طلبة الماجستير ( تجربتكم مع أول سمستر بالجامعه ) من ناحية اللغه # نقاش#

السلام عليكم

في البداية حابة اقول ان الحياة الجامعية ليس بتلك الصعوبة التي نتخيلها طبعا اتكلم من ناحية الدراسة بس المشكلة انها تحتاج وقت اكثر من الوقت التي كنت اقضيه مثلا في اللغه وحتي اياام الجامعة في السعودية وطبعا يعتمد كثير ع التخصص هل هو نظري بحت او انه عملي

الصعوبات التي واجهتني :
١- يالنسبة للغة الصعوبة كانت في المحادثة يعني انا في الكلاس مجرد مستمعة ما اقدر اسال الاستاذ عن المنهج الا بالايميل . ليش؟
انا في حالتي ما اختلط كثير بالامريكان ايام اللغة + كل شي يسويه زوجيحتي المشتريات هوا يشتريها وانا قليل ما اخرج ال اللمعهد و في الويكند والسبب ان لما بديت المعهد زوجي بدا الماستر فكان قليل ما يفضي ليا عشان اخرج بالاضافة الا الكسل ايام حملي وحتي بعد الولادة . بصراحة انا الي الان المحادثة عندي مشي حالك
٢- بعض الاساتذة يتكلم عادي او ببط يعني تقدر تفهم عليه وتسجل ملاحظات للدرس ولكن عندي مادة نظرية بحته الترم هذا الحمدالله مافيها امتحانات الدرجة كلها ع بحوث يعني عندنا تقريبا خمس بحوث في الترم اغلبها دراسة حالة . المادة هاذي اللي افهمه في الكلاس ما يتعدي ٦٠ ٪ لان الاستاذ مرة متحمس وتلاقيه يتكلم مرة بسرعة لانه حابب التخصص
صح المادة ما فيها اختبارات بس انا لو ما قريت الكتاب ما راح اقدر اكتب البيبر فاللي اسويه اني اقرا الفصول افهم المنهج واكتسب كلمات ومصطلحات تساعدني في الكتابة.
طبعا الحمدالله الكتابة عندي كويسة وما عندي مشكله.
٣- المذاكرة تاخد وقت من الجهد ومن الصحة ومن وقتك مع العيلة يمكن الرجال مي فارقة معاهم بس البنات تفرق وخصوصا المتزوجات يعني مثلا انت عندك في الترم اقل شي ثلاث مواد فكل اسبوع يكون عليك تقرا من كل مادة فصل الي فصلين واحيانا توصل لاكثر واذا انت مو سريع في القراءة وما عندك حصيلة من الكلمات فراح تحتاج وقت طويل حتي تخلص الفصل الواحد.
بالنسبة للبنات انا عندي طفلة عمرها سنة والله احلف وما ابالغ ما الاقي وقت العب مع بنتي لدرجة احيانا اقول بنتي اهم من دراستي وافكر ارجع بس لازم انا اتحمل وهيا تتحمل لان بصراحة مافي شي يجي بالساهل .
بالنسبة للي يفكر يبدا الجامعة بعد اول سنة لغة انا بصراحة ما انصح الا اذا كان الطالب اصلا تخصصه لغة او مثلا طبيب ومتمكن من اللغة من قبل الابتعاث
وحابة اقول انا الحمدالله قبولي جبته بعد اول ستة شهور من اللغة بس حطيته ع جنب ودرست سنة ونص لغة الحمدالله وماني ندمانة لان وقت حصولي ع القبول ما كنت كويسة في اللغة مثل الحين فانا انصح تدرس فترة اللغة كاملة لانه من مصلحتك...
.
.


دعواتكم ليا بالتوفيق في اول ترم ويارب اكون قدرت افيدكم بمشاركتي وان شاءالله ربي يكتب لكم التوفيق والنجاح

يعطيك العافية يا صاحب الموضوع..
وأشكر كل من تفاعل..
متابع

موضوع رائع.
متابعين!

تحياتي،،،

اول سمتر لي في الجامعة بعد اللغة
سراحة كنت خايف لاني الوحيد في الكلاس عربي بعد ابو سروال وفانيلة
وكنت اخاف اسأل في نقطة مني فأهمها
وكنت اشوف بعض اخطاء المدرس في الرياضيات ولا اتكلم
بعد اول اسبوعين صارت عادي
بس بسراحة للحين احس ان اللغة عندي مش حالك

محاسبة المستقبل
طالب في كولورادو
شاكره لكم مشاركتم تجربتكم معنا..
افادتني..
بنتظار باقي الاعضاء..

موضوع شيق لا يوقف لايوقف

مررحبـــا
انا ببدي في الصيف ماستر
واخذت سنه لغه بسس واحس كلامكم يخووف..خصوصا انو دراستي كانت بالعربي
الله يعييين

انا خريج ماستر من بريطانيا وتخصصي علمي دقيق ودرست حوالي 7 شهور لغه لاني وقتها كنت ابي اخلص بأي طريقة..

طبعاً ما أخفيكم أني تندمت بعض الشيء لان وقتها كنت اقدر ادرس اكثر من سنه، لكن فيه شيئين هامين أتوقع - مع ان اصحاب تخصص اللغويات يمكن اعرف منا بالمواضيع هذي -

اولاً.. طالب اللغه يمر بفترة تشبع، يحس ان مستواه خلاص وصل لأعلى قمّه، وبالتالي مهما استمر يحس ان مستواه ماراح يتطور بسبب التملل والروتين.. وهي تعتمد على حسب مستوى الطالب لأن فيه ناس يحتاجون فعلاً وقت بالذات اللي بدأوا من مسويات أوليّة.

ثانياً.. في بداية الماستر كنت أواجه صعوبه بالذات في المواد اللي فيها اختبارات، لكن مع مرور الوقت وتقريباً بعد 3 شهور حسيت بتغيّر كبير وتطور باللغه بالذات الكتابة.

لذلك أشوف ان التخوف من مشكلة اللغه في بداية الماجستير طبيعي ويزول بالتدريج، وبالعكس مستواك اللغوي في النهاية يتحسّن بسرعة..

محاسبة المستقبل

كلامك يخوف وخاصة اني لساتني في فترة اللغة

وام لطفلين والثالث بالطريق بأذن الله

وتخصصي بأذن الله يعتمد ع العملي

يارب تهون علينا وتيسر أمورنا

السلام عليكم

اخواتي انا ما قلت الكلام هذا عشان اخوفكم بل بالعكس انا ابغا اشجعكم انكم تاخذون فترة اللغة كاملة لانه في النهاية من مصلحتكم
وبالنسبة لكي رنوش انا بنتي ما وديتها حضانه لان ما حيبت اوديها وهيا صغيرة يعني حبيت تكمل السنة ونص ع الاقل وبعدها اوديها حضانة وهذا الشي يمكن الي اتعبني شوي لان تعرفي مسولية طفل رضيع قد ايش تاخد وقت وجهد من الام
انا عني اعتبر نفسي مختلفة عنك لانك ما شاالله عندك طفلين فعندك خبرة كيف تديرين وقتك وتقسمينه بين دراستك واطفالك وزوجك
انا اتزوجت وسافرت مباشرة وحملت بعد اول شهر ليا بامريكا الوضع بالنسبة ليا كان صعب وزاد الطين بلة الحنين للاهل وفعلا احس للحين ما اعرف اقسم وقتي بين دراستي وبنتي يعني احيان احس اهتم بدراستي ع حساب بنتي واحيان العكس ....
من خلال سوالي للي اعرفهم ومن خلال اللي شفته اول ترم يكون مضغوط شوي لانك دخلتي مرحلة دراسية مختلفة تعتمد عليك كليا في فهم المنهج وكتابة البحوث وحتي التحضير للامتحان....
قراءة الفصول في البداية تاخد وقت كبير يعني يمكن توصل لثلاثة او اربع ايام اذا انتي بطيئة في القراءة واذا احتجتي انك تترجمي كلمات كل شوي
مع مرور الوقت وبنهاية الترم الاول راح تحسين انك اتعودتي ع القراءة وانك اكتسبتي مصطلحات وكلمات كثير تساعدك في الكتابة وفي المناقشة باختصار يبغالها شدة حيل اكثر من فترة اللغة....
مهم جدا للطالب يثبت نفسه في اول ترم ويجيب درجات عالية عشان المعدل لا يتاثر لانه معروف اذا المعدل كان نازل اول ترم راح تتعب بعدين عشان ترفعه حتي لو كان درجتك بعدين عاليه ..
.
.
اتمني قدرت اوضح الالتباس اللي حصل واتمنالكم التوفيق دايما