن والله اللي شفته في البعثة أن السعودي مهما كان قليل أدب، يحترم السعودية، وحتى لو ما كان احترام، يخاف من ردة فعلها.أنا قرأت الموضوع، وتتبعت ردودها، وبناء على ذلك كتبت ردي، والله لو وجدت في لغتها ما يوحي بالفعل أنها متضايقة من جد، ما كان ردي اللي شفته فوق. أنا شخص مهما تعاطفت مع شخص، أبقى صريح، والمثل يقول: علشان تطهر اليد لا بد من فرك راحتها بقوة.تحياتي،،،

انت قلتها تتعامل معهم بعقل، طيب انا بنفسي مرو علي بنات همهم الاول و الاخير اشياء تافهه.... علبة مكياج، جهاز آيفون
شي طبيعي انهم ما يعرفون يتعاملون مع كل المواقف
فليش ما حطيت الصنف هذا في بالك
و هناك ناس ما رح تحصل مثلهم في العالم اجمع اقل ما يقال عنهم حيوانات ( والابتعاث لازال شغال على اتبعاث العاهات) ليش ما قلت ان الآدمي هذا يمكن منهم

الحين عرفت ليش الدين صعب اثبات الزنا
السبب عشان اصحاب الذمم الواسعة (اسمحولي لاكن استكت الا على الاعراض) تاكل تبــــــــــــن و لا تتكلم
انا استثنيك منهم لانك تريد من تعليقك ان تثبت قدرتك على الاستنتاج
لكن في من التعليقات تعرف من تعليقة انه انمسك من الهيئة و فكوا البنت و اكلوه تبن فتصور في عقله ان الموضوع مثل الموقف الي مر عليه

ياهووووووووووووووووووووو خلاص من سيرة البنت حرام عليكم

ترا عندكم اخوات خافوا على سمعتهم قبل سمعتها.. "كما تدين تُدان"


وصاحبة الموضوع .. البنت ماتجي تقول وش اسوي دامك برا ووحدك المفروض تكوني عن 10 رجال

وش يعني واحد ضايقك ماتعرفي كيف توقفيه عند حده!!!!!!!